Read Westminster Leningrad Codex (morphological with vowels and accents) עזרא 5 Bible Online

עזרא 5 - Westminster Leningrad Codex (morphological with vowels and accents) bible

עזרא 5

¹וְ/הִתְנַבִּ֞י חַגַּ֣י [k_נביא/ה] [q_נְבִיָּ֗/א] וּ/זְכַרְיָ֤ה בַר־עִדּוֹא֙ [k_נביאי/א] [q_נְבִיַּיָּ֔/א] עַל־יְה֣וּדָיֵ֔/א דִּ֥י בִ/יה֖וּד וּ/בִ/ירוּשְׁלֶ֑ם בְּ/שֻׁ֛ם אֱלָ֥הּ יִשְׂרָאֵ֖ל עֲלֵי/הֽוֹן׃ ס

²בֵּ/אדַ֡יִן קָ֠מוּ זְרֻבָּבֶ֤ל בַּר־שְׁאַלְתִּיאֵל֙ וְ/יֵשׁ֣וּעַ בַּר־יֽוֹצָדָ֔ק וְ/שָׁרִ֣יו לְ/מִבְנֵ֔א בֵּ֥ית אֱלָהָ֖/א דִּ֣י בִ/ירֽוּשְׁלֶ֑ם וְ/עִמְּ/ה֛וֹן [k_נביאי/א] [q_נְבִיַּיָּ֥/א] דִֽי־אֱלָהָ֖/א מְסָעֲדִ֥ין לְ/הֽוֹן׃ פ

³בֵּ/הּ־זִמְנָ/א֩ אֲתָ֨א עֲלֵי/ה֜וֹן תַּ֠תְּנַי פַּחַ֧ת עֲבַֽר־נַהֲרָ֛/ה וּ/שְׁתַ֥ר בּוֹזְנַ֖י וּ/כְנָוָתְ/ה֑וֹן וְ/כֵן֙ אָמְרִ֣ין לְ/הֹ֔ם מַן־שָׂ֨ם לְ/כֹ֜ם טְעֵ֗ם בַּיְתָ֤/א דְנָה֙ לִ/בְּנֵ֔א וְ/אֻשַּׁרְנָ֥/א דְנָ֖ה לְ/שַׁכְלָלָֽה׃ ס

⁴אֱדַ֥יִן כְּנֵ֖מָא אֲמַ֣רְנָא לְּ/הֹ֑ם מַן־אִנּוּן֙ שְׁמָהָ֣ת גֻּבְרַיָּ֔/א דִּֽי־דְנָ֥ה בִנְיָנָ֖/א בָּנַֽיִן׃

⁵וְ/עֵ֣ין אֱלָהֲ/הֹ֗ם הֲוָת֙ עַל־שָׂבֵ֣י יְהוּדָיֵ֔/א וְ/לָא־בַטִּ֣לוּ הִמּ֔וֹ עַד־טַעְמָ֖/א לְ/דָרְיָ֣וֶשׁ יְהָ֑ךְ וֶ/אֱדַ֛יִן יְתִיב֥וּן נִשְׁתְּוָנָ֖/א עַל־דְּנָֽה׃ פ

⁶פַּרְשֶׁ֣גֶן אִ֠גַּרְתָּ/א דִּֽי־שְׁלַ֞ח תַּתְּנַ֣י ׀ פַּחַ֣ת עֲבַֽר־נַהֲרָ֗/ה וּ/שְׁתַ֤ר בּוֹזְנַי֙ וּ/כְנָ֣וָתֵ֔/הּ אֲפַ֨רְסְכָיֵ֔/א דִּ֖י בַּ/עֲבַ֣ר נַהֲרָ֑/ה עַל־דָּרְיָ֖וֶשׁ מַלְכָּֽ/א׃

⁷פִּתְגָמָ֖/א שְׁלַ֣חוּ עֲל֑וֹ/הִי וְ/כִ/דְנָה֙ כְּתִ֣יב בְּ/גַוֵּ֔/הּ לְ/דָרְיָ֥וֶשׁ מַלְכָּ֖/א שְׁלָמָ֥/א כֹֽלָּ/א׃ ס

⁸יְדִ֣יעַ ׀ לֶהֱוֵ֣א לְ/מַלְכָּ֗/א דִּֽי־אֲזַ֜לְנָא לִ/יה֤וּד מְדִֽינְתָּ/א֙ לְ/בֵית֙ אֱלָהָ֣/א רַבָּ֔/א וְ/ה֤וּא מִתְבְּנֵא֙ אֶ֣בֶן גְּלָ֔ל וְ/אָ֖ע מִתְּשָׂ֣ם בְּ/כֻתְלַיָּ֑/א וַ/עֲבִ֥ידְתָּ/א דָ֛ךְ אָסְפַּ֥רְנָא מִתְעַבְדָ֖א וּ/מַצְלַ֥ח בְּ/יֶדְ/הֹֽם׃ ס

⁹אֱדַ֗יִן שְׁאֵ֙לְנָא֙ לְ/שָׂבַיָּ֣/א אִלֵּ֔ךְ כְּנֵ֖מָא אֲמַ֣רְנָא לְּ/הֹ֑ם מַן־שָׂ֨ם לְ/כֹ֜ם טְעֵ֗ם בַּיְתָ֤/א דְנָה֙ לְ/מִבְנְיָ֔ה וְ/אֻשַּׁרְנָ֥/א דְנָ֖ה לְ/שַׁכְלָלָֽה׃

¹⁰וְ/אַ֧ף שְׁמָהָתְ/הֹ֛ם שְׁאֵ֥לְנָא לְּ/הֹ֖ם לְ/הוֹדָעוּתָ֑/ךְ דִּ֛י נִכְתֻּ֥ב שֻׁם־גֻּבְרַיָּ֖/א דִּ֥י בְ/רָאשֵׁי/הֹֽם׃ ס

¹¹וּ/כְנֵ֥מָא פִתְגָמָ֖/א הֲתִיב֣וּ/נָא לְ/מֵמַ֑ר אֲנַ֣חְנָא הִמּ֡וֹ עַבְדוֹ/הִי֩ דִֽי־אֱלָ֨הּ שְׁמַיָּ֜/א וְ/אַרְעָ֗/א וּ/בָנַ֤יִן בַּיְתָ/א֙ דִּֽי־הֲוָ֨א בְנֵ֜ה מִ/קַּדְמַ֤ת דְּנָה֙ שְׁנִ֣ין שַׂגִּיאָ֔ן וּ/מֶ֤לֶךְ לְ/יִשְׂרָאֵל֙ רַ֔ב בְּנָ֖/הִי וְ/שַׁכְלְלֵֽ/הּ׃

¹²לָהֵ֗ן מִן־דִּ֨י הַרְגִּ֤זוּ אֲבָהֳתַ֙/נָא֙ לֶ/אֱלָ֣הּ שְׁמַיָּ֔/א יְהַ֣ב הִמּ֔וֹ בְּ/יַ֛ד נְבוּכַדְנֶצַּ֥ר מֶֽלֶךְ־בָּבֶ֖ל [k_כסדי/א] [q_כַּסְדָּאָ֑/ה] וּ/בַיְתָ֤/ה דְנָה֙ סַתְרֵ֔/הּ וְ/עַמָּ֖/ה הַגְלִ֥י לְ/בָבֶֽל׃ ס

¹³בְּרַם֙ בִּ/שְׁנַ֣ת חֲדָ֔ה לְ/כ֥וֹרֶשׁ מַלְכָּ֖/א דִּ֣י בָבֶ֑ל כּ֤וֹרֶשׁ מַלְכָּ/א֙ שָׂ֣ם טְעֵ֔ם בֵּית־אֱלָהָ֥/א דְנָ֖ה לִ/בְּנֵֽא׃

¹⁴וְ֠/אַף מָאנַיָּ֣/א דִֽי־בֵית־אֱלָהָ/א֮ דִּ֣י דַהֲבָ֣/ה וְ/כַסְפָּ/א֒ דִּ֣י נְבוּכַדְנֶצַּ֗ר הַנְפֵּק֙ מִן־הֵֽיכְלָ/א֙ דִּ֣י בִֽ/ירוּשְׁלֶ֔ם וְ/הֵיבֵ֣ל הִמּ֔וֹ לְ/הֵיכְלָ֖/א דִּ֣י בָבֶ֑ל הַנְפֵּ֨ק הִמּ֜וֹ כּ֣וֹרֶשׁ מַלְכָּ֗/א מִן־הֵֽיכְלָ/א֙ דִּ֣י בָבֶ֔ל וִ/יהִ֙יבוּ֙ לְ/שֵׁשְׁבַּצַּ֣ר שְׁמֵ֔/הּ דִּ֥י פֶחָ֖ה שָׂמֵֽ/הּ׃

¹⁵וַ/אֲמַר־לֵ֓/הּ ׀ [k_אלה] [q_אֵ֚ל] מָֽאנַיָּ֔/א שֵׂ֚א אֵֽזֶל־אֲחֵ֣ת הִמּ֔וֹ בְּ/הֵיכְלָ֖/א דִּ֣י בִ/ירוּשְׁלֶ֑ם וּ/בֵ֥ית אֱלָהָ֖/א יִתְבְּנֵ֥א עַל־אַתְרֵֽ/הּ׃ ס

¹⁶אֱדַ֙יִן֙ שֵׁשְׁבַּצַּ֣ר דֵּ֔ךְ אֲתָ֗א יְהַ֧ב אֻשַּׁיָּ֛/א דִּי־בֵ֥ית אֱלָהָ֖/א דִּ֣י בִ/ירוּשְׁלֶ֑ם וּ/מִן־אֱדַ֧יִן וְ/עַד־כְּעַ֛ן מִתְבְּנֵ֖א וְ/לָ֥א שְׁלִֽם׃

¹⁷וּ/כְעַ֞ן הֵ֧ן עַל־מַלְכָּ֣/א טָ֗ב יִ֠תְבַּקַּר בְּ/בֵ֨ית גִּנְזַיָּ֜/א דִּי־מַלְכָּ֣/א תַמָּה֮ דִּ֣י בְּ/בָבֶל֒ הֵ֣ן אִיתַ֗י דִּֽי־מִן־כּ֤וֹרֶשׁ מַלְכָּ/א֙ שִׂ֣ים טְעֵ֔ם לְ/מִבְנֵ֛א בֵּית־אֱלָהָ֥/א דֵ֖ךְ בִּ/ירוּשְׁלֶ֑ם וּ/רְע֥וּת מַלְכָּ֛/א עַל־דְּנָ֖ה יִשְׁלַ֥ח עֲלֶֽי/נָא׃ ס