Read Western Highland Purepecha 2 Pedro 1 Bible Online

2 Pedro 1 - Western Highland Purepecha bible

2 Pedro 1

¹Simoni Pédru, Jesukristueri jántspiri ka uandakua pári, uadajpaaxaka iámenduechani engaksï juchari Diósïri ka Jesukristu p'ímutantspiri jimbo xáni sési jakajkukuni jaka, ísï eskani jucha na jakajkuni jaka, imaksï no jukari ambe arhijpesïndi.

²Eskaksïni Diósï kánekua ambe kóndeaka, ka eskaksïni sési jakua íntskuaka jimbokajtsï Diósïni ka juchari Acha Jesusini míteskia.

³Diósï imeri auandarhu anapu uinhapekua jimbojtsïni iámendu ambe íntskusti, engachi jimbo úaka Diósïni íntskukorhentani ísï eska ima na uéjka, engajtsïni mítetaraka imani engajtsïni imeri k'érikua jimbo uandajpaka, ka imani xáni k'éri ambe jimbo enga ima úpka.

⁴Indeni jimbochi jucha intsïnhaska xáni sési ambe enga ima aiatspeka, indeni jimbojtsï Diósïriuaka, ka ísïksïni no pájtamaati íni parhakpeni anapu ísku jánhchakuarhu enga sánhani arhijka k'amajpeni.

⁵Jángorhekuntsï je chári jakajkukuani arini ambe kúndani: Sési ireka je, ka sési irekaparini míakua juka je,

⁶ka míakua jukarini, p'íngukorhe je, ka p'íngukorhetini, tekaantsï je, ka tekaantatini, Diósïni íntskukorhentsï je,

⁷ka Diósïni íntskukorhentatini, sési arhijpere je, ka sési arhijperatini, xénhchperakuaterku kúnda jeia.

⁸Engajtsï cha íni ambe míauakia, chári irekua marhuauati ka juchari Acha Jesukristujtsï no ísku míteaka.

⁹Ne enga íni ambe no jánhaskajka, pátenharhisti ka axujku exesïndi; ka mirikurhistia eska pímbinhajkunhantaskia.

¹⁰Ísï jimbo, erachicha, Diósïksïni erakusti, jángorhentsï je chári irekuarhu íni ambe sési inchajtsïni. Ka ísï jámantsï nómeni k'amanharhintaaka.

¹¹Ísïjtsï Acha ka p'ímutantspiri Jesukritueri irechekuarhu méntkisï anapurhu kókosï mítamenhaaka.

¹²Ísï jimboksïni ji íni ambe méntku míatani jauaka, nájkirukajtsï mítetini jakaia, nájkirukajtsï uinhamu jakajkutini jaka imani ambe enga ísïka engajtsï mítetini jakaia.

¹³Sési exesïnga, ekani jamberi jámani jauaka míatanksïni jarhani.

¹⁴Mítetixaka eskani p'íkunhantaakia, jimbokarini juchari Acha Jesukristu ísï arhiska.

¹⁵K'óruni jángorhekuntaaka eskajtsï méntkisï íni ambe míauaka engani ji nóteruni jauakia.

¹⁶Engaksïni aianguntaka eska Acha Jesukristu uinhapekua jinguni junguaka, jucha nómbema újtsïkorheska, jucha Jesusiri k'érikuani xékorheska.

¹⁷Jimboka Diósï Táte k'érikuarhu péraska, jiájkani enga t'íntskua arhipka: “Ísti jucheti Uátsï xénhachakata engani jimbo ji xáni tsípejka.”

¹⁸Imani jucha kurhaakorheska, enga auadarhu uéraka, jiájkani engachi juáta erakukatarhu Jesusi jinguni jápka.

¹⁹Ísïchi úaka iámu ambe jakajkukuaani engaksï Diósïri uandaricha uandaka, sési japirindi eskajtsï erajkutakueni kurhanguntapiringa, enga pájpakandu t'íntskarani jarhajka, ka eka jamberi eramarhandekueuaka ka eka jamberi chári mintsitecharhu k'uanhari andarani jauakia.

²⁰Ka méntku míani ja je eska nóma ma enga Diósïri karakata jurhentpejka úaka jánhaskorhenhani eska na uékanhaaka;

²¹jimboka nóma Diósïri uandari imeri jimbo uandaska; méntku ménderuenisti, Espiritu Sántusï Diósïri ambe uandarpeti.