Read Western Panjabi ۱-یُوحنّا 1 Bible Online

۱-یُوحنّا 1 - Western Panjabi bible

۱-یُوحنّا 1

¹اوس زِندگی دے کلام دی بابت جیہڑا مُڈھوں سی۔ تے جِہنُوں اساں سُنیا تے اپنیاں اَکھّیاں نال ویکھیا۔ سگوں چنگی طرح ویکھیا۔ تے اپنیاں ہتّھاں نال چُھوئیا۔

²(ایہہ زِندگی ظاہر ہوئی تے اساں اوہنوں ویکھیا۔ تے اوہدے اُتّے گواہی دینے آں۔ تے اوسے سدا دی زِندگی دی تُہانوں خبر دینے آں۔ جیہڑی باپ دے نال سی۔ تے ساڈے اُتّے ظاہر ہوئی۔)

³جو کُجھ اساں ویکھیا تے سُنیا اے۔ تُہانوں وی اوہ دسنے آں۔ تاں جو تُسی وی ساڈے نال سنگت رکھو۔ تے ساڈی سنگت باپ دے نال تے اوہدے پُتر یِسُوع مسِیح دے نال اے۔

⁴تے ایہہ گلّاں اسی ایس لئی لکھنے آں پئی ساڈی خُوشی پُوری ہو جائے۔

⁵جیہڑا سنیہا اسی اوہدے کولوں سُن کے تُہانوں دینے آں اوہ ایہہ اے۔ پئی خُدا چانن اے تے اوہدے وِچ کُجھ وی ہنیرا نئیں۔

⁶جے اسی آکھنے آں پئی ساڈی اوہدے نال سنگت اے تے فیر ہنیرے وِچ ٹُر نیں آں تے اسی جُھوٹھے آں تے سچیائی اُتّے عمل نئیں کر دے۔

⁷پر جے اسی چانن وِچ ٹُر نیں آں۔ جیویں اوہ چانن وِچ اے تے ساڈی آپو وِچ سنگت اے تے اوہدے پُتر یِسُوع مسِیح دا لہو سانُوں ساریاں گُناہاں توں پاک کر دا اے۔

⁸جے اسی آکھیئے پئی ساڈے وِچ گُناہ نئیں تے اسی اپنے آپ نُوں دھوکھا دینے آں تے ساڈے وِچ سچیائی نئیں۔

⁹جے اپنے گُناہ مَن لَئے تے اوہ ساڈے گُناہ مُعاف کرن۔ تے سانُوں ساری بُریائی توں پاک کرن وِچ سَچّا تے نیائِیں اے۔

¹⁰جے آکھئے پئی اساں گُناہ نئیں کِیتا۔ تے اوہنوں جُھوٹھا بنانے آں۔ تے اوہدا کلام ساڈے وِچ نئیں۔