Read Western Highland Purepecha Hebreos 8 Bible Online

Hebreos 8 - Western Highland Purepecha bible

Hebreos 8

¹Engani xáni ambe arhikia ixu jámberi, engani sánderu k'éri ambe arhikuekani jaka imesti eskachi jatsikorheska xásï ma táta k'érini, enga auandarhu anapu juramutini tirerkandani uaxataka,

²enga ambakiti tióstarhu marhuatspeni jaka, enga Acha úka, jima enga no ísku nema úka.

³Jimbokaksï iémendu táta k'ératini péranhasïnga eskaksï ima aiakuntaaka jurhengua ambe ka kéjtsïtakua ambe: Jimbosï uétarhejti eska imajtu ambe ma aiatspentapiringa.

⁴Jimboka ima no jamberi tátepiringa enga parhakpeni jámani japiringa, jimbokaksï ixu jámaxakaia engaksï kéjtsïtakua ka jurhengua ambe aiatspentajka.

⁵Indeksï tátecha imani ambe uandatsekorhekusïndi enga auandarhu anapu kakonhaskakueka, eska Moisesi na jásï ma xarhatamenhaka enga tióstani uénani jámempka úni. Jimboka arhisïnga: “Exe, ísïrisï jásï ma úaka eskari juátarhu na jásï ma xarhatamenhaka”.

⁶Ka ima sánderu sáni ambakiti úkua ma p'irastia jimboka imeri jimboeska enga sánderu ambakiti pakatperakua jaka ka enga sánderu ambakiti ambe aiátspekueka.

⁷Eka urheta anapu pakatperakata nómbema arhikua jukapiringa, máteru nóteru uétarhepirindia.

⁸Enga úka, Diósï no k'amak'amasï sési xéjpentasti ka uandasti: Acha uandasti: Jauati jurhiata engani Israeli ka Juda jinguni jimbanhe ambe pakatperaaka.

⁹I pakatperakua no májkueniuati ima jinguni engani chári ióntki anapuecha jinguni pakatperaka jiáni engaksïni jupijkuka uékanksïni Egiptu petaatantani; ka jimbokaksï pakatperakuani no kurhandirakuska ji jurarkuaska, Achasï ísï uandajti.

¹⁰Engani Israeli jinguni pakatperaaka engaksï na ima jurhiatecha nitamaakia, arhiauati, Achasï ísï uandajti: Jucheti juramukuechani inchajtsïtauaka ka imecheri mintsitarhu pakataaka. Ji imecheri Diósïuaka ka imaksï jucheti ireteuati.

¹¹Nóteru uétarheatia eskaksï márku iretarhu anapuecha jurhentperaaka o eskaksï márkuecha jurhentperaaka eskaksï Achani míteaka, jimboakajtsïni iámeduecha míteaka, k'érati ka sapirhaticha.

¹²Jimbokani púakuantauaka imechani engaksï nósesi ambe niátaka, ka k'amanharhintskuechani mirikurhikuauaka.

¹³Ka enga arhika eska jimbanhe ma juramukua jarhaska, arhikuekaxati eska urhetku anapu nóteru marhuasïngia; ka ambe enga iónikia ka t'arhepenia, uarhixamtia.