Read Westminster Leningrad Codex (morphological with vowels and accents) מלכים א 6 Bible Online

מלכים א 6 - Westminster Leningrad Codex (morphological with vowels and accents) bible

מלכים א 6

¹וַ/יְהִ֣י בִ/שְׁמוֹנִ֣ים שָׁנָ֣ה וְ/אַרְבַּ֣ע מֵא֣וֹת שָׁנָ֡ה לְ/צֵ֣את בְּנֵֽי־יִשְׂרָאֵ֣ל מֵ/אֶֽרֶץ־מִצְרַיִם֩ בַּ/שָּׁנָ֨ה הָ/רְבִיעִ֜ית בְּ/חֹ֣דֶשׁ זִ֗ו ה֚וּא הַ/חֹ֣דֶשׁ הַ/שֵּׁנִ֔י לִ/מְלֹ֥ךְ שְׁלֹמֹ֖ה עַל־יִשְׂרָאֵ֑ל וַ/יִּ֥בֶן הַ/בַּ֖יִת לַ/יהוָֽה׃

²וְ/הַ/בַּ֗יִת אֲשֶׁ֨ר בָּנָ֜ה הַ/מֶּ֤לֶךְ שְׁלֹמֹה֙ לַֽ/יהוָ֔ה שִׁשִּֽׁים־אַמָּ֥ה אָרְכּ֖/וֹ וְ/עֶשְׂרִ֤ים רָחְבּ֑/וֹ וּ/שְׁלֹשִׁ֥ים אַמָּ֖ה קוֹמָתֽ/וֹ׃

³וְ/הָ/אוּלָ֗ם עַל־פְּנֵי֙ הֵיכַ֣ל הַ/בַּ֔יִת עֶשְׂרִ֣ים אַמָּה֙ אָרְכּ֔/וֹ עַל־פְּנֵ֖י רֹ֣חַב הַ/בָּ֑יִת עֶ֧שֶׂר בָּ/אַמָּ֛ה רָחְבּ֖/וֹ עַל־פְּנֵ֥י הַ/בָּֽיִת׃

⁴וַ/יַּ֣עַשׂ לַ/בָּ֔יִת חַלּוֹנֵ֖י שְׁקֻפִ֥ים אֲטֻמִֽים׃

⁵וַ/יִּבֶן֩ עַל־קִ֨יר הַ/בַּ֤יִת [k_יצוע] [q_יָצִ֙יעַ֙] סָבִ֔יב אֶת־קִיר֤וֹת הַ/בַּ֙יִת֙ סָבִ֔יב לַֽ/הֵיכָ֖ל וְ/לַ/דְּבִ֑יר וַ/יַּ֥עַשׂ צְלָע֖וֹת סָבִֽיב׃

⁶[k_ה/יצוע] [q_הַ/יָּצִ֨יעַ] הַ/תַּחְתֹּנָ֜ה חָמֵ֧שׁ בָּ/אַמָּ֣ה רָחְבָּ֗/הּ וְ/הַ/תִּֽיכֹנָה֙ שֵׁ֤שׁ בָּֽ/אַמָּה֙ רָחְבָּ֔/הּ וְ/הַ֨/שְּׁלִישִׁ֔ית שֶׁ֥בַע בָּ/אַמָּ֖ה רָחְבָּ֑/הּ כִּ֡י מִגְרָעוֹת֩ נָתַ֨ן לַ/בַּ֤יִת סָבִיב֙ ח֔וּצָ/ה לְ/בִלְתִּ֖י אֲחֹ֥ז בְּ/קִֽירוֹת־הַ/בָּֽיִת׃

⁷וְ/הַ/בַּ֙יִת֙ בְּ/הִבָּ֣נֹת֔/וֹ אֶֽבֶן־שְׁלֵמָ֥ה מַסָּ֖ע נִבְנָ֑ה וּ/מַקָּב֤וֹת וְ/הַ/גַּרְזֶן֙ כָּל־כְּלִ֣י בַרְזֶ֔ל לֹֽא־נִשְׁמַ֥ע בַּ/בַּ֖יִת בְּ/הִבָּנֹתֽ/וֹ׃

⁸פֶּ֗תַח הַ/צֵּלָע֙ הַ/תִּ֣יכֹנָ֔ה אֶל־כֶּ֥תֶף הַ/בַּ֖יִת הַ/יְמָנִ֑ית וּ/בְ/לוּלִּ֗ים יַֽעֲלוּ֙ עַל־הַ/תִּ֣יכֹנָ֔ה וּ/מִן־הַ/תִּֽיכֹנָ֖ה אֶל־הַ/שְּׁלִשִֽׁים׃

⁹וַ/יִּ֥בֶן אֶת־הַ/בַּ֖יִת וַ/יְכַלֵּ֑/הוּ וַ/יִּסְפֹּ֤ן אֶת־הַ/בַּ֙יִת֙ גֵּבִ֔ים וּ/שְׂדֵרֹ֖ת בָּ/אֲרָזִֽים׃

¹⁰וַ/יִּ֤בֶן אֶת־[k_ה/יצוע] [q_הַ/יָּצִ֙יעַ֙] עַל־כָּל־הַ/בַּ֔יִת חָמֵ֥שׁ אַמּ֖וֹת קֽוֹמָת֑/וֹ וַ/יֶּאֱחֹ֥ז אֶת־הַ/בַּ֖יִת בַּ/עֲצֵ֥י אֲרָזִֽים׃ פ

¹¹וַֽ/יְהִי֙ דְּבַר־יְהוָ֔ה אֶל־שְׁלֹמֹ֖ה לֵ/אמֹֽר׃

¹²הַ/בַּ֨יִת הַ/זֶּ֜ה אֲשֶׁר־אַתָּ֣ה בֹנֶ֗ה אִם־תֵּלֵ֤ךְ בְּ/חֻקֹּתַ/י֙ וְ/אֶת־מִשְׁפָּטַ֣/י תַּֽעֲשֶׂ֔ה וְ/שָׁמַרְתָּ֥ אֶת־כָּל־מִצְוֺתַ֖/י לָ/לֶ֣כֶת בָּ/הֶ֑ם וַ/הֲקִמֹתִ֤י אֶת־דְּבָרִ/י֙ אִתָּ֔/ךְ אֲשֶׁ֥ר דִּבַּ֖רְתִּי אֶל־דָּוִ֥ד אָבִֽי/ךָ׃

¹³וְ/שָׁ֣כַנְתִּ֔י בְּ/ת֖וֹךְ בְּנֵ֣י יִשְׂרָאֵ֑ל וְ/לֹ֥א אֶעֱזֹ֖ב אֶת־עַמִּ֥/י יִשְׂרָאֵֽל׃ ס

¹⁴וַ/יִּ֧בֶן שְׁלֹמֹ֛ה אֶת־הַ/בַּ֖יִת וַ/יְכַלֵּֽ/הוּ׃

¹⁵וַ/יִּבֶן֩ אֶת־קִיר֨וֹת הַ/בַּ֤יִת מִ/בַּ֙יְתָ/ה֙ בְּ/צַלְע֣וֹת אֲרָזִ֔ים מִ/קַּרְקַ֤ע הַ/בַּ֙יִת֙ עַד־קִיר֣וֹת הַ/סִּפֻּ֔ן צִפָּ֥ה עֵ֖ץ מִ/בָּ֑יִת וַ/יְצַ֛ף אֶת־קַרְקַ֥ע הַ/בַּ֖יִת בְּ/צַלְע֥וֹת בְּרוֹשִֽׁים׃

¹⁶וַ/יִּבֶן֩ אֶת־עֶשְׂרִ֨ים אַמָּ֜ה [k_מ/ירכותי] [q_מִֽ/יַּרְכְּתֵ֤י] הַ/בַּ֙יִת֙ בְּ/צַלְע֣וֹת אֲרָזִ֔ים מִן־הַ/קַּרְקַ֖ע עַד־הַ/קִּיר֑וֹת וַ/יִּ֤בֶן ל/וֹ֙ מִ/בַּ֣יִת לִ/דְבִ֔יר לְ/קֹ֖דֶשׁ הַ/קֳּדָשִֽׁים׃

¹⁷וְ/אַרְבָּעִ֥ים בָּ/אַמָּ֖ה הָיָ֣ה הַ/בָּ֑יִת ה֖וּא הַ/הֵיכָ֥ל לִ/פְנָֽ/י׃

¹⁸וְ/אֶ֤רֶז אֶל־הַ/בַּ֙יִת֙ פְּנִ֔ימָה מִקְלַ֣עַת פְּקָעִ֔ים וּ/פְטוּרֵ֖י צִצִּ֑ים הַ/כֹּ֣ל אֶ֔רֶז אֵ֥ין אֶ֖בֶן נִרְאָֽה׃

¹⁹וּ/דְבִ֧יר בְּ/תוֹךְ־הַ/בַּ֛יִת מִ/פְּנִ֖ימָה הֵכִ֑ין לְ/תִתֵּ֣ן שָׁ֔ם אֶת־אֲר֖וֹן בְּרִ֥ית יְהוָֽה׃

²⁰וְ/לִ/פְנֵ֣י הַ/דְּבִ֡יר עֶשְׂרִים֩ אַמָּ֨ה אֹ֜רֶךְ וְ/עֶשְׂרִ֧ים אַמָּ֣ה רֹ֗חַב וְ/עֶשְׂרִ֤ים אַמָּה֙ קֽוֹמָת֔/וֹ וַ/יְצַפֵּ֖/הוּ זָהָ֣ב סָג֑וּר וַ/יְצַ֥ף מִזְבֵּ֖חַ אָֽרֶז׃

²¹וַ/יְצַ֨ף שְׁלֹמֹ֧ה אֶת־הַ/בַּ֛יִת מִ/פְּנִ֖ימָה זָהָ֣ב סָג֑וּר וַ/יְעַבֵּ֞ר [k_ב/רתיקות] [q_בְּ/רַתּוּק֤וֹת] זָהָב֙ לִ/פְנֵ֣י הַ/דְּבִ֔יר וַ/יְצַפֵּ֖/הוּ זָהָֽב׃

²²וְ/אֶת־כָּל־הַ/בַּ֛יִת צִפָּ֥ה זָהָ֖ב עַד־תֹּ֣ם כָּל־הַ/בָּ֑יִת וְ/כָל־הַ/מִּזְבֵּ֥חַ אֲ‍ֽשֶׁר־לַ/דְּבִ֖יר צִפָּ֥ה זָהָֽב׃

²³וַ/יַּ֣עַשׂ בַּ/דְּבִ֔יר שְׁנֵ֥י כְרוּבִ֖ים עֲצֵי־שָׁ֑מֶן עֶ֥שֶׂר אַמּ֖וֹת קוֹמָתֽ/וֹ׃

²⁴וְ/חָמֵ֣שׁ אַמּ֗וֹת כְּנַ֤ף הַ/כְּרוּב֙ הָֽ/אֶחָ֔ת וְ/חָמֵ֣שׁ אַמּ֔וֹת כְּנַ֥ף הַ/כְּר֖וּב הַ/שֵּׁנִ֑ית עֶ֣שֶׂר אַמּ֔וֹת מִ/קְצ֥וֹת כְּנָפָ֖י/ו וְ/עַד־קְצ֥וֹת כְּנָפָֽי/ו׃

²⁵וְ/עֶ֙שֶׂר֙ בָּֽ/אַמָּ֔ה הַ/כְּר֖וּב הַ/שֵּׁנִ֑י מִדָּ֥ה אַחַ֛ת וְ/קֶ֥צֶב אֶחָ֖ד לִ/שְׁנֵ֥י הַ/כְּרֻבִֽים׃

²⁶קוֹמַת֙ הַ/כְּר֣וּב הָֽ/אֶחָ֔ד עֶ֖שֶׂר בָּֽ/אַמָּ֑ה וְ/כֵ֖ן הַ/כְּר֥וּב הַ/שֵּׁנִֽי׃

²⁷וַ/יִּתֵּ֨ן אֶת־הַ/כְּרוּבִ֜ים בְּ/ת֣וֹךְ ׀ הַ/בַּ֣יִת הַ/פְּנִימִ֗י וַֽ/יִּפְרְשׂוּ֮ אֶת־כַּנְפֵ֣י הַ/כְּרֻבִים֒ וַ/תִּגַּ֤ע כְּנַף־הָֽ/אֶחָד֙ בַּ/קִּ֔יר וּ/כְנַף֙ הַ/כְּר֣וּב הַ/שֵּׁנִ֔י נֹגַ֖עַת בַּ/קִּ֣יר הַ/שֵּׁנִ֑י וְ/כַנְפֵי/הֶם֙ אֶל־תּ֣וֹךְ הַ/בַּ֔יִת נֹגְעֹ֖ת כָּנָ֥ף אֶל־כָּנָֽף׃

²⁸וַ/יְצַ֥ף אֶת־הַ/כְּרוּבִ֖ים זָהָֽב׃

²⁹וְ/אֵת֩ כָּל־קִיר֨וֹת הַ/בַּ֜יִת מֵסַ֣ב ׀ קָלַ֗ע פִּתּוּחֵי֙ מִקְלְעוֹת֙ כְּרוּבִ֣ים וְ/תִֽמֹרֹ֔ת וּ/פְטוּרֵ֖י צִצִּ֑ים מִ/לִּ/פְנִ֖ים וְ/לַ/חִיצֽוֹן׃

³⁰וְ/אֶת־קַרְקַ֥ע הַ/בַּ֖יִת צִפָּ֣ה זָהָ֑ב לִ/פְנִ֖ימָה וְ/לַ/חִיצֽוֹן׃

³¹וְ/אֵת֙ פֶּ֣תַח הַ/דְּבִ֔יר עָשָׂ֖ה דַּלְת֣וֹת עֲצֵי־שָׁ֑מֶן הָ/אַ֥יִל מְזוּז֖וֹת חֲמִשִֽׁית׃

³²וּ/שְׁתֵּי֮ דַּלְת֣וֹת עֲצֵי־שֶׁמֶן֒ וְ/קָלַ֣ע עֲ֠לֵי/הֶם מִקְלְע֨וֹת כְּרוּבִ֧ים וְ/תִמֹר֛וֹת וּ/פְטוּרֵ֥י צִצִּ֖ים וְ/צִפָּ֣ה זָהָ֑ב וַ/יָּ֛רֶד עַל־הַ/כְּרוּבִ֥ים וְ/עַל־הַ/תִּֽמֹר֖וֹת אֶת־הַ/זָּהָֽב׃

³³וְ/כֵ֥ן עָשָׂ֛ה לְ/פֶ֥תַח הַֽ/הֵיכָ֖ל מְזוּז֣וֹת עֲצֵי־שָׁ֑מֶן מֵ/אֵ֖ת רְבִעִֽית׃

³⁴וּ/שְׁתֵּ֥י דַלְת֖וֹת עֲצֵ֣י בְרוֹשִׁ֑ים שְׁנֵ֨י צְלָעִ֜ים הַ/דֶּ֤לֶת הָֽ/אַחַת֙ גְּלִילִ֔ים וּ/שְׁנֵ֧י קְלָעִ֛ים הַ/דֶּ֥לֶת הַ/שֵּׁנִ֖ית גְּלִילִֽים׃

³⁵וְ/קָלַ֤ע כְּרוּבִים֙ וְ/תִ֣מֹר֔וֹת וּ/פְטֻרֵ֖י צִצִּ֑ים וְ/צִפָּ֣ה זָהָ֔ב מְיֻשָּׁ֖ר עַל־הַ/מְּחֻקֶּֽה׃

³⁶וַ/יִּ֙בֶן֙ אֶת־הֶ/חָצֵ֣ר הַ/פְּנִימִ֔ית שְׁלֹשָׁ֖ה טוּרֵ֣י גָזִ֑ית וְ/ט֖וּר כְּרֻתֹ֥ת אֲרָזִֽים׃

³⁷בַּ/שָּׁנָה֙ הָֽ/רְבִיעִ֔ית יֻסַּ֖ד בֵּ֣ית יְהוָ֑ה בְּ/יֶ֖רַח זִֽו׃

³⁸וּ/בַ/שָּׁנָה֩ הָ/אַחַ֨ת עֶשְׂרֵ֜ה בְּ/יֶ֣רַח בּ֗וּל ה֚וּא הַ/חֹ֣דֶשׁ הַ/שְּׁמִינִ֔י כָּלָ֣ה הַ/בַּ֔יִת לְ/כָל־דְּבָרָ֖י/ו וּ/לְ/כָל־[k_משפט/ו] [q_מִשְׁפָּטָ֑י/ו] וַ/יִּבְנֵ֖/הוּ שֶׁ֥בַע שָׁנִֽים׃