Read Western Highland Purepecha Apocalipsis 10 Bible Online

Apocalipsis 10 - Western Highland Purepecha bible

Apocalipsis 10

¹Ka máteru úiuinhasï ánjelini exespka, auandarhu uératini janikuecha jinguni kétseni jarhani, xupakata jukajtsïtini, ka tata jurhiateni jánharhintatini, ka anhandurakuarhu chpírini tixandurhani jarhani.

²Ka arhintskua sapichu ma p'irakutixapti, ka jantsiri ma japundarhu pimatixapti, ka máteru echerindu atastatixapti.

³Ka púkini mintsiraspti; ka enga mintsirapka iúmu tsimani uandakuechaksï kurhakorhespti ch'amanchentani.

⁴Ka engaksï iúmu tsimani uandakuecha ch'amanchentapkia, ji p'iáraspka karani, engarini auandarhu uandakua ma arhipka: “Ásï jáma karaani, k'óru sési pátsa iúmu tsimani uandakuechani engaksï auandarhu kurhanchekorheka.”

⁵Jimajkani ánjeli engani japundarhu ka echerindu éxepka jarhani, imeri jurhijkandani jájkini auandarhu tarhataspti,

⁶ka imani jimbo enga méntku ísï irekani jaka aiakorhespti, enga kueraaka, auandani ka écherini ka japundani ka iámendu ambe enga jima jaka, uandasti, “Jurhiatekuechaksï k'amarhustia,

⁷imani jurhiatekuechani k'óru enga iúmu tsimandarhekua jámani ánjeli kurhakorhiaka sïuanguani uénani kústani: Jiáni úkorheati ambe enga Diósï patsakata jatsika, ísï eska imeri jántspiri uandakua párichani jimbo na aiangpepka.”

⁸Ka uandakua engani ménderu auandarhu kurhapka uandajpasptirini ka arhindini, “Ni, ka ánjelini enga japundarhu ka echerindu jaka euajku arhintskua sapichuni enga p'irakukata jatsika.”

⁹Ka niraspka andarherani ánjelini arhiparini, eskarini arhintskua sapichuni íntskupiringa, ka arhisptirini: “Inde ka a; k'amearhataatikini nájkirukari tékueni ts'émuaka.”

¹⁰Ka ánjelini arhintskua sapichuni euajkuspka ka arhani; ka tékueni ts'émuspka, ka k'amearhatasptirini engani kunajkapkia.

¹¹Jimajkani arhinhaspka: “Uétarhesïndi eskari ménderu iápuru iretecharhu, ka iámendu jásï uandarichani ka iámendu irechechani Diósïri uandakuani ainguauaka.”