Read Western Highland Purepecha 2 Juan 1 Bible Online

2 Juan 1 - Western Highland Purepecha bible

2 Juan 1

¹Tiósïo anapu urhejtsïkuriksïni uandajperakua axachexati iámendu jakajkutichani, ka kánekuaksïni xénhchasïnga, ka noksïni jíjkusï xénhchajka, imajtuksïni iámenduechasï xénhchajti engaksï míteka imani enga ísïka.

²Imani jimboksïni xénhchasïnga enga ísïka, ka enga jucha jinguni jaka, ka enga méntku ísï jucha jinguni jauaka.

³Diósï Táteri ka Uájpa Jesusiri kóntperata p'amojperakua, ka sési jakua jucha jinguni jauati, ekachi no chkuándirani jauaka ka ekachi xénhchperani jauaka.

⁴Kánekua tsípeska engani jakajkutichani exenuaka, eskaksï sési irekorhexaka eska néka; ísï eskajtsïni Táte na juramucheka.

⁵Ka iásïksïni chánksïni, jimboatakua jimbo arhixaka eskachi xénhchperaaka. Nókini jimbanhe ambe juramuchexaka, imanisïni uandani jaka engachi uénani jámantki mítekia.

⁶Imasï xénhchpejti eka Diósïri juramukuani kurhandirani jarhajka. Ka májkueni jásï ma juramukuesti engajtsï uénani jámantki kurharikia: Eskajtsï méntkisï xénhchperaparini irekaaka.

⁷Jimbokaksï uánekua jámaxaka k'arhajpiricha, engaksï no jakajkujka eska Jesusi andajpenuska ka k'uiripu úkorheni. Ne enga ísï jurhentpeni jaka, ima tandojchpiristi ka Krístu eratakorhesïndi.

⁸Xéparini je, nójtsï juchari ánchekorhetani ísku tsîjpani, ka eskajtsï úaka kánekua sési maiamunhantani.

⁹Ne enga Krístueri ambe uandantani jámani jukari ambe arhijka, no Diósï jinguni jarhasti. Ka ne enga ísï irekani jaka eska karakata na arhijka, ima Táteni ka Uájpani jingunistia.

¹⁰Ekaksïni nema p'urhembejka ka nóksïni ísï jurhendani, ásï jióka je ka ásï jámberi uandajpa je;

¹¹Jimboka ne enga imechani sési eroajka, arhiparhatanhaati eska imajtu nósesi jámaxaka.

¹²Uánekua ambeteruksïni arhikuekaxaka, ka nóksïni uékasïnga karakata jimbojku arhini, sánderu sáni erokaxaka niranksïni exeni ka uandaxecheni, eskachi ísï jámani márku tsípeaka.

¹³Uandaperakua máksïni axachexaka jucha engachi íxueni májkueni jakajkutika ka engachi ixueni anapueka.