Read Westminster Leningrad Codex (morphological with vowels and accents) שמואל ב 16 Bible Online

שמואל ב 16 - Westminster Leningrad Codex (morphological with vowels and accents) bible

שמואל ב 16

¹וְ/דָוִ֗ד עָבַ֤ר מְעַט֙ מֵֽ/הָ/רֹ֔אשׁ וְ/הִנֵּ֥ה צִיבָ֛א נַ֥עַר מְפִי־בֹ֖שֶׁת לִ/קְרָאת֑/וֹ וְ/צֶ֨מֶד חֲמֹרִ֜ים חֲבֻשִׁ֗ים וַ/עֲלֵי/הֶם֩ מָאתַ֨יִם לֶ֜חֶם וּ/מֵאָ֧ה צִמּוּקִ֛ים וּ/מֵ֥אָה קַ֖יִץ וְ/נֵ֥בֶל יָֽיִן׃

²וַ/יֹּ֧אמֶר הַ/מֶּ֛לֶךְ אֶל־צִיבָ֖א מָה־אֵ֣לֶּה לָּ֑/ךְ וַ/יֹּ֣אמֶר צִ֠יבָא הַ/חֲמוֹרִ֨ים לְ/בֵית־הַ/מֶּ֜לֶךְ לִ/רְכֹּ֗ב [k_ו/ל/ה/לחם] [q_וְ/הַ/לֶּ֤חֶם] וְ/הַ/קַּ֙יִץ֙ לֶ/אֱכ֣וֹל הַ/נְּעָרִ֔ים וְ/הַ/יַּ֕יִן לִ/שְׁתּ֥וֹת הַ/יָּעֵ֖ף בַּ/מִּדְבָּֽר׃

³וַ/יֹּ֣אמֶר הַ/מֶּ֔לֶךְ וְ/אַיֵּ֖ה בֶּן־אֲדֹנֶ֑י/ךָ וַ/יֹּ֨אמֶר צִיבָ֜א אֶל־הַ/מֶּ֗לֶךְ הִנֵּה֙ יוֹשֵׁ֣ב בִּ/ירוּשָׁלִַ֔ם כִּ֣י אָמַ֔ר הַ/יּ֗וֹם יָשִׁ֤יבוּ לִ/י֙ בֵּ֣ית יִשְׂרָאֵ֔ל אֵ֖ת מַמְלְכ֥וּת אָבִֽ/י׃

⁴וַ/יֹּ֤אמֶר הַ/מֶּ֙לֶךְ֙ לְ/צִבָ֔א הִנֵּ֣ה לְ/ךָ֔ כֹּ֖ל אֲשֶׁ֣ר לִ/מְפִי־בֹ֑שֶׁת וַ/יֹּ֤אמֶר צִיבָא֙ הִֽשְׁתַּחֲוֵ֔יתִי אֶמְצָא־חֵ֥ן בְּ/עֵינֶ֖י/ךָ אֲדֹנִ֥/י הַ/מֶּֽלֶךְ׃

⁵וּ/בָ֛א הַ/מֶּ֥לֶךְ דָּוִ֖ד עַד־בַּֽחוּרִ֑ים וְ/הִנֵּ֣ה מִ/שָּׁם֩ אִ֨ישׁ יוֹצֵ֜א מִ/מִּשְׁפַּ֣חַת בֵּית־שָׁא֗וּל וּ/שְׁמ/וֹ֙ שִׁמְעִ֣י בֶן־גֵּרָ֔א יֹצֵ֥א יָצ֖וֹא וּ/מְקַלֵּֽל׃

⁶וַ/יְסַקֵּ֤ל בָּֽ/אֲבָנִים֙ אֶת־דָּוִ֔ד וְ/אֶת־כָּל־עַבְדֵ֖י הַ/מֶּ֣לֶךְ דָּוִ֑ד וְ/כָל־הָ/עָם֙ וְ/כָל־הַ/גִּבֹּרִ֔ים מִ/ימִינ֖/וֹ וּ/מִ/שְּׂמֹאלֽ/וֹ׃

⁷וְ/כֹֽה־אָמַ֥ר שִׁמְעִ֖י בְּ/קַֽלְל֑/וֹ צֵ֥א צֵ֛א אִ֥ישׁ הַ/דָּמִ֖ים וְ/אִ֥ישׁ הַ/בְּלִיָּֽעַל׃

⁸הֵשִׁיב֩ עָלֶ֨י/ךָ יְהוָ֜ה כֹּ֣ל ׀ דְּמֵ֣י בֵית־שָׁא֗וּל אֲשֶׁ֤ר מָלַ֙כְתָּ֙ [k_תחת/ו] [q_תַּחְתָּ֔י/ו] וַ/יִּתֵּ֤ן יְהוָה֙ אֶת־הַ/מְּלוּכָ֔ה בְּ/יַ֖ד אַבְשָׁל֣וֹם בְּנֶ֑/ךָ וְ/הִנְּ/ךָ֙ בְּ/רָ֣עָתֶ֔/ךָ כִּ֛י אִ֥ישׁ דָּמִ֖ים אָֽתָּה׃

⁹וַ/יֹּ֨אמֶר אֲבִישַׁ֤י בֶּן־צְרוּיָה֙ אֶל־הַ/מֶּ֔לֶךְ לָ֣/מָּה יְקַלֵּ֞ל הַ/כֶּ֤לֶב הַ/מֵּת֙ הַ/זֶּ֔ה אֶת־אֲדֹנִ֖/י הַ/מֶּ֑לֶךְ אֶעְבְּרָה־נָּ֖א וְ/אָסִ֥ירָה אֶת־רֹאשֽׁ/וֹ׃ ס

¹⁰וַ/יֹּ֣אמֶר הַ/מֶּ֔לֶךְ מַה־לִּ֥/י וְ/לָ/כֶ֖ם בְּנֵ֣י צְרֻיָ֑ה [k_כי] [q_כֹּ֣ה] יְקַלֵּ֗ל [k_ו/כי] [q_כִּ֤י] יְהוָה֙ אָ֤מַר ל/וֹ֙ קַלֵּ֣ל אֶת־דָּוִ֔ד וּ/מִ֣י יֹאמַ֔ר מַדּ֖וּעַ עָשִׂ֥יתָה כֵּֽן׃ ס

¹¹וַ/יֹּ֨אמֶר דָּוִ֤ד אֶל־אֲבִישַׁי֙ וְ/אֶל־כָּל־עֲבָדָ֔י/ו הִנֵּ֥ה בְנִ֛/י אֲשֶׁר־יָצָ֥א מִ/מֵּעַ֖/י מְבַקֵּ֣שׁ אֶת־נַפְשִׁ֑/י וְ/אַ֨ף כִּֽי־עַתָּ֜ה בֶּן־הַ/יְמִינִ֗י הַנִּ֤חוּ ל/וֹ֙ וִֽ/יקַלֵּ֔ל כִּ֥י אָֽמַר־ל֖/וֹ יְהוָֽה׃

¹²אוּלַ֛י יִרְאֶ֥ה יְהוָ֖ה [k_ב/עונ/י] [q_בְּ/עֵינִ֑/י] וְ/הֵשִׁ֨יב יְהוָ֥ה לִ/י֙ טוֹבָ֔ה תַּ֥חַת קִלְלָת֖/וֹ הַ/יּ֥וֹם הַ/זֶּֽה׃

¹³וַ/יֵּ֧לֶךְ דָּוִ֛ד וַ/אֲנָשָׁ֖י/ו בַּ/דָּ֑רֶךְ ס וְ/שִׁמְעִ֡י הֹלֵךְ֩ בְּ/צֵ֨לַע הָ/הָ֜ר לְ/עֻמָּת֗/וֹ הָלוֹךְ֙ וַ/יְקַלֵּ֔ל וַ/יְסַקֵּ֤ל בָּֽ/אֲבָנִים֙ לְ/עֻמָּת֔/וֹ וְ/עִפַּ֖ר בֶּ/עָפָֽר׃ פ

¹⁴וַ/יָּבֹ֥א הַ/מֶּ֛לֶךְ וְ/כָל־הָ/עָ֥ם אֲשֶׁר־אִתּ֖/וֹ עֲיֵפִ֑ים וַ/יִּנָּפֵ֖שׁ שָֽׁם׃

¹⁵וְ/אַבְשָׁל֗וֹם וְ/כָל־הָ/עָם֙ אִ֣ישׁ יִשְׂרָאֵ֔ל בָּ֖אוּ יְרוּשָׁלִָ֑ם וַ/אֲחִיתֹ֖פֶל אִתּֽ/וֹ׃

¹⁶וַ/יְהִ֗י כַּֽ/אֲשֶׁר־בָּ֞א חוּשַׁ֧י הָ/אַרְכִּ֛י רֵעֶ֥ה דָוִ֖ד אֶל־אַבְשָׁל֑וֹם וַ/יֹּ֤אמֶר חוּשַׁי֙ אֶל־אַבְשָׁלֹ֔ם יְחִ֥י הַ/מֶּ֖לֶךְ יְחִ֥י הַ/מֶּֽלֶךְ׃

¹⁷וַ/יֹּ֤אמֶר אַבְשָׁלוֹם֙ אֶל־חוּשַׁ֔י זֶ֥ה חַסְדְּ/ךָ֖ אֶת־רֵעֶ֑/ךָ לָ֥/מָּה לֹֽא־הָלַ֖כְתָּ אֶת־רֵעֶֽ/ךָ׃

¹⁸וַ/יֹּ֣אמֶר חוּשַׁי֮ אֶל־אַבְשָׁלֹם֒ לֹ֕א כִּי֩ אֲשֶׁ֨ר בָּחַ֧ר יְהוָ֛ה וְ/הָ/עָ֥ם הַ/זֶּ֖ה וְ/כָל־אִ֣ישׁ יִשְׂרָאֵ֑ל [k_לא] [q_ל֥/וֹ] אֶהְיֶ֖ה וְ/אִתּ֥/וֹ אֵשֵֽׁב׃

¹⁹וְ/הַ/שֵּׁנִ֗ית לְ/מִי֙ אֲנִ֣י אֶֽעֱבֹ֔ד הֲ/ל֖וֹא לִ/פְנֵ֣י בְנ֑/וֹ כַּ/אֲשֶׁ֤ר עָבַ֙דְתִּי֙ לִ/פְנֵ֣י אָבִ֔י/ךָ כֵּ֖ן אֶהְיֶ֥ה לְ/פָנֶֽי/ךָ׃ פ

²⁰וַ/יֹּ֥אמֶר אַבְשָׁל֖וֹם אֶל־אֲחִיתֹ֑פֶל הָב֥וּ לָ/כֶ֛ם עֵצָ֖ה מַֽה־נַּעֲשֶֽׂה׃

²¹וַ/יֹּ֤אמֶר אֲחִיתֹ֙פֶל֙ אֶל־אַבְשָׁלֹ֔ם בּ֚וֹא אֶל־פִּלַגְשֵׁ֣י אָבִ֔י/ךָ אֲשֶׁ֥ר הִנִּ֖יחַ לִ/שְׁמ֣וֹר הַ/בָּ֑יִת וְ/שָׁמַ֤ע כָּל־יִשְׂרָאֵל֙ כִּֽי־נִבְאַ֣שְׁתָּ אֶת־אָבִ֔י/ךָ וְ/חָ֣זְק֔וּ יְדֵ֖י כָּל־אֲשֶׁ֥ר אִתָּֽ/ךְ׃

²²וַ/יַּטּ֧וּ לְ/אַבְשָׁל֛וֹם הָ/אֹ֖הֶל עַל־הַ/גָּ֑ג וַ/יָּבֹ֤א אַבְשָׁלוֹם֙ אֶל־פִּֽלַגְשֵׁ֣י אָבִ֔י/ו לְ/עֵינֵ֖י כָּל־יִשְׂרָאֵֽל׃

²³וַ/עֲצַ֣ת אֲחִיתֹ֗פֶל אֲשֶׁ֤ר יָעַץ֙ בַּ/יָּמִ֣ים הָ/הֵ֔ם כַּ/אֲשֶׁ֥ר יִשְׁאַל־[q_אִ֖ישׁ] בִּ/דְבַ֣ר הָ/אֱלֹהִ֑ים כֵּ֚ן כָּל־עֲצַ֣ת אֲחִיתֹ֔פֶל גַּם־לְ/דָוִ֖ד גַּ֥ם לְ/אַבְשָׁלֹֽם׃ ס