Read Western Panjabi طِطُس 1 Bible Online

طِطُس 1 - Western Panjabi bible

طِطُس 1

¹پَولُس ولّوں جیہڑا خُدا دا غلام تے یِسُوع مسِیح دا رسُول اے خُدا دے چُنیاں ہویاں دے اِیمان تے اوس سچیائی دی پچھان لئی جیہڑی دِینداری سیتی اے۔

²اوس سدا دی زِندگی دی آس وِچ جِہدا وعدہ مُڈھ تِھیں خُدا کِیتا سی۔ جیہڑا جُھوٹھ نئیں مار سکدا۔

³پر اپنے ویلے سِر اپنے کلام نُوں اوس سنیہے وِچ اُگھیڑیا۔ جیہڑا ساڈے نجات دین والے خُدا دے حُکم دے سببّوں میرے سپُرد ہویا۔

⁴طِطُس دے ناں جیہڑا اِیمان دی سانجھ وِچ میرا سَچّا پُتر اے۔ خُدا باپ تے ساڈے نجات دین والے مسِیح یِسُوع ولّوں فضل تے تسلّی ہوئے۔

⁵مَیں کریتے وِچ تینُوں ایس لئی چھڈیا سی پئی تُوں جِنہاں گلّاں وِچ کسر رہ گئی سی ٹھیک کریں۔ تے جیویں مَیں حُکم دِتّا ساریاں شہراں وِچ اجیہے بزُرگ نامزد کر۔

⁶جیہڑے بے الزام تے اِک زنانی دے گھر والے ہون۔ تے اوہناں دی اولاد اِیمان والی ہوئے تے بدچلنی تے سرکشی دے سبّب بدنام نا ہوئے۔

⁷کیوں جو نِگہبان ایس واسطے پئی خُدا دا مُختِیار اے بے الزام ہونا چاہیدا اے۔ نا ضِدی ہوئے۔ نا غُصّے والا۔ نا نشئی ہو کے شور کرن والا۔ نا مارن والا۔ نا ناجائز نفع دا لالچی۔

⁸پر مُسافراں دی تواضع کرن والا۔ نیکی نُوں پسند کرن والا۔ سُرت والا تے نیائِیں۔ پاک تے پرہیزگار ہوئے۔

⁹تے اِیمان دے کلام نُوں جیہڑا ایس تعلِیم دے سببّوں اے پَھڑی رکھّے۔ پئی ٹھیک تعلِیم نال نصِیحت وی کرے۔ تے مخالفاں نُوں وی منائے۔

¹⁰کیوں جو بتھیرے لوک نافرمان تے بیُہودہ گلّاں کرن والے تے دھوکھے باز نیں خاص کر سُنت والیاں وِچوں۔

¹¹اوہناں دا مُنھ بند کرنا چاہیدا اے اوہناں لوکاں ناجائز نفع لئی بَھیڑیاں گلّاں سِکھا کے گھراں دے گھر اُجاڑ چھڈے۔

¹²اوہناں وِچوں اِکّی آکھیا اے۔ جیہڑا سگوں اوہناں دا اپنا نبی سی۔ پئی کریتی سدا جُھوٹھے بَھیڑے پشُو۔ آہلکی پیٹُو ہوندے نیں۔

¹³ایہہ گواہی سَچّی اے۔ پر اوہناں نُوں چنگی طرح جھاڑ پئی اوہناں دا اِیمان ٹھیک ہوئے۔

¹⁴تے یہُودِیاں دِیاں کہانِیاں تے اوہناں بندیاں دے حُکماں اُتّے دھیان نا کرن۔ جیہڑے سچیائی ولّوں بَھوں جاندے نیں۔

¹⁵پاک لوکاں واسطے سارِیاں شیواں پاک نیں۔ پر پلِیت تے بے اِیمان لوکاں واسطے کُجھ وی پاک نئیں۔ پر اوہناں دی عقل تے دِل دونویں پلِیت نیں۔

¹⁶اوہ خُدا دی پچھان دا دعویٰ کر دے نیں۔ پر اپنے کمّاں نال اوہدا اِنکار کر دے نیں۔ کیوں جو اوہ مکرُوہ تے نافرمان نیں تے کِسے نیک کمّ دے لائق نئیں۔