Read Western Penan PENGANEU' LAWAH 14 Bible Online

PENGANEU' LAWAH 14 - Western Penan bible

PENGANEU' LAWAH 14

¹La'ah kenat péh hun Paulus rawah Barnabas pu'un tong leboo' Ikonium éh leboo' kapan. Tai roh tong lamin sebayang Yahudi ke' roh nebaraa' réh lenaa' mu'un, avéé' pinaa' kelunan Yahudi ngan pinaa' kelunan éh tengéé' pohoo' pu'un ngelan.

²Bang kelunan Yahudi éh bé' keloo' ngelan tong Yésus, pu'un réh punyat kenin kelunan éh tengéé' pohoo' ke' réh maneu' kelunan éh ngelan nah.

³Lebéé' roh mokoo' tong leboo' inah, bara' ha' tebaraa' Tuhan ngan makang kenin. Tuhan pekelenaa' kekat éh benara' roh tong penika Néh adang néh teneng, neu' Néh mena' penyukat Néh ngan roh, ke' roh omok maneu' pinaa' arong penganeu' éh ngebéé kenin kelunan.

⁴Petengéé' kenin irah tong leboo' inah, jelua' réh alaa' tai saa' irah Yahudi, jelua' kepéh alaa' tai rawah lawah nah.

⁵La'ah kelunan éh tengéé' pohoo' jin pohoo' Yahudi, pemung ngan kelunan éh pohoo' Yahudi, ngan pengeja'au réh, pekua' kenin réh juk maneu' rawah lawah ngan memateu' roh.

⁶Hun roh jam réh juk maneu' roh kenat, kelap roh tai Listra ngan Derbe leboo' ja'au tong tana' Likaonia, pu'un roh lakau tai siget leboo' tong tana' inah kepéh,

⁷ke' roh bara' Rengah Jian tong Yésus ngan réh.

⁸La'ah tong leboo' Listra pu'un jah kelunan éh mokoo' awah, uban néh paket gem jin lohoo' néh, bé' éh omok lakau.

⁹La'ah pu'un éh menéng ha' tebaraa' Paulus. La'ah Paulus na'at éh, kejam néh lakei' inah pu'un pengelan ke' néh omok ma'o.

¹⁰Boh Paulus kepuh éh, ke' néh pané ngan néh ngan ja'au ha', ka' ha' néh, Jian ke' nekedéng pejek, ha' néh. Tioo betéé' éh ngan lakau.

¹¹Hun kelunan pinaa' na'at Paulus peka'o éh kenat, pu'un réh bika' lem ha' Likaonia, éh ha' pohoo' réh, ka' ha' réh, Pu'un balei' lepah ngepaléu usah néh pekua' layan kelunan ngan pu'un éh tuai ngan lu', ha' réh.

¹²Uban réh seruh Barnabas rawah Paulus nah balei', irah ngeliwah ngaran roh ka', Barnabas nah Seus, ngan Paulus nah Hermes.

¹³Lakei' éh jam dayung, éh kivu balei' Seus, lamin butun nah pu'un tong usit leboo' nah. Iah ngan irah pinaa' juk mena' pengena' réh ngan Barnabas rawah Paulus, pekua' barei' réh mena' pengena' ngan balei'. Uban kenin néh juk mihin kelunan pinaa' peliwa Barnabas rawah Paulus palaa' lakin sapé' ngan anyam bunga' nah.

¹⁴Hun Barnabas rawah Paulus jam réh juk maneu' éh kenat tong roh, besau kenin roh, pelapah roh mejéé' pakai roh ngan tioo nekedeu' tai kelunan pinaa' nah. Pu'un roh bika', ka' ha' roh,

¹⁵ Uban ineu' keh maneu' iteu'? Amo iteu' péh pekua' ka'ah ke' mo. Amo tuai dokoo' mo bara' Rengah Jian ngan keh, dokoo' keh omok piso jin kekat éh bé' omok purip keh iteu', dokoo' keh omok tavin Allah éh murip, éh pu'un suai langit ngan tana' ngan baa' banget ngan kekat éh lem néh.

¹⁶Hun lepah rai pu'un Éh kejeraa' kekat arong kelunan kivu kenin réh tengéé'.

¹⁷Na' péh éh kenat, bé' éh bé' pu'un telana' éh bara' tong Néh, uban kekat penganeu' Néh éh jian, inah éh bara' tong Néh. Pu'un retek Néh maneu' taa' ke' Néh purip kekat buaa' éh nena' Néh ngan uleu'. Pu'un éh mena' kekat arong penguman ngan lu', ngan pu'un éh pepenoo' kenin lu' neu' kekat kemurung Néh, ha' roh ngan réh.

¹⁸Na' péh roh pané kenat, si'ik awah la'ah réh bé' peliwa roh.

¹⁹La'ah tuai kuraa' kelunan Yahudi jin leboo' Antiokia tong tana' Pisidia ngan jin leboo' Ikonium péh, éh punyat kenin kelunan pinaa' nah kepéh ke' réh memateu' Paulus. Pu'un réh mihit éh musit jin leboo' inah, uban réh seruh éh matai.

²⁰Bang pu'un kelunan éh ngelan tong Tuhan nekedéng tutuh néh, lem réh nekedéng kenat, betéé' éh tai tong leboo' inah kepéh. Barei' sagam Paulus rawah Barnabas tai leboo' Derbe.

²¹La'ah Paulus rawah Barnabas pu'un bara' Rengah Jian ngan irah leboo' Derbe, ngan pu'un pinaa' kelunan ngelan tong Tuhan kepéh sinah. La'o inah moléé' roh kepéh tai leboo' Listra ngan Ikonium ngan Antiokia tong tana' Pisidia.

²²Pu'un roh ngereken kenin kekat kelunan éh ngelan tong Tuhan ngan nyohoo' réh gahang lem pengelan réh. Ka' ha' roh, Adang lu' juk teneng kuraa' arong penusah kelu' omok tai lem nihau Tuhan, ha' roh.

²³La'ah pu'un roh ngevéléé' kelunan éh omok maneu' kereja' pelayan tong siget sidang. La'ah kelaset roh sebayang, mejai kekat réh béé ngan Tuhan éh kenelan réh.

²⁴Lakau roh tong tana' Pisidia, pah avéé' tong tana' Pampilia.

²⁵Pu'un roh bara' ha' tebaraa' Tuhan tong leboo' Perga, la'o inah lakau kepéh roh tai leboo' Atalia,

²⁶ngan jin sinah kepéh boh roh lakau jalan kapen moléé' tai Antiokia sidang éh mejai roh ngan Tuhan lepah nah ke' Allah petubo ngan mihau roh kelebéé' roh maneu' kereja' Néh éh barei' neu' roh inah.

²⁷Hun Paulus rawah Barnabas avéé' tong Antiokia pu'un roh petipun ngan irah tong sidang inah, ke' roh bara' tong jalan Allah pu'un nolong roh, ngan mukap jalan ke' kelunan éh tengéé' pohoo' omok ngelan tong Yésus.

²⁸Lebéé' roh mokoo' tong Antiokia pemung ngan kekat kelunan éh ngelan tong Tuhan.