Read Western Penan YOHANES 18 Bible Online

YOHANES 18 - Western Penan bible

YOHANES 18

¹La'o Yésus sebayang musit Éh jin sinah pemung ngan irah bakéh Néh tai saa' dipa baa' Kidron. Pu'un jah pulah sinah, sinah Yésus mihin irah bakéh Néh.

²La'ah Yudas, kelunan éh memalo Éh nah, iah péh jam retek pulah inah, uban pinaa' koléé' Yésus tai sinah ngan irah bakéh Néh.

³Uban Kenat Yudas tai tong pulah inah kepéh ke' néh mihin irah seradu ngan irah éh mavaa' tong umaa' Allah éh sohoo' irah pengeja'au imam ngan irah Parisi péh. Siget usah réh mihin lajam réh ngan lapung ngan luten éh seneket réh.

⁴Kejam Yésus ke' kekat éh juk neu' réh tong Néh, inah Iah tavin réh ngan neteng réh, séé' éh penitah keh, ha' Néh.

⁵Ha' réh mipa Éh, Yésus éh jin Nasaret rai, ha' réh. Ka' ha' Yésus kepéh, Akeu' iteu' néh Éh, ha' Néh.

⁶La'ah Yudas éh memalo Éh nah pu'un éh nekedéng pemung ngan réh. Hun réh menéng ha' Yésus bara', Akeu' néh Éh, kemedut réh béé uban réh medai, kuba' réh tong tana'.

⁷Ka' ha' Yésus neteng réh kepéh, séé' éh penitah keh, ha' Néh. Ha' réh mipa Éh, Yésus jin Nasaret, ha' réh.

⁸Ka' ha' Yésus kepéh, Pu'un Ku' lepah bara' ngan keh ri', Akeu' néh Éh, hun keh pitah Akeu' jian keh kejeraa' kekat bakéh Ké' iteu' moléé', ha' Néh.

⁹Pu'un Éh pané kenat dokoo' kekat ha' éh benara' Néh rai omok avéé', ka' ha' Néh rai, O Amam, jin belah kekat irah éh nena' Ko' ngan Ké' bé' pu'un jah usah éh tawang.

¹⁰La'o Yésus bara' kenat ngan réh, boh Simon Péterus menat po'é lajam jin takéng néh, ke' néh tioo meta jah kelunan éh sohoo' Imam éh pengeja'au kekat imam, ke' néh mesap kelingen néh saa' na'au', ngaran kelunan sohoo' inah Malkhus.

¹¹ Ka' ha' Yésus ngan Péterus, Mai ke' maneu' kenat, masek po'é ko' lem takéng néh. Pu'un ke' seruh Akeu' bé' keloo' teneng tong pengeketa pekua' pengeloo' Tamen Ké' éh ke' ko' maneu' kenat, ha' Néh.

¹²La'ah irah seradu ngan pengeja'au réh ngan irah éh kereja' mavaa' umaa' Allah éh nihin Yudas iri', tioo ngamit Yésus ngan ngejeret Éh.

¹³Boh réh mihin Éh tai tavin Hanas éh kivan Kayapas. Kayapas nah iah éh Imam éh pengeja'au kekat imam lem taun inah.

¹⁴ La'ah Kayapas iah éh kelunan éh lepah bara' ngan kelunan Yahudi rai, pelapah jian hun jah kelunan matai ngeliwah pohoo' réh, jin hun kekat pohoo' réh matai béé.

¹⁵Simon Péterus ngan jah bakéh Yésus éh jah, pu'un réh kivu kelunan éh mihin Yésus nah. La'ah Imam éh pengeja'au kekat imam. ngan bakéh Yésus éh jah nah. Kenat péh bakéh Yésus nah kivu irah éh mihin Yésus nah avéé' tong awaa' lamin lakei' ja'au inah.

¹⁶Bang bé' Péterus tai tong awaa', pu'un éh tong usit awah. Boh bakéh Yésus éh malai ngan Imam éh pengeja'au kekat imam nah musit ke' néh pané ngan redo éh mavaa' usit tapé inah, boh éh alaa' Péterus masek kepéh.

¹⁷Ka' ha' redo éh mavaa' usit tapé nah ngan Péterus, Kineu' ke', bé' éh ka'au' jah bakéh kelunan inah rai kei, ha' néh. Ka' ha' Péterus mipa éh, Bé', bé' éh akeu' éh bakéh Néh, ha' néh.

¹⁸Uban réh genin pu'un irah kelunan sohoo' ngan irah éh kereja' mavaa' umaa' Allah kahang luten ke' réh ngereu'. Péterus péh tai ngereu' pemung ngan réh.

¹⁹La'ah Imam éh pengeja'au kekat imam, neteng Yésus tong irah bakéh Yésus nah, ngan neteng Éh tong ha' tebaraa' Néh.

²⁰Ka' ha' Yésus mipa éh, Semah-semah Ku' tai rai pu'un Ku' nebaraa' réh tong ta'an kekat réh béé, avéé tong lamin sebayang ngan avéé' tong umaa' Allah péh, semah-semah kekat kelunan Yahudi pu'un petipun rai. Bé' Akeu' pu'un bara' ineu'-ineu' selim.

²¹Uban ineu' ke' neteng Akeu' kepéh, jian ke' neteng irah éh lepah menéng ha' Ké' rai, irah jam kekat ha' éh benara' Ké' ngan réh rai, ha' Yésus ngan néh.

²²Pu'un jah usah irah éh kereja' mavaa' umaa' Allah, hun néh menéng ha' Yésus pané kenat, boh éh tioo tepap da'in Yésus. Ka' ha' néh, Mai ke' pané kenat ngan Imam éh pengeja'au kekat imam, ha' néh.

²³Ka' ha' Yésus, Hun Ké' sala' ha' pané kenat, ko' bara' ineu' ha' Ké' sala' inah, bang hun ha' Ké' bé' sala', uban ineu' ke' tepap Ku' kenat, ha' Yésus nah.

²⁴Boh Hanas nyohoo' réh mihin Yésus ketem jeret Néh tavin Kayapas éh Imam éh pengeja'au kekat imam.

²⁵Tovoo' Péterus nah ngereu' sinah, ka' ha' irah ngan néh, bé' éh ka'au' éh bakéh kelunan inah rai kei? Bang Péterus ngaken ka' ha' néh, Bé', bé' éh akeu' bakéh Néh, ha' néh.

²⁶Jah kelunan sohoo', Imam éh pengeja'au kekat imam, ngan éh panak kelunan éh nepang Péterus kelingen nah rai, pu'un éh pané ngan néh, ka' ha' néh, Bé' éh ka'au' éh ta'an ké' tong pulah irai éh pemung ngan kelunan irai' kei? ha' néh neteng Péterus.

²⁷Jah koléé' kepéh Péterus ngaken bara', bé' akeu', tioo pu'un iap ngelangéé'.

²⁸Pu'un réh mihin Yésus jin lamin Kayapas tai lamin pengeja'au peritah, hun inah bé' jak éh rema. Bang irah Yahudi bé' réh masek tong lamin inah, uban adet réh hun réh maneu' Dau Ja'au Paska, bé' réh omok tai tong lamin irah éh jah. Hun néh pu'un séé-séé' éh ngelapah awah ngan tai tong lamin irah éh jah kenat, kelunan inah segit kenin, kunah réh. Hun néh kenat bé' éh omok kuman ka'an éh neu' réh tong Dau Ja'au inah. Kenat éh ke' réh bé' masek tong lamin peritah nah.

²⁹Uban néh kenat musit Pilatus ke' néh pané ngan réh, ka' ha' néh, Ineu' sala' kelunan inah, ha' néh.

³⁰Ka' ha' réh mipa éh, Sala' éh, hun néh bé' pu'un sala', bé' mé' mihin éh tavin ka'au', ha' réh.

³¹Ka' ha' Pilatus kepéh, Hun néh kenat jian keh alaa' éh ngan ngukum éh kivu adet ka'ah ke', ha' néh. Ka' ha' irah Yahudi mipa éh, adet améé' bé' éh kejeraa' mé' mematai kelunan séé'-séé' péh, ha' réh.

³² Pu'un éh kenat dokoo' pesukup ha' éh benara' Yésus tong jalan néh pu'un matai.

³³Masek kepéh Pilatus tong lamin iri' ke' néh tebai Yésus tavin éh. Ka' ha' néh ngan Yésus, Kineu' ke', ka'au' Néh éh Raja' kelunan Yahudi rai kei, ha' néh.

³⁴Ka' ha' Yésus mipa éh, Kineu' ke' neteng Akeu' kenat, uban ko' seruh Akeu' Raja', kineu', uban ko' menéng ha' irah éh jah bara' Akeu' Raja', ha' Néh.

³⁵Ka' ha' Pilatus mipa Éh, bé' akeu' kelunan Yahudi, Pohoo' Ko' tengéé' ngan irah pengeja'au imam tong sebayang ka'ah ke' éh mena' Ke' ngan ké'. Ineu' kesa'at éh neu' Ko', ha' Pilatus.

³⁶Ka' ha' Yésus ngan néh, Bé' Akeu' Raja' barei' kekat raja' tong tana', hun Ké' pu'un kenat, adang kelunan éh lem nihau Ké' pu'un pekayau bé' buhaa' irah Yahudi ngamit Ku', bang bé' Akeu' Raja' tong tana' awah, ha' Néh.

³⁷Boh Pilatus neteng Éh kepéh, Kineu', ka'au' jah raja', ka'au' iteu' ji', ha' néh. Ha' Yésus mipa éh, Mu'un ha' ko' bara' Akeu' jah raja', Akeu' pu'un tuai tong tana' iteu' dokoo' Ké' bara' kekat éh teneng, séé'-séé' éh mihau kekat éh teneng, kelunan inah éh menéng ngan kivu ha' Ké', ha' Néh.

³⁸Boh Pilatus neteng éh kepéh, Ineu' éh teneng nah, ha' néh. Musit Pilatus jin lamin inah kepéh ke' néh pané ngan irah Yahudi, ka' ha' néh, Bé' ku' jam ineu'-ineu' kesa'at Néh éh ké' tekep ngukum Éh matai,

³⁹bang barei' éh neu' ké' siget-siget ta'un tovoo' keh maneu' dau ja'au keh inah, pu'un ku' kivu adet keh ngan ngelepu jah kelunan jin lamin tutup. Hun néh kenat kineu' kenin keh, keloo' keh akeu' ngelepu Iah éh Raja' kelunan Yahudi iteu' kei, ha' néh.

⁴⁰Pelapah irah ngeradau, ja'au ha', ka' ha' réh, mai! Bé' éh Iah inah, jian keh ngelepu Barabas! Barabas nah iah jah kelunan pejamun.