Read Western Highland Purepecha 1 Timoteo 4 Bible Online

1 Timoteo 4 - Western Highland Purepecha bible

1 Timoteo 4

¹Espiritu Sántu ambantku uandasïndi, eskaksï ima jurhiatekuecha enga k'amarhuni jamaaka máruksï nóteru jakajkuakatia Diósïni, ka espiritu chkuándirechanksï ka tandochpirichanksï jakajkuati enga Nóambakitirika.

²Chkuándirechanksï ka tandochpirichanksï kurhajchauati, imechani engaksï tiámu jurhepiti jimbo mítentstarakua jukarini jaka, xáni nósesi ambe úrini.

³Xárhati k'uiripuechaksï no uékasïndi eska tembuperanhaaka, ka eskaksï máru t'irekuecha no marhuatanhaaka enga Diósï kueraaka. Ne enga ambakiti jurhentperakuani mítetini jaka, ístu mítetixati eska úaka arhani imani t'irekuani, diósïmaiamu arhijpentaparini.

⁴Nóchka iámendu ambe enga Diósï kueraaka ambakiti ambeski andi, ka nómbema k'uanisïndi no jiókorheni enga Diósï kueraaka, jinisï uétarhejti jiókorheni diósïmaiamukua arhijpentaparini,

⁵jimboka iámendu ambe Diósïri uandakua ka uandamukukorhekua jimbo újchakurakateska.

⁶Ekari íni ambe jurhendaaska chéti erachichani, jiájkanksï sési kurhadirakuxati Jesukristuni, engaksï jakajkukueri uandakua t'irejka ka ambakiti arhijtsïkperatani engaksï sési marhuatani jaka.

⁷Ísku kurha tua anapu uandantskuechani, jinirisï jángorhentaaka jarhoatpeni;

⁸marhoasïndi sáni uiriakorheni jámani ka aparhentani, k'óru xénhchperata méntku ísï marhoauati, jimboka aiatspesïnga sési jásï irekua iásï ka méntju ísi.

⁹K'uanisïndi eskajtsï iámenduecha jakajkuaka, jimboka i ambe ísïska:

¹⁰Íni ambe jimbochisï anchekorheni jaka ka jángorhentaxakachi, jimbokachi mintsikasïnga Diósï tsípitini enga iámenduecheri p'ímutantspirika, ka sánderuia imechani engaksï imani jakajkuka.

¹¹Íni ambe arhijtsïkpe ka jurhentpe.

¹²Ásïkini nema no kurhajche jimbokari tumbiska, jángorhentsï eskaksïni ts'éndachentaaka uandakua jimbo ka jangua jimbo, xénhechperata jimbo, ka jakajkukua jimbo ka sési irekua jimbo.

¹³Míndantsï jakajkutichani karakata arhikuantaani ka arhijtsïkuani ka jurhendaani ekani jamberi ji niáraaka.

¹⁴Marhuata kóntperatani engari intsïnhaka, jiájkani engaksïni terujtsïkuricha Diósï jimbo uandapka ka engaksïni p'ájtsïkupka.

¹⁵Íni amberisï níataaka, ka sésiri exenhani jauaka eskari sési ambe úxaka.

¹⁶Jinguntku jáma, ka jinguntku jurhentpe, ka sési anhaxurhikorhetini ja, ekari no kuatantaska íni ambe níatani, jiákandi p'ímutantskorheaka ka imechanturi p'ímutantauaka engaksïni kurhajchaaka.