Read Westminster Leningrad Codex (morphological with vowels and accents) מלכים ב 3 Bible Online

מלכים ב 3 - Westminster Leningrad Codex (morphological with vowels and accents) bible

מלכים ב 3

¹וִ/יהוֹרָ֣ם בֶּן־אַחְאָ֗ב מָלַ֤ךְ עַל־יִשְׂרָאֵל֙ בְּ/שֹׁ֣מְר֔וֹן בִּ/שְׁנַת֙ שְׁמֹנֶ֣ה עֶשְׂרֵ֔ה לִ/יהוֹשָׁפָ֖ט מֶ֣לֶךְ יְהוּדָ֑ה וַ/יִּמְלֹ֖ךְ שְׁתֵּים־עֶשְׂרֵ֥ה שָׁנָֽה׃

²וַ/יַּעֲשֶׂ֤ה הָ/רַע֙ בְּ/עֵינֵ֣י יְהוָ֔ה רַ֕ק לֹ֥א כְ/אָבִ֖י/ו וּ/כְ/אִמּ֑/וֹ וַ/יָּ֙סַר֙ אֶת־מַצְּבַ֣ת הַ/בַּ֔עַל אֲשֶׁ֥ר עָשָׂ֖ה אָבִֽי/ו׃

³רַ֠ק בְּ/חַטֹּ֞אות יָרָבְעָ֧ם בֶּֽן־נְבָ֛ט אֲשֶׁר־הֶחֱטִ֥יא אֶת־יִשְׂרָאֵ֖ל דָּבֵ֑ק לֹא־סָ֖ר מִמֶּֽ/נָּה׃ ס

⁴וּ/מֵישַׁ֥ע מֶֽלֶךְ־מוֹאָ֖ב הָיָ֣ה נֹקֵ֑ד וְ/הֵשִׁ֤יב לְ/מֶֽלֶךְ־יִשְׂרָאֵל֙ מֵאָה־אֶ֣לֶף כָּרִ֔ים וּ/מֵ֥אָה אֶ֖לֶף אֵילִ֥ים צָֽמֶר׃

⁵וַ/יְהִ֖י כְּ/מ֣וֹת אַחְאָ֑ב וַ/יִּפְשַׁ֥ע מֶֽלֶךְ־מוֹאָ֖ב בְּ/מֶ֥לֶךְ יִשְׂרָאֵֽל׃

⁶וַ/יֵּצֵ֞א הַ/מֶּ֧לֶךְ יְהוֹרָ֛ם בַּ/יּ֥וֹם הַ/ה֖וּא מִ/שֹּׁמְר֑וֹן וַ/יִּפְקֹ֖ד אֶת־כָּל־יִשְׂרָאֵֽל׃

⁷וַ/יֵּ֡לֶךְ וַ/יִּשְׁלַח֩ אֶל־יְהוֹשָׁפָ֨ט מֶֽלֶךְ־יְהוּדָ֜ה לֵ/אמֹ֗ר מֶ֤לֶךְ מוֹאָב֙ פָּשַׁ֣ע בִּ֔/י הֲ/תֵלֵ֥ךְ אִתִּ֛/י אֶל־מוֹאָ֖ב לַ/מִּלְחָמָ֑ה וַ/יֹּ֣אמֶר אֶעֱלֶ֔ה כָּמ֧וֹ/נִי כָמ֛וֹ/ךָ כְּ/עַמִּ֥/י כְ/עַמֶּ֖/ךָ כְּ/סוּסַ֥/י כְּ/סוּסֶֽי/ךָ׃

⁸וַ/יֹּ֕אמֶר אֵי־זֶ֥ה הַ/דֶּ֖רֶךְ נַעֲלֶ֑ה וַ/יֹּ֕אמֶר דֶּ֖רֶךְ מִדְבַּ֥ר אֱדֽוֹם׃

⁹וַ/יֵּלֶךְ֩ מֶ֨לֶךְ יִשְׂרָאֵ֤ל וּ/מֶֽלֶך־יְהוּדָה֙ וּ/מֶ֣לֶךְ אֱד֔וֹם וַ/יָּסֹ֕בּוּ דֶּ֖רֶךְ שִׁבְעַ֣ת יָמִ֑ים וְ/לֹא־הָיָ֨ה מַ֧יִם לַֽ/מַּחֲנֶ֛ה וְ/לַ/בְּהֵמָ֖ה אֲשֶׁ֥ר בְּ/רַגְלֵי/הֶֽם׃

¹⁰וַ/יֹּ֖אמֶר מֶ֣לֶךְ יִשְׂרָאֵ֑ל אֲהָ֕הּ כִּֽי־קָרָ֣א יְהוָ֗ה לִ/שְׁלֹ֙שֶׁת֙ הַ/מְּלָכִ֣ים הָ/אֵ֔לֶּה לָ/תֵ֥ת אוֹתָ֖/ם בְּ/יַד־מוֹאָֽב׃

¹¹וַ/יֹּ֣אמֶר יְהוֹשָׁפָ֗ט הַ/אֵ֨ין פֹּ֤ה נָבִיא֙ לַֽ/יהוָ֔ה וְ/נִדְרְשָׁ֥ה אֶת־יְהוָ֖ה מֵ/אוֹת֑/וֹ וַ֠/יַּעַן אֶחָ֞ד מֵ/עַבְדֵ֤י מֶֽלֶךְ־יִשְׂרָאֵל֙ וַ/יֹּ֔אמֶר פֹּ֚ה אֱלִישָׁ֣ע בֶּן־שָׁפָ֔ט אֲשֶׁר־יָ֥צַק מַ֖יִם עַל־יְדֵ֥י אֵלִיָּֽהוּ׃

¹²וַ/יֹּ֙אמֶר֙ יְה֣וֹשָׁפָ֔ט יֵ֥שׁ אוֹת֖/וֹ דְּבַר־יְהוָ֑ה וַ/יֵּרְד֣וּ אֵלָ֗י/ו מֶ֧לֶךְ יִשְׂרָאֵ֛ל וִ/יהוֹשָׁפָ֖ט וּ/מֶ֥לֶךְ אֱדֽוֹם׃

¹³וַ/יֹּ֨אמֶר אֱלִישָׁ֜ע אֶל־מֶ֤לֶךְ יִשְׂרָאֵל֙ מַה־לִּ֣/י וָ/לָ֔/ךְ לֵ֚ךְ אֶל־נְבִיאֵ֣י אָבִ֔י/ךָ וְ/אֶל־נְבִיאֵ֖י אִמֶּ֑/ךָ וַ/יֹּ֤אמֶר ל/וֹ֙ מֶ֣לֶךְ יִשְׂרָאֵ֔ל אַ֗ל כִּֽי־קָרָ֤א יְהוָה֙ לִ/שְׁלֹ֙שֶׁת֙ הַ/מְּלָכִ֣ים הָ/אֵ֔לֶּה לָ/תֵ֥ת אוֹתָ֖/ם בְּ/יַד־מוֹאָֽב׃

¹⁴וַ/יֹּ֣אמֶר אֱלִישָׁ֗ע חַי־יְהוָ֤ה צְבָאוֹת֙ אֲשֶׁ֣ר עָמַ֣דְתִּי לְ/פָנָ֔י/ו כִּ֗י לוּלֵ֛י פְּנֵ֛י יְהוֹשָׁפָ֥ט מֶֽלֶךְ־יְהוּדָ֖ה אֲנִ֣י נֹשֵׂ֑א אִם־אַבִּ֥יט אֵלֶ֖י/ךָ וְ/אִם־אֶרְאֶֽ/ךָּ׃

¹⁵וְ/עַתָּ֖ה קְחוּ־לִ֣/י מְנַגֵּ֑ן וְ/הָיָה֙ כְּ/נַגֵּ֣ן הַֽ/מְנַגֵּ֔ן וַ/תְּהִ֥י עָלָ֖י/ו יַד־יְהוָֽה׃

¹⁶וַ/יֹּ֕אמֶר כֹּ֖ה אָמַ֣ר יְהוָ֑ה עָשֹׂ֛ה הַ/נַּ֥חַל הַ/זֶּ֖ה גֵּבִ֥ים ׀ גֵּבִֽים׃

¹⁷כִּֽי־כֹ֣ה ׀ אָמַ֣ר יְהוָ֗ה לֹֽא־תִרְא֥וּ ר֙וּחַ֙ וְ/לֹֽא־תִרְא֣וּ גֶ֔שֶׁם וְ/הַ/נַּ֥חַל הַ/ה֖וּא יִמָּ֣לֵא מָ֑יִם וּ/שְׁתִיתֶ֛ם אַתֶּ֥ם וּ/מִקְנֵי/כֶ֖ם וּֽ/בְהֶמְתְּ/כֶֽם׃

¹⁸וְ/נָקַ֥ל זֹ֖את בְּ/עֵינֵ֣י יְהוָ֑ה וְ/נָתַ֥ן אֶת־מוֹאָ֖ב בְּ/יֶדְ/כֶֽם׃

¹⁹וְ/הִכִּיתֶ֞ם כָּל־עִ֤יר מִבְצָר֙ וְ/כָל־עִ֣יר מִבְח֔וֹר וְ/כָל־עֵ֥ץ טוֹב֙ תַּפִּ֔ילוּ וְ/כָל־מַעְיְנֵי־מַ֖יִם תִּסְתֹּ֑מוּ וְ/כֹל֙ הַ/חֶלְקָ֣ה הַ/טּוֹבָ֔ה תַּכְאִ֖בוּ בָּ/אֲבָנִֽים׃

²⁰וַ/יְהִ֤י בַ/בֹּ֙קֶר֙ כַּ/עֲל֣וֹת הַ/מִּנְחָ֔ה וְ/הִנֵּה־מַ֥יִם בָּאִ֖ים מִ/דֶּ֣רֶךְ אֱד֑וֹם וַ/תִּמָּלֵ֥א הָ/אָ֖רֶץ אֶת־הַ/מָּֽיִם׃

²¹וְ/כָל־מוֹאָב֙ שָֽׁמְע֔וּ כִּֽי־עָל֥וּ הַ/מְּלָכִ֖ים לְ/הִלָּ֣חֶם בָּ֑/ם וַ/יִּצָּעֲק֗וּ מִ/כֹּ֨ל חֹגֵ֤ר חֲגֹרָה֙ וָ/מַ֔עְלָ/ה וַ/יַּעַמְד֖וּ עַֽל־הַ/גְּבֽוּל׃

²²וַ/יַּשְׁכִּ֣ימוּ בַ/בֹּ֔קֶר וְ/הַ/שֶּׁ֖מֶשׁ זָרְחָ֣ה עַל־הַ/מָּ֑יִם וַ/יִּרְא֨וּ מוֹאָ֥ב מִ/נֶּ֛גֶד אֶת־הַ/מַּ֖יִם אֲדֻמִּ֥ים כַּ/דָּֽם׃

²³וַ/יֹּֽאמְרוּ֙ דָּ֣ם זֶ֔ה הָחֳרֵ֤ב נֶֽחֶרְבוּ֙ הַ/מְּלָכִ֔ים וַ/יַּכּ֖וּ אִ֣ישׁ אֶת־רֵעֵ֑/הוּ וְ/עַתָּ֥ה לַ/שָּׁלָ֖ל מוֹאָֽב׃

²⁴וַ/יָּבֹאוּ֮ אֶל־מַחֲנֵ֣ה יִשְׂרָאֵל֒ וַ/יָּקֻ֤מוּ יִשְׂרָאֵל֙ וַ/יַּכּ֣וּ אֶת־מוֹאָ֔ב וַ/יָּנֻ֖סוּ מִ/פְּנֵי/הֶ֑ם [k_ו/יבו־][q_וַ/יַּכּוּ־]בָ֔/הּ וְ/הַכּ֖וֹת אֶת־מוֹאָֽב׃

²⁵וְ/הֶ/עָרִ֣ים יַהֲרֹ֡סוּ וְ/כָל־חֶלְקָ֣ה ט֠וֹבָה יַשְׁלִ֨יכוּ אִישׁ־אַבְנ֜/וֹ וּ/מִלְא֗וּ/הָ וְ/כָל־מַעְיַן־מַ֤יִם יִסְתֹּ֙מוּ֙ וְ/כָל־עֵֽץ־ט֣וֹב יַפִּ֔ילוּ עַד־הִשְׁאִ֧יר אֲבָנֶ֛י/הָ בַּ/קִּ֖יר חֲרָ֑שֶׂת וַ/יָּסֹ֥בּוּ הַ/קַּלָּעִ֖ים וַ/יַּכּֽוּ/הָ׃

²⁶וַ/יַּרְא֙ מֶ֣לֶךְ מוֹאָ֔ב כִּֽי־חָזַ֥ק מִמֶּ֖/נּוּ הַ/מִּלְחָמָ֑ה וַ/יִּקַּ֣ח א֠וֹת/וֹ שְׁבַע־מֵא֨וֹת אִ֜ישׁ שֹׁ֣לֵֽף חֶ֗רֶב לְ/הַבְקִ֛יעַ אֶל־מֶ֥לֶךְ אֱד֖וֹם וְ/לֹ֥א יָכֹֽלוּ׃

²⁷וַ/יִּקַּח֩ אֶת־בְּנ֨/וֹ הַ/בְּכ֜וֹר אֲשֶׁר־יִמְלֹ֣ךְ תַּחְתָּ֗י/ו וַ/יַּעֲלֵ֤/הוּ עֹלָה֙ עַל־הַ֣/חֹמָ֔ה וַ/יְהִ֥י קֶצֶף־גָּד֖וֹל עַל־יִשְׂרָאֵ֑ל וַ/יִּסְעוּ֙ מֵֽ/עָלָ֔י/ו וַ/יָּשֻׁ֖בוּ לָ/אָֽרֶץ׃ פ