Read Western Highland Purepecha Tito 1 Bible Online

Tito 1 - Western Highland Purepecha bible

Tito 1

¹Ji Páblu, Diósïri jántspiri ka Jesukristueri uandankua pári, engani axanhaka Diósïri erakukatechani jakajkutarani ka mítetaraani imani enga ísïka ka enga sési jimbo jakajkukueka.

²Méntkisï anapu tsípekua mintsikaparini, engajtsïni Diósï aiacheka, enga no chkuándirajka, ka engatsïni ióntki aiachekia.

³Jimbosï iásï mítetarpeni jati imeri arhijtsïkperakua, enga Diósï juchari p'ímutanspiri jíndeni jinguni axaka.

⁴T'ú Títu, engari jucheti jakakukua jimbo jucheti uátsïtika, Diósïkini maiamunte ka sési jakuakini axache Diósï Táte ka Jesukristu juchari p'ímutantspiri.

⁵Engakini Kréta jurajkuka, eskari sési péntapiringa ambe enga nósesi nirani jaka, ka eskari achamasï urhejtsïkurichani erakuantaapiringa, eskakikini na juramucheka;

⁶imani eraku enga nómbema arhikua jukaka, eska no tsimani témbechani káuaka, ka eskaksï uájpecha jakajkutiuaka, ka nóksï ambema xémenhani eskaksï nósesi ambe úriska, ka eskaksï no arhiparhatanhaaka eskaksï no kurhandireska.

⁷Jimboka uétarhesïnga eska tátecheri urhejtsïkuri nómbema arhikua jukaaka, enga Diósïri ambe patsaranhaaka; eska no k'éramakorheriuaka, eska no kauicheuaka, eska no uarhipitiuaka, eska no tumina kíchakuani andakata jimbo káneranhchaaka,

⁸sánderu sáni eska sési eropeaka, eska sési ambe xénhchaaka, eska sési eratsekua kámaaka, eska jurhenaaka terujkani anhaxurhini, eska p'amojkpitiuaka, eska kaxumbeaka, ka eska jurhenaaka p'íngukorheni,

⁹eska janhanharhiaka aiangperakuani ísï eskachi na jurhendanhaka, jimboka ísï jámani úaka máteruechani sési jurhendaani ka úni andakorheani imechani engaksï jima ménderueni arhini jarhajka.

¹⁰Jimbokaksï uáneskia no kurhandirecha engaksï ísku ambe ma uandajka ka engaksï tandochpejka, sánderuksïa ima engaksï mínda jukakueri ambe uandaparini jámka

¹¹Uétarhesïndi xárhatichani kuámukuani jimbokaksï iámendu márku k'umanchakuarhu anapuechani ísku ambe ma inchajtsïtasïnga tumina erarhukuparini.

¹²Arhijtsïkpiri ma, jima Kréta anapu imecheri iretarhu anapuechani arhiaspti: Kréta anapuechaksï méntkisï chkuándirasïndi, nóksï ambarhasti, kánhachanksï t'iresïndi ka xépestiksï.

¹³Ka isïsti, jimborisï uinhamendu xukauaka ka ísï jámanksï sési jakajkuati,

¹⁴nóksï ísku úndani judiouecheri uandantskuechani ka néuejkiri juramukuechani kurhauani jarhani.

¹⁵Iámendu pímbinhasï ambe pímbinhaxesti, imecheri jimbo ne enga pímbinhaxeka, ka ne enga chkuándireka ka enga no jakajkukujka, imeri jimbo nómbema pímbinhaxesti; ka imeri uarhikua ka imeri eratsekua jamberi jáxesti

¹⁶Diósïnksï uandasïndi míteni, ka k'óruksï jángua jimbo no jiókorhesïndi, nósesiksï jámsïndi ka nóksï kurhandirasti, ka nóksï ambema úsïndi sési úni.