Read Western Penan KOLOSÉ 2 Bible Online

KOLOSÉ 2 - Western Penan bible

KOLOSÉ 2

¹La'ah muruh mu'un ku' kereja' nolong ka'ah, kenat péh dokoo' ké' nolong irah tong Laodikia ngan kekat irah éh jah éh bé' jak jam akeu' péh.

²Pu'un ku' kereja' kenat dokoo' keh omok gahang kenin ngan pekua' kenin jah awah neu' penika keh ngan Allah. La'ah dokoo' keh omok jam mu'un tong Kristus ngan kekat kenin ngan pengejam keh, ngan jam tong pengeloo' kenin Allah éh pelim sahau rai bang hun iteu' pu'un éh pepoléng éh kepéh, inah éh Kristus.

³Uban kekat pengejam ngan penesen éh ja'au mu'un, pu'un éh lem Kristus.

⁴Akeu' bara' kenat dai séé'-séé' péh petawang keh neu' néh pané menat-menat kenin keh.

⁵Uban na' péh usah ké' bé' pu'un ngan keh, bang dalem kenin ké' akeu' pu'un ngan keh ngan murung kenin ké' hun ké' jam keh petem pekua' kenin lem pengelan keh tong Kristus.

⁶La'ah uban ka'ah pu'un alaa' Kristus Yésus Tuhan keh, jian keh murip ngan jian barék pemung ngan Néh.

⁷Jian keh pu'un reken mu'un dalem Iah barei' lakat éh masek dilem mu'un lem tana'. Jian keh mejek lihei' keh tong Kristus, dokoo' keh pelapah gahang kepéh ngan reken mu'un dalem pengelan keh, barei' ha' réh ngan keh rai. Jian keh murung kenin ngan ngelayau jam seruh tong kekat pengena' ngan pengasi Tuhan ngan keh, ngan bara' jian kenin ngan Néh kepéh.

⁸Mavaa' keh jian-jian dai kelunan mejeu keh neu' kuraa'-kuraa' arong ha' tebaraa' éh sala', éh kenyo ngan ngelavo' keh awah. Tebaraa' inah bé' éh jin Kristus bang jin kenin kelunan awah kenat péh tebaraa' inah jin pengejam utek néh awah, bé' éh jin penyukat Tuhan.

⁹Uban kekat pengaren ngan pengeni'ai Allah pu'un éh lem Kristus, inah éh, lem urip Néh paléu kelunan,

¹⁰ngan ka'ah pu'un alaa' urip mu'un pemung ngan Néh. Iah éh pengeja'au bau kekat meliket ngan ineu'-ineu' éh pu'un penyukat.

¹¹La'ah neu' keh ngelan tong Kristus, ka'ah lepah pesunat lem kenin keh, uban Kristus éh lepah mega' kekat kesa'at keh ngan peti'ai kenin keh jin kekat kesa'at ngan penyala' éh pu'un dalem keh.

¹² Uban hun lu' pu'un batis inah lu' seleket tenanem pemung ngan Kristus, bang hun lu' musit jin lem baa' kepéh, inah seleket lu' pu'un betéé' murip ngan Kristus neu' pengelan lu' tong penyukat Allah éh pebetéé' Kristus jin patai Néh.

¹³ La'ah hun lepah rai ka'ah matai naneu' kekat penyala' keh, kenat péh ka'ah éh tengéé' pohoo' jin irah Yahudi bé' keh pu'un lem jajii' éh pejajii' Tuhan ngan irah Yahudi. Bang hun iteu' kepéh Allah pu'un pepurip keh pemung ngan Kristus, nega' Néh kekat penyala' lu'.

¹⁴ La'ah pu'un Iah mosoo' surat utang éh bara' tong kekat penyala' ngan kesa'at lu'. Nalaa' Néh surat utang penyala' nah ngan Iah memata' éh neu' Néh senalib tong kayeu' salib.

¹⁵La'ah tong kayeu' salib, Kristus lepah nyopéé' kekat penyukat ngan pengegahang éh jin tana' iteu', Iah mihin réh lakau tong ta'an kekat kelunan barei' mihin irah éh lepah senopéé' éh nalaa' réh ripen rai. Iah mihin réh lakau kenat lem pengemenang Néh bau réh.

¹⁶ Uban néh kenat mai keh kejeraa' kelunan nyohoo' keh kivu sohoo' tong penguman éh omok kinan keh ngan éh bé' omok kinan keh, ngan tong baa' éh omok nesep keh. Kenat péh mai keh kejeraa' réh nyohoo' keh mihau kuraa'-kuraa' dau éh benara' réh dau ja'au lem adet sebayang. Mai keh kejeraa' réh nyohoo' keh ngajung dau usit laséh maréng ngan kivu sohoo' réh tong kuraa'-kuraa' adet réh tong Dau Posot.

¹⁷Kekat éh penganeu' réh inah nojoo' tong éh juk pu'un kepéh, bé' éh usah Kristus mu'un, Hun iteu' kepéh bé' éh penojoo' kenat awah uban pu'un Kristus tuai tenéh.

¹⁸Mai keh kejeraa' usah keh kelavo' kelunan éh ngelayoo' diva' kenin ngan éh seva' meliket. Uban kelunan éh kenat bau kenin réh uban penyeruh réh jin tana' iteu' awah, Kenat péh irah ngajung usah réh uban réh na'at Kuraa'-kuraa' éh ta'an réh.

¹⁹ Iah bé' la'ah ngepelum tong Kristus éh ulun sidang, inah éh Usah Néh. Uban lem Kristus Ketem lo'ong Usah pu'un nihau Néh ngan pu'un petok pemung neu' bukun tulang ngan keluhat, ngan pepit Kepéh barei' éh pengeloo' Allah.

²⁰La'ah ka'ah lepah matai pemung ngan Kristus, ngan pu'un keh pelepu jin kamit kekat sahéé' éh pu'un tong tana' iteu'. Hun néh kenat uban ineu' keh murip barei' hun keh pu'un lem kamit néh keto. Uban ineu' keh to keto kivu sohoo' néh éh bara',

²¹mai alaa' inah, ngan mai kuman inah, ngan mai sapét ngejeming inah. Uban ineu' keh kivu sohoo' réh kenat.

²²Kekat inah bé' éh pu'un gunah, ha' tebaraa' kelunan awah éh,

²³Oo' mu'un uleu' seruh irah pu'un pengejam mu'un uban réh barei' kelunan éh diva' kenin éh jam mihau usah néh, bang na' péh réh maneu' kenat, bé' réh pu'un penyukat omok mihau kenin réh jin kekat kemagat éh sa'at.