Read Western Panjabi گلتِیوں 6 Bible Online

گلتِیوں 6 - Western Panjabi bible

گلتِیوں 6

¹بھراؤ جے کوئی تُہاڈے وِچوں کِسے قصور وِچ پھڑیا وی جائے۔ تے تُسی جیہڑے رُوحانی اوہ۔ اوہنوں حلِیمی نال سمبھالو۔ تے اپنا وی سمبھالا رکھّیں کِتے تُوں وی ازمایش وِچ نا پَے جائیں۔

²تُسی اِک دُوجے دے بھار وَنڈو تے ایس طرح مسِیح دی شریعت نُوں پُوریاں کرو۔

³کیوں جو جے کوئی اپنے آپ نُوں کُجھ سمجھے تے اصل ہوئے کُجھ نا۔ تاں اوہ اپنے آپ نُوں دھوکھا دیندا اے۔

⁴سو ہر کوئی اپنے ای کمّ نُوں جاچے۔ ایس طرح اوہدے کمّ واسطے اوہدی وڈیائی ہوئے گی نا کِسے ہور دے کمّ واسطے۔

⁵کیوں جو ہر کوئی اپنا ای بھار چُکے گا۔

⁶کلام دے سِکھّن والے نُوں چاہیدا اے۔ پئی اُستاد نُوں سارِیاں نِعمتاں وِچ حِصّہ دار بنائے۔

⁷دھوکھا نا کھاؤ خُدا دے نال مخَول نئیں کری دا۔ کیوں جو جو کُجھ بندہ بِیجدا اے سوئیو وَڈّھے گا۔

⁸جیہڑا اپنے جِسم لئی بِیجدا اے اوہ جِسم توں ہلاکت دا پَھل وَڈّھے گا۔ تے جیہڑا رُوح لئی بِیجدا اے۔ اوہ رُوح توں سدا دی زِندگی دا پَھل وڈّے گا۔

⁹نیک کمّ کرن وِچ ہِمّت نئیں ہارنی چاہیدی۔ کیوں جو جے اسی نا گھابرِئیے تے ٹھیک ویلے سِر وَڈّھاں گے۔

¹⁰سو جدوں موقع مِلے۔ ساریاں نال نیکی کریئے۔ خاص کر اِیمانداراں نال۔

¹¹ویکھو مَیں کئیاں موٹیاں موٹیاں حرفاں وِچ تُہانوں اپنی ہتّھِیں لِکھیا اے۔

¹²جِنّے لوک جِسمانی وکھالا چاہندے نیں اوہ تُہانوں سُنتی بہن اُتّے مجبُور کر دے نیں۔ نِرا ایس کر کے پئی مسِیح دی صلِیب دے سببّوں ستائے نا جان۔

¹³کیوں جو سُنتی بَیٹھے ہوئے آپ وی شریعت اُتّے عمل نئیں کر دے پر ایس واسطے تُہانوں سُنتی بہانا چاہندے نیں۔ پئی تُہاڈے جِسمانی حال اُتّے فخر کرن۔

¹⁴پر خُدا نا کرے۔ پئی مَیں کِسے شے اُتّے فخر کراں۔ بِناں اپنے خُداوند یِسُوع مسِیح دی صلِیب دے جِہدے توں دُنیا میرے ولّوں صلِیب دِتّی گئی۔ تے مَیں دُنیا دے ولّوں۔

¹⁵کیوں جو نا تے سُنتی بہنا ای کوئی شے اے۔ تے نا سُنتی نا بہنا۔ پر نَوِیں سِریوں جمّنا۔

¹⁶تے جِنّے ایس قاعدے اُتّے ٹُرن اوہناں اُتّے تے خُدا دے اِسرائیل اُتّے تسلّی تے رَحم ہوئے۔

¹⁷ایدوں اگّے کوئی مَینُوں دُکھ نا دے کیوں جو مَیں اپنے بدن اُتّے یِسُوع دے داغ لئی پِھرنا آں۔

¹⁸بھراؤ! ساڈے خُداوند یِسُوع مسِیح دا فضل تُہاڈی رُوح دے نال رہے۔ آمِین۔