Read Western Penan ÉH POLÉNG 6 Bible Online

ÉH POLÉNG 6 - Western Penan bible

ÉH POLÉNG 6

¹La'o inah boh akeu' na'at Anak Domba nah mega tada' éh bu'un nah jin ketujuu' tada' inah. Ngan pu'un ku' menéng jah jin belah pat penyuai éh murip nah pané ngan ja'au ha', barei' ha' lengedo, ka' ha' néh Tuai! Ha' néh.

²Boh akeu' na'at kepéh ngan ta'an ké' jah kuda éh mebéng. Iah éh menyun tong néh pu'un ngamit kayeu' selato palaa' réh put, ngan jah tapong nena' ngan néh. Iah musit barei' kelunan éh lepah nyopéé' kekat ayau néh ngan iah lepah menang.

³Boh Anak Domba nah mega' keruwah tada' nah kepéh, ngan nenéng ké' ha' penyuai éh murip éh keruwah nah pané Tuai! Ha' néh.

⁴Boh jah kuda kepéh pu'un tuai, kuda inah bala. La'ah kelunan éh menyun tong néh pu'un Tuhan mena' penyukat ngan néh ke' néh tai pekayau tong tana', dokoo' mihin kelunan pepatai, la'ah pu'un Tuhan mena' po'é éh ja'au ngan néh.

⁵La'o inah Anak Domba nah mega' tada' éh keteleu' nah kepéh, ngan nenéng ké' ha' penyuai éh murip éh keteleu' nah pané Tuai! ha' néh. Akeu' na'at, tioo ta'an ké' jah kuda padeng. Iah éh menyun tong néh ngamit jah tebangan, lem ojoo' néh.

⁶La'ah nenéng ké' ha' jin belah pat usah penyuai éh murip nah, ka' ha' néh. Teleu' suvang parai tong gaji jah dau ngan pien suvang jelai tong gaji jah dau. Bang mai nasa' inan saitun ngan pulah agun!

⁷La'o inah Anak Domba nah mega' ke pat tada' nah kepéh ngan nenéng ké' ha' penyuai éh murip éh ke pat nah pané Tuai! ha' néh.

⁸La'ah pu'un ku' na'at ngan ta'an ké' jah kuda éh barei' layan kelunan éh tayen éh marung da'in. Ngaran Iah éh menyun tong kuda inah, patai ngan jalan patai pu'un nyeliko lotok néh. Rawah nena' penyukat dokoo' mematai jah jin pat tulat kelunan murip tong tana' neu' réh pekayau, neu' la'au' ja'au, neu' penyakit ngan neu' ka'an luvaa'.

⁹La'o inah Anak Domba nah mega' kelemah tada' nah kepéh, ra' jalan réh motong kemenyan ngan Tuhan akeu' na'at kekat sahéé' irah éh penatai réh. Irah penatai uban réh perengah ha' tebaraa' Tuhan ngan tigéh kivu ha' éh benara' réh nah.

¹⁰Pu'un réh pané ngan ja'au ha', ka' ha' réh, O Tuhan éh pelapah ja'au penyukat jin ineu'-ineu' péh, éh ni'ai ngan éh teneng, kineu' kelebéé' la'ah da' boh Ke' petuneng kelunan tong tana' ngan ngukum réh uban réh pu'un mematai améé', ha' réh.

¹¹La'ah pu'un Tuhan mena' jah livah pakai éh mebéng ngan usah réh, ngan nyohoo' réh mena lebéé' siik kepéh, avéé' sukup kekat irah éh sohoo' Tuhan ngan padéé' éh kua' pengelan, penatai réh barei' réh mematai irah inah ke'.

¹² La'ah ta'an ké' Anak Domba nah mega' ke nem tada' nah kepéh. Tioo pu'un tegen tana' éh ja'au ngan maten dau paléu padeng, barei' livah kapan éh padeng ngan laséh péh paléu bala barei' okoo' dahaa'.

¹³ kekat kenyuhai péh pelohoo' tong tana' barei' buaa' ara éh bé' jak mesak peleraa' neu' kepu éh gahang.

¹⁴ La'ah langit péh salai, barei' surat éh nelen réh, ngan siget berusu' ngan siget tana' si'ik, piso jin retek néh bu'un.

¹⁵ Boh kekat raja' tong tana', kekat irah éh pengeja'au réh, ngan kekat pengeja'au irah seradu, irah éh kaya' ngan pu'un penyukat, ngan kekat kelunan éh jah péh, irah éh ripen ngan irah éh bé' ripen, kelap béé-béé tai kelim tong luvang bateu' ngan ra' bateu' ja'au éh pu'un tong tokong.

¹⁶ Pu'un réh pané ngan kekat tokong ngan kekat bateu' inah, Pelohoo' tong mé' ngan melim mé' jin ta'an Iah éh menyun bau nyun nah ngan jin kemerek Anak Domba nah ha' réh.

¹⁷ Dau éh ja'au jalan Allah ngan Anak Domba pepoléng kemerek Néh lepah avéé' ngan bé' pu'un jah usah péh éh omok pelepu.