Read Western Panjabi ۱-یُوحنّا 3 Bible Online

۱-یُوحنّا 3 - Western Panjabi bible

۱-یُوحنّا 3

¹ویکھو باپ ساڈے نال کیڈی مُحبّت کِیتی اے۔ پئی اسی خُدا دے پُتر اکھوایئے تے اسی ہاں وی۔ دُنیا سانُوں ایس لئی نئیں جاندی پئی اساں اوہنوں نئیں جانیا۔

²پیاریو! اسی ہُن خُدا دے پُتر آں۔ تے اجے تِیکر ایہہ ظاہر وی نئیں ہویا پئی کِیہ ہوواں گے۔ اَیناں جاننے آں پئی جدوں اوہ ظاہر ہوئے گا۔ تے اسی وی اوہدے وانگر ہوواں گے۔ کیوں جو جِہا اوہ ہے تِہا ای اوہنوں ویکھاں گے۔

³تے جیہڑا اوہدے توں ایہہ آس رکھدا اے اپنے آپ نُوں تِہا ای پاک کر دا اے۔ جِہیو جِہیا اوہ پاک اے۔

⁴جیہڑا گُناہ کر دا اے اوہ شریعت دے اُلٹ کر دا اے تے گُناہ شریعت دا اُلٹ اے۔

⁵تے تُسی جان دے ہو۔ پئی اوہ ایس لئی ظاہر ہویا پئی گُناہ نُوں چُک لے جائے تے اوہدی ذات وِچ گُناہ نئیں۔

⁶جیہڑا اوہدے وِچ رہندا اے اوہ گُناہ نئیں کر دا۔ جیہڑا گُناہ کر دا اے اوس اوہنوں نئیں ویکھیا تے نا اوہنوں جان دا اے۔

⁷بچّیو۔ کوئی تُہانوں فریب نا دے۔ جیہڑا نیکی دے کمّ کر دا اے اوہ ای اوہدے وانگُوں راستباز اے۔

⁸جیہڑا بندہ گُناہ کر دا اے۔ ابلیس ولّوں اے کیوں جو ابلیس مُڈھوں ای گُناہ کر دا اے۔ ایسے واسطے خُدا دا پُتر ظاہر ہویا۔ پئی ابلیس دے کمّاں دا ناس کرے۔

⁹جیہڑا خُدا توں جمّیا اے۔ اوہ گُناہ نئیں کر دا۔ کیوں جو اوہدا بی اوہدے وِچ رہندا اے سگوں اوہ گُناہ کر ای نئیں سکدا کیوں جو اوہ خُدا توں جمّیا ہویا اے۔

¹⁰ایسے توں خُدا دے پُتر تے ابلیس دے پُتر ظاہر ہوندے نیں۔ جیہڑا راستبازی نئیں کر دا اوہ خُدا توں نئیں تے اوہ وی خُدا توں نئیں جیہڑا اپنے بھرا نال مُحبّت نئیں رکھدا۔

¹¹کیوں جو جیہڑا سنیہا تُساں مُڈھوں سُنیا اوہ ایہہ اے پئی اسی اِک دُوجے نال مُحبّت رکھیے۔

¹²تے قائن وانگر نا بنِئے۔ جیہڑا شریر ولّوں سی تے جِس اپنے بھرا نُوں مار چھڈیا سی تے اوس کِس کر کے اوہنوں مار چھڈیا سی؟ پئی اوہدے اپنے ای کمّ بَھیڑے سن تے بھرا دے کمّ راستباز سن۔

¹³بھراؤ! جے دُنیا تُہاڈے نال وَیر رکھدی اے۔ تے حَیران نا ہوؤ۔

¹⁴ایس کر کے سانُوں پتا اے۔ پئی اسی مَوت وِچوں نِکل کے زِندگی وِچ آئے ہوئے آں۔ کیوں جو اسی بھرا نُوں نال مُحبّت کرنے آں۔ جیہڑا مُحبّت نئیں کر دا اوہ مَوت وِچ رہندا اے۔

¹⁵جیہڑا اپنے بھرا نال وَیر رکھدا اے اوہ خُونی اے۔ تے تُسی جان دے ہو پئی کِسے خُونی وِچ سدا دی زِندگی نئیں ہوندی۔

¹⁶اساں مُحبّت نُوں ایتھوں ای پہچانیا اے۔ پئی اوس ساڈے لئی جان دے دِتّی تے سانُوں وی بھرا نُوں لئی جان دینی چاہیدی اے۔

¹⁷پر جِہدے کول دُنیا دا مال اے تے اوہ اپنے بھرا نُوں کنگال ویکھ کے اوہدے اُتّے ترس نئیں کر دا۔ تے اوہدے وِچ خُدا دی مُحبّت کِتّھے رہندی اے؟

¹⁸بچّیو! اسی گلّاں دی تے زبان دی مُحبّت نا کریئے۔ سگوں عمل تے سچیائی دی مُحبّت کریئے۔

¹⁹ایس توں سانُوں پَتا لگ جائے گا پئی سچیائی دے آں۔ تے جیہڑی گلّ دا الزام ساڈے اُتّے ساڈا دِل لائے گا اوہدے اگّے سانُوں اوسے گلّ دا پَکّ ہوئے گا۔

²⁰کیوں جو خُدا ساڈے دِل نالوں وَڈا اے۔ تے سبھو کُجھ جان دا اے۔

²¹پیاریو۔ جے ساڈا دِل ساڈے اُتّے الزام نئیں لاندا تے سانُوں خُدا اگّے حَوصلہ ہو جاندا اے۔

²²تاں جو کُجھ اسی منگنے آں سو اوہدے ولّوں سانُوں مِلدا اے کیوں جو اسی اوہدے حُکماں نُوں مَنّنے آں تاں جو کُجھ اوہنوں پسند آؤندا اے اوہو ای کرنے آں۔

²³اوہدا حُکم ایہہ اے پئی اسی اوہدے پُتر یِسُوع مسِیح دے ناں اُتّے اِیمان لیاوے تے جِہیا اوس سانُوں حُکم دِتّا اے تہیا اِک دُوجے نال مُحبّت کریئے۔

²⁴تے جیہڑا اوہدے حُکماں نُوں مَندا اے اوہ ایہدے وِچ رہندا اے۔ تے ایہہ اوہدے وِچ۔ تے اوس رُوح توں جیہڑا اوس سانُوں دِتّا اے اسی جاننے آں پئی اوہ ساڈے وِچ رہندا اے۔