Read Western Penan 1 YOHANES 5 Bible Online

1 YOHANES 5 - Western Penan bible

1 YOHANES 5

¹Séé'-séé' éh ngelan Kristus éh purip éh pejajii' Allah, kelunan inah éh anak Allah. Séé'-séé' éh pika Tamen Néh, pu'un éh pika Anak Néh kepéh.

²Kenat péh jalan lu' jam lu' pu'un pika kekat irah éh anak Allah, inah éh hun lu' pika Allah ngan kivu kekat sohoo' Néh.

³ Uban inah éh jalan lu' pika Allah, hun lu' kivu kekat sohoo' Néh. La'ah kekat sohoo' Néh bé' éh ma'an maneu'.

⁴Uban siget-siget kelunan éh anak Allah, omok éh nyopéé' tana' iteu'. Uleu' omok nyopéé' tana' iteu', neu' pengelan lu'.

⁵Séé' éh omok nyopéé' tana' iteu'? Kelunan éh ngelan tong Yésus Anak Allah awah.

⁶Yésus Kristus pu'un tuai tong tana' ngan baa' pengebatis Néh ngan dahaa' pengematai Néh. Iah tuai bé' éh ngan baa' awah bang iah tuai ngan baa' ngan dahaa'. Sahéé' Ni'ai bé' éh jam kenyo.

⁷Teleu' telana' inah pekelenaa' adang Yésus Anak Allah.

⁸Sahéé' Ni'ai, baa' ngan dahaa'; teleu' telana' iteu' bara' tong éh kua' awah.

⁹Pu'un lu' ngelan éh benara' kelunan bang éh benara' Allah pelapah gahang kepéh. Inah néh éh benara' Allah tong Anak Néh.

¹⁰Kelunan éh ngelan tong Anak Allah kejam néh éh benara' Allah tong Anak Néh nah lem kenin néh. Bang kelunan éh bé' ngelan tong Allah, seleket iah bara' Allah kenyo. Uban bé' iah ngelan tong éh benara' Allah tong Anak Néh.

¹¹ Iteu néh éh benara' inah: Allah lepah mena' urip mu'un ngan pelinguh ngan urip inah pu'un éh tuai jin Anak Néh.

¹²Séé'-séé' éh alaa' Anak Allah, iah alaa' urip inah; ngan séé'-séé' éh bé' alaa' Anak Allah iah bé' alaa' urip inah.

¹³Akeu' nyurat surat iteu' ngan ka'ah éh ngelan tong Anak Allah, dokoo' ka'ah omok jam ka'ah lepah alaa' urip mu'un ngan pelinguh.

¹⁴Uleu' makang kenin tavin Allah uban uleu' jam Iah mipa ha' sebayang lu', hun lu' menyat ineu'-ineu' éh lem pengeloo' Néh.

¹⁵Uleu' jam iah menéng ha' lu'. Hun mah awah lu' nenyat ngan Néh. Uban néh kenat uleu' péh jam iah mena' ngan lu' ineu' éh menyat lu' jin Iah.

¹⁶La'ah hun néh séé'-séé' éh na'at padéé' néh dalem Tuhan éh bé' ngepo'ong maneu' penyala', kelunan éh kenat tekep keh mihin éh lem sebayang keh bara' éh ngan Allah dokoo' Néh purip éh. La'ah kelunan éh lepah jam Tuhan bang ngepo'ong maneu' penyala' ngan mahéng kenin néh, bé' akeu' nyohoo' keh sebayang tong néh, uban penyala' néh inah mihin éh tawang ngan matai.

¹⁷Kekat penganeu' éh sa'at, inah éh penyala', bang pu'un penyala' éh bé' makat mihin éh tawang mu'un ngan matai.

¹⁸La'ah uleu' jam kelunan éh paléu anak Allah, bé' éh petem maneu' penyala', uban Anak Allah pu'un mihau éh, Sitan bé' omok maneu' éh.

¹⁹La'ah uleu' jam uleu' iteu' anah Allah ngan kekat éh tong tana' iteu' pu'un ra' penyukat Sitan.

²⁰La'ah uleu' jam Anak Allah pu'un tuai, Iah mena' pengejam Néh ngan lu', dokoo' lu' jam Allah éh teneng. Urip lu' pu'un éh dalem Allah éh teneng ngan dalem Anak Néh Yésus Kristus. Inah éh Allah éh teneng ngan urip éh mu'un ngan pelinguh.

²¹O kekat anak ké', jian keh ngejuu' usah keh jin butun.