Read Westminster Leningrad Codex (morphological with vowels and accents) עזרא 10 Bible Online

עזרא 10 - Westminster Leningrad Codex (morphological with vowels and accents) bible

עזרא 10

¹וּ/כְ/הִתְפַּלֵּ֤ל עֶזְרָא֙ וּ/כְ֨/הִתְוַדֹּת֔/וֹ בֹּכֶה֙ וּ/מִתְנַפֵּ֔ל לִ/פְנֵ֖י בֵּ֣ית הָ/אֱלֹהִ֑ים נִקְבְּצוּ֩ אֵלָ֨י/ו מִ/יִּשְׂרָאֵ֜ל קָהָ֣ל רַב־מְאֹ֗ד אֲנָשִׁ֤ים וְ/נָשִׁים֙ וִֽ/ילָדִ֔ים כִּֽי־בָכ֥וּ הָ/עָ֖ם הַרְבֵּה־בֶֽכֶה׃ ס

²וַ/יַּעַן֩ שְׁכַנְיָ֨ה בֶן־יְחִיאֵ֜ל מִ/בְּנֵ֤י [k_עולם] [q_עֵילָם֙] וַ/יֹּ֣אמֶר לְ/עֶזְרָ֔א אֲנַ֙חְנוּ֙ מָעַ֣לְנוּ בֵ/אלֹהֵ֔י/נוּ וַ/נֹּ֛שֶׁב נָשִׁ֥ים נָכְרִיּ֖וֹת מֵ/עַמֵּ֣י הָ/אָ֑רֶץ וְ/עַתָּ֛ה יֵשׁ־מִקְוֶ֥ה לְ/יִשְׂרָאֵ֖ל עַל־זֹֽאת׃

³וְ/עַתָּ֣ה נִֽכְרָת־בְּרִ֣ית לֵ֠/אלֹהֵי/נוּ לְ/הוֹצִ֨יא כָל־נָשִׁ֜ים וְ/הַ/נּוֹלָ֤ד מֵ/הֶם֙ בַּ/עֲצַ֣ת אֲדֹנָ֔/י וְ/הַ/חֲרֵדִ֖ים בְּ/מִצְוַ֣ת אֱלֹהֵ֑י/נוּ וְ/כַ/תּוֹרָ֖ה יֵעָשֶֽׂה׃

⁴ק֛וּם כִּֽי־עָלֶ֥י/ךָ הַ/דָּבָ֖ר וַ/אֲנַ֣חְנוּ עִמָּ֑/ךְ חֲזַ֖ק וַ/עֲשֵֽׂה׃ פ

⁵וַ/יָּ֣קָם עֶזְרָ֡א וַ/יַּשְׁבַּ֣ע אֶת־שָׂרֵי֩ הַ/כֹּהֲנִ֨ים הַ/לְוִיִּ֜ם וְ/כָל־יִשְׂרָאֵ֗ל לַ/עֲשׂ֛וֹת כַּ/דָּבָ֥ר הַ/זֶּ֖ה וַ/יִּשָּׁבֵֽעוּ׃

⁶וַ/יָּ֣קָם עֶזְרָ֗א מִ/לִּ/פְנֵי֙ בֵּ֣ית הָֽ/אֱלֹהִ֔ים וַ/יֵּ֕לֶךְ אֶל־לִשְׁכַּ֖ת יְהוֹחָנָ֣ן בֶּן־אֶלְיָשִׁ֑יב וַ/יֵּ֣לֶךְ שָׁ֗ם לֶ֤חֶם לֹֽא־אָכַל֙ וּ/מַ֣יִם לֹֽא־שָׁתָ֔ה כִּ֥י מִתְאַבֵּ֖ל עַל־מַ֥עַל הַ/גּוֹלָֽה׃ ס

⁷וַ/יַּעֲבִ֨ירוּ ק֜וֹל בִּ/יהוּדָ֣ה וִ/ירֽוּשָׁלִַ֗ם לְ/כֹל֙ בְּנֵ֣י הַ/גּוֹלָ֔ה לְ/הִקָּבֵ֖ץ יְרוּשָׁלִָֽם׃

⁸וְ/כֹל֩ אֲשֶׁ֨ר לֹֽא־יָב֜וֹא לִ/שְׁלֹ֣שֶׁת הַ/יָּמִ֗ים כַּ/עֲצַ֤ת הַ/שָּׂרִים֙ וְ/הַ/זְּקֵנִ֔ים יָחֳרַ֖ם כָּל־רְכוּשׁ֑/וֹ וְ/ה֥וּא יִבָּדֵ֖ל מִ/קְּהַ֥ל הַ/גּוֹלָֽה׃ ס

⁹וַ/יִּקָּבְצ֣וּ כָל־אַנְשֵֽׁי־יְהוּדָה֩ וּ/בִנְיָמִ֨ן ׀ יְרוּשָׁלִַ֜ם לִ/שְׁלֹ֣שֶׁת הַ/יָּמִ֗ים ה֛וּא חֹ֥דֶשׁ הַ/תְּשִׁיעִ֖י בְּ/עֶשְׂרִ֣ים בַּ/חֹ֑דֶשׁ וַ/יֵּשְׁב֣וּ כָל־הָ/עָ֗ם בִּ/רְחוֹב֙ בֵּ֣ית הָ/אֱלֹהִ֔ים מַרְעִידִ֥ים עַל־הַ/דָּבָ֖ר וּ/מֵ/הַ/גְּשָׁמִֽים׃ פ

¹⁰וַ/יָּ֨קָם עֶזְרָ֤א הַ/כֹּהֵן֙ וַ/יֹּ֣אמֶר אֲלֵ/הֶ֔ם אַתֶּ֣ם מְעַלְתֶּ֔ם וַ/תֹּשִׁ֖יבוּ נָשִׁ֣ים נָכְרִיּ֑וֹת לְ/הוֹסִ֖יף עַל־אַשְׁמַ֥ת יִשְׂרָאֵֽל׃

¹¹וְ/עַתָּ֗ה תְּנ֥וּ תוֹדָ֛ה לַ/יהוָ֥ה אֱלֹהֵֽי־אֲבֹתֵי/כֶ֖ם וַ/עֲשׂ֣וּ רְצוֹנ֑/וֹ וְ/הִבָּֽדְלוּ֙ מֵ/עַמֵּ֣י הָ/אָ֔רֶץ וּ/מִן־הַ/נָּשִׁ֖ים הַ/נָּכְרִיּֽוֹת׃

¹²וַ/יַּֽעְנ֧וּ כָֽל־הַ/קָּהָ֛ל וַ/יֹּאמְר֖וּ ק֣וֹל גָּד֑וֹל כֵּ֛ן [k_כ/דברי/ך] [q_כִּ/דְבָרְ/ךָ֥] עָלֵ֖י/נוּ לַ/עֲשֽׂוֹת׃

¹³אֲבָ֞ל הָ/עָ֥ם רָב֙ וְ/הָ/עֵ֣ת גְּשָׁמִ֔ים וְ/אֵ֥ין כֹּ֖חַ לַ/עֲמ֣וֹד בַּ/ח֑וּץ וְ/הַ/מְּלָאכָ֗ה לֹֽא־לְ/י֤וֹם אֶחָד֙ וְ/לֹ֣א לִ/שְׁנַ֔יִם כִּֽי־הִרְבִּ֥ינוּ לִ/פְשֹׁ֖עַ בַּ/דָּבָ֥ר הַ/זֶּֽה׃

¹⁴יַֽעֲמְדוּ־נָ֣א שָׂ֠רֵי/נוּ לְֽ/כָל־הַ/קָּהָ֞ל וְ/כֹ֣ל ׀ אֲשֶׁ֣ר בֶּ/עָרֵ֗י/נוּ הַ/הֹשִׁ֞יב נָשִׁ֤ים נָכְרִיּוֹת֙ יָבֹא֙ לְ/עִתִּ֣ים מְזֻמָּנִ֔ים וְ/עִמָּ/הֶ֛ם זִקְנֵי־עִ֥יר וָ/עִ֖יר וְ/שֹׁפְטֶ֑י/הָ עַ֠ד לְ/הָשִׁ֞יב חֲר֤וֹן אַף־אֱלֹהֵ֙י/נוּ֙ מִמֶּ֔/נּוּ עַ֖ד לַ/דָּבָ֥ר הַ/זֶּֽה׃ פ

¹⁵אַ֣ךְ יוֹנָתָ֧ן בֶּן־עֲשָׂהאֵ֛ל וְ/יַחְזְיָ֥ה בֶן־תִּקְוָ֖ה עָמְד֣וּ עַל־זֹ֑את וּ/מְשֻׁלָּ֛ם וְ/שַׁבְּתַ֥י הַ/לֵּוִ֖י עֲזָרֻֽ/ם׃

¹⁶וַ/יַּֽעֲשׂוּ־כֵן֮ בְּנֵ֣י הַ/גּוֹלָה֒ וַ/יִּבָּדְלוּ֩ עֶזְרָ֨א הַ/כֹּהֵ֜ן אֲנָשִׁ֨ים רָאשֵׁ֧י הָ/אָב֛וֹת לְ/בֵ֥ית אֲבֹתָ֖/ם וְ/כֻלָּ֣/ם בְּ/שֵׁמ֑וֹת וַ/יֵּשְׁב֗וּ בְּ/י֤וֹם אֶחָד֙ לַ/חֹ֣דֶשׁ הָ/עֲשִׂירִ֔י לְ/דַרְי֖וֹשׁ הַ/דָּבָֽר׃

¹⁷וַ/יְכַלּ֣וּ בַ/כֹּ֔ל אֲנָשִׁ֕ים הַ/הֹשִׁ֖יבוּ נָשִׁ֣ים נָכְרִיּ֑וֹת עַ֛ד י֥וֹם אֶחָ֖ד לַ/חֹ֥דֶשׁ הָ/רִאשֽׁוֹן׃ פ

¹⁸וַ/יִּמָּצֵא֙ מִ/בְּנֵ֣י הַ/כֹּהֲנִ֔ים אֲשֶׁ֥ר הֹשִׁ֖יבוּ נָשִׁ֣ים נָכְרִיּ֑וֹת מִ/בְּנֵ֨י יֵשׁ֤וּעַ בֶּן־יֽוֹצָדָק֙ וְ/אֶחָ֔י/ו מַֽעֲשֵׂיָה֙ וֶֽ/אֱלִיעֶ֔זֶר וְ/יָרִ֖יב וּ/גְדַלְיָֽה׃

¹⁹וַ/יִּתְּנ֥וּ יָדָ֖/ם לְ/הוֹצִ֣יא נְשֵׁי/הֶ֑ם וַ/אֲשֵׁמִ֥ים אֵֽיל־צֹ֖אן עַל־אַשְׁמָתָֽ/ם׃ ס

²⁰וּ/מִ/בְּנֵ֣י אִמֵּ֔ר חֲנָ֖נִי וּ/זְבַדְיָֽה׃ ס

²¹וּ/מִ/בְּנֵ֖י חָרִ֑ם מַעֲשֵׂיָ֤ה וְ/אֵֽלִיָּה֙ וּֽ/שְׁמַֽעְיָ֔ה וִ/יחִיאֵ֖ל וְ/עֻזִיָּֽה׃

²²וּ/מִ/בְּנֵ֖י פַּשְׁח֑וּר אֶלְיוֹעֵינַ֤י מַֽעֲשֵׂיָה֙ יִשְׁמָעֵ֣אל נְתַנְאֵ֔ל יוֹזָבָ֖ד וְ/אֶלְעָשָֽׂה׃ ס

²³וּ/מִֽן־הַ/לְוִיִּ֑ם יוֹזָבָ֣ד וְ/שִׁמְעִ֗י וְ/קֵֽלָיָה֙ ה֣וּא קְלִיטָ֔א פְּתַֽחְיָ֥ה יְהוּדָ֖ה וֶ/אֱלִיעֶֽזֶר׃ ס

²⁴וּ/מִן־הַ/מְשֹׁרְרִ֖ים אֶלְיָשִׁ֑יב וּ/מִן־הַ/שֹּׁ֣עֲרִ֔ים שַׁלֻּ֥ם וָ/טֶ֖לֶם וְ/אוּרִֽי׃ ס

²⁵וּ/מִֽ/יִּשְׂרָאֵ֑ל מִ/בְּנֵ֣י פַרְעֹ֡שׁ רַ֠מְיָה וְ/יִזִּיָּ֤ה וּ/מַלְכִּיָּה֙ וּ/מִיָּמִ֣ן וְ/אֶלְעָזָ֔ר וּ/מַלְכִּיָּ֖ה וּ/בְנָיָֽה׃ ס

²⁶וּ/מִ/בְּנֵ֖י עֵילָ֑ם מַתַּנְיָ֤ה זְכַרְיָה֙ וִ/יחִיאֵ֣ל וְ/עַבְדִּ֔י וִ/ירֵמ֖וֹת וְ/אֵלִיָּֽה׃ ס

²⁷וּ/מִ/בְּנֵ֖י זַתּ֑וּא אֶלְיוֹעֵנַ֤י אֶלְיָשִׁיב֙ מַתַּנְיָ֣ה וִֽ/ירֵמ֔וֹת וְ/זָבָ֖ד וַ/עֲזִיזָֽא׃ ס

²⁸וּ/מִ/בְּנֵ֖י בֵּבָ֑י יְהוֹחָנָ֥ן חֲנַנְיָ֖ה זַבַּ֥י עַתְלָֽי׃ ס

²⁹וּ/מִ/בְּנֵ֖י בָּנִ֑י מְשֻׁלָּ֤ם מַלּוּךְ֙ וַ/עֲדָיָ֔ה יָשׁ֖וּב וּ/שְׁאָ֥ל [k_ירמות] [q_וְ/רָמֽוֹת׃] ס

³⁰וּ/מִ/בְּנֵ֛י פַּחַ֥ת מוֹאָ֖ב עַדְנָ֣א וּ/כְלָ֑ל בְּנָיָ֤ה מַעֲשֵׂיָה֙ מַתַּנְיָ֣ה בְצַלְאֵ֔ל וּ/בִנּ֖וּי וּ/מְנַשֶּֽׁה׃ ס

³¹וּ/בְנֵ֖י חָרִ֑ם אֱלִיעֶ֧זֶר יִשִּׁיָּ֛ה מַלְכִּיָּ֖ה שְׁמַֽעְיָ֥ה שִׁמְעֽוֹן׃

³²בְּנְיָמִ֥ן מַלּ֖וּךְ שְׁמַרְיָֽה׃ ס

³³מִ/בְּנֵ֖י חָשֻׁ֑ם מַתְּנַ֤י מַתַּתָּה֙ זָבָ֣ד אֱלִיפֶ֔לֶט יְרֵמַ֥י מְנַשֶּׁ֖ה שִׁמְעִֽי׃ ס

³⁴מִ/בְּנֵ֣י בָנִ֔י מַעֲדַ֥י עַמְרָ֖ם וְ/אוּאֵֽל׃ ס

³⁵בְּנָיָ֥ה בֵדְיָ֖ה [k_כלהי] [q_כְּלֽוּהוּ׃]

³⁶וַנְיָ֥ה מְרֵמ֖וֹת אֶלְיָשִֽׁיב׃

³⁷מַתַּנְיָ֥ה מַתְּנַ֖י [k_ו/יעשו] [q_וְ/יַעֲשָֽׂי׃]

³⁸וּ/בָנִ֥י וּ/בִנּ֖וּי שִׁמְעִֽי׃

³⁹וְ/שֶֽׁלֶמְיָ֥ה וְ/נָתָ֖ן וַ/עֲדָיָֽה׃

⁴⁰מַכְנַדְבַ֥י שָׁשַׁ֖י שָׁרָֽי׃

⁴¹עֲזַרְאֵ֥ל וְ/שֶׁלֶמְיָ֖הוּ שְׁמַרְיָֽה׃

⁴²שַׁלּ֥וּם אֲמַרְיָ֖ה יוֹסֵֽף׃ ס

⁴³מִ/בְּנֵ֖י נְב֑וֹ יְעִיאֵ֤ל מַתִּתְיָה֙ זָבָ֣ד זְבִינָ֔א [k_ידו] [q_יַדַּ֥י] וְ/יוֹאֵ֖ל בְּנָיָֽה׃

⁴⁴כָּל־אֵ֕לֶּה [k_נשא/י] [q_נָשְׂא֖וּ] נָשִׁ֣ים נָכְרִיּ֑וֹת וְ/יֵ֣שׁ מֵ/הֶ֣ם נָשִׁ֔ים וַ/יָּשִׂ֖ימוּ בָּנִֽים׃ פ