Read Western Highland Purepecha 1 Pedro 1 Bible Online

1 Pedro 1 - Western Highland Purepecha bible

1 Pedro 1

¹Ji Pédru, Jesukristueri uandakua pári, uandajpaaxaka iámendu erakukatechani engaksï Pónto ka Galasia ka Kapadonia ka Ásia ka Bitinia nireraka irekani,

²jimboka Diósï Táte ísï eratsetixapka, Espiritu pímpinhaxetpiri jimboksïni erakusti, eskajtsï Jesukristuni kurhajchaaka ka imeri iurhiriksïni pímbinhajkuntaati. Eskajtsï kánekua kóndenhaaka ka eskajtsï sési jauaka.

³Diósï, juchari Acha Jesukristueri Tátjemba xáni k'éristi, engajtsïni p'amojkuka ka Jesukristueri tsíntskua jimbojtsïni jimbanherantasti, ka mintsikakua tsípekuerijtsïni íntskusti,

⁴eskajtsï p'iuaka ambe engaksïni Diósï auandarhu míndachetini jaka, enga no terejka, ka enga sési jáxeka ka enga no xántkuejka,

⁵cha engaksïni chári jakajkukua jimbo Diósïri uinhapekua k'uájchakuni jaka, eskajtsï p'ímutanhantaaka, ísï eskajtsï na jatsimenhatini jápkia jiájkani xarhatamenhani engaksï jurhiatekuecha k'amakurhiaka.

⁶Indeni jimbojtsïsï tsípeni jauaka, nájkiruka k'uanijka eskajtsï namoni jurhiatekuaterku mámaru jásï ts'éjperakua jimbo kómu nitamanchaaka.

⁷Eka chári ambakiti jakajkukua ts'éjkunhaaka, eska sánderu ambakeaka eska tiripiti enga xántkuejka, ka chári jakajkukua sánderu sési ambesti eska tiripiti. Eska chári jakajkukua k'éri ambe arhinhaaka, ka k'érikurhu péranhani jiájkani enga Jesukristu ménderu xarhantaaka.

⁸Engajtsï cha Jesusini xáni xénhchajka nájkirukajtsï no míteka; imani engajtsï mintsikajka, nájkirukajtsï iásï no exeni jaka, imani jimbojtsï tsípenitsipexaka.

⁹Jimbokajtsï mítetixaka eskaksïni Diósï p'ímutantaaka jimbojtsïsï xáni mintsikani jaka.

¹⁰Íni p'ímutantskueri ambeksï, Diósïri uandaricha sési jirinhakuntasti mítekuekani, ka uandantastiksï Diósïksïni ambe enga kóndentapiringa,

¹¹Diósïri uandarichaksï jángorhekuntaspti mítekuekani, ambe jurhiatekua ka nénasï Krístueri Espiritu arhiani jápi enga imecha jinguni jámani jápka, na enga jatini Krístu xáni nósesi nitamanchapiringa ka enga tátsekua k'érikuarhu péranhapiringa.

¹²Ka jánhastanhasptiksï eskaksï ima no jandiojku jángorhexamempka, eska i aiangperakua chári sési jimboespka, i ambakiti aiangperakua engajtsï iásï cha Espiritu Sántu auandarhu uératini axakata jimbo aiangunhantani jaka; íni ambe engaksï ánjelicha jamberi xékuekanhchani jaka.

¹³Ísï jimbo, jinguntku ja je, ka míakua juka je, ka indeni kóntperakuani mintsikani ja je, engajtsï intsïnhaaka jiájkani enga Jesukristu ménderu xarhantaaka.

¹⁴Ísï eskaksï sapicha engaksï kurhandirajka: Ásteru nósesi irekorhe je eskajtsï na jámempka jiájkani engajtsï nótki jánhaskempka,

¹⁵sánderu sáni, chájtu iámendu ambe jimbo kaxumbe je, ísï eska ima na kaxumbeka engaksïni ióarhika,

¹⁶eska karakatarhu na arhijka: Kaxumbe je, jimbokani ji kaxumbeska.

¹⁷Ka engajtsï Táte arhijka imani enga iámenduechani májkueni exeajka, enga arhijpejka imani ambe jimbo enga únhaka, janhanharhi je eskajtsï jamberi xáni chéuaka,

¹⁸mítetixakajtsï eskajtsï chári nósesi jánguarhu euajpenhantaska, imani p'indekua ambe engaksïni chári tua anapuecha jurajkuchepka, nóksïni imani ambe jimbo piántasti enga terejka, taiakata jimbo o tiripiti jimbo,

¹⁹jinisï Krístueri ambakiti iurhiri jimboeti, karichi sapichu sési jásï ka ambakiti,

²⁰enga t'uíni eratsekata jápkia enga parhakpeni nótki kueraanhempka, chári sési jimbo íni jurhiatekua k'amarhukuecharhu xarharasti;

²¹chájtsï Krístuni jimbo Diósïni mintsikasïnga, enga uarhiricha jinguni tsíntantaka ka enga k'érikua íntskuka, jimbojtsïsï cha Diósïni jakajkujka ka mintsikani.

²²Chájtsï chári tsípekuani pímbinhajkuntaska engajtsï kurhandirakuka imani ambe enga ísïka, eskajtsï mintsita jinguni erachichani xénhchauaka. Méntkisï sési jásï mintsita jinguni kánekua xénhchpera je,

²³jimbokajtsï ménderu kángorhenhantaskia, tsïuakua ma jimbo enga no terejka, Diósïri uandakua jimbo, enga tsípitika ka enga nómeni k'amakurhijka.

²⁴Jimboka k'uiripu uitsakueni jáxeska, ka k'uiripueri k'érikua uitsakueri tsïtsïkini jáxesti; uitsakua k'arhisïndi ka tsïtsïki uauarhuni;

²⁵k'óru Acheri uandakua méntkisï jarhasïndi. Ka ísti uandakua: Ambakiti aiangperakua engajtsï aiangunhantakia.