Read Westminster Leningrad Codex (morphological with vowels and accents) עזרא 8 Bible Online

עזרא 8 - Westminster Leningrad Codex (morphological with vowels and accents) bible

עזרא 8

¹וְ/אֵ֛לֶּה רָאשֵׁ֥י אֲבֹתֵי/הֶ֖ם וְ/הִתְיַחְשָׂ֑/ם הָ/עֹלִ֣ים עִמִּ֗/י בְּ/מַלְכ֛וּת אַרְתַּחְשַׁ֥סְתְּא הַ/מֶּ֖לֶךְ מִ/בָּבֶֽל׃ ס

²מִ/בְּנֵ֤י פִֽינְחָס֙ גֵּֽרְשֹׁ֔ם ס מִ/בְּנֵ֥י אִיתָמָ֖ר דָּנִיֵּ֑אל ס מִ/בְּנֵ֥י דָוִ֖יד חַטּֽוּשׁ׃ ס

³מִ/בְּנֵ֣י שְׁכַנְיָ֔ה ס מִ/בְּנֵ֥י פַרְעֹ֖שׁ זְכַרְיָ֑ה וְ/עִמּ֛/וֹ הִתְיַחֵ֥שׂ לִ/זְכָרִ֖ים מֵאָ֥ה וַ/חֲמִשִּֽׁים׃ ס

⁴מִ/בְּנֵי֙ פַּחַ֣ת מוֹאָ֔ב אֶלְיְהֽוֹעֵינַ֖י בֶּן־זְרַֽחְיָ֑ה וְ/עִמּ֖/וֹ מָאתַ֥יִם הַ/זְּכָרִֽים׃ ס

⁵מִ/בְּנֵ֥י שְׁכַנְיָ֖ה בֶּן־יַחֲזִיאֵ֑ל וְ/עִמּ֕/וֹ שְׁלֹ֥שׁ מֵא֖וֹת הַ/זְּכָרִֽים׃ ס

⁶וּ/מִ/בְּנֵ֣י עָדִ֔ין עֶ֖בֶד בֶּן־יוֹנָתָ֑ן וְ/עִמּ֖/וֹ חֲמִשִּׁ֥ים הַ/זְּכָרִֽים׃ ס

⁷וּ/מִ/בְּנֵ֣י עֵילָ֔ם יְשַֽׁעְיָ֖ה בֶּן־עֲתַלְיָ֑ה וְ/עִמּ֖/וֹ שִׁבְעִ֥ים הַ/זְּכָרִֽים׃ ס

⁸וּ/מִ/בְּנֵ֣י שְׁפַטְיָ֔ה זְבַדְיָ֖ה בֶּן־מִֽיכָאֵ֑ל וְ/עִמּ֖/וֹ שְׁמֹנִ֥ים הַ/זְּכָרִֽים׃ ס

⁹מִ/בְּנֵ֣י יוֹאָ֔ב עֹבַדְיָ֖ה בֶּן־יְחִיאֵ֑ל וְ/עִמּ֕/וֹ מָאתַ֛יִם וּ/שְׁמֹנָ֥ה עָשָׂ֖ר הַ/זְּכָרִֽים׃ ס

¹⁰וּ/מִ/בְּנֵ֥י שְׁלוֹמִ֖ית בֶּן־יוֹסִפְיָ֑ה וְ/עִמּ֕/וֹ מֵאָ֥ה וְ/שִׁשִּׁ֖ים הַ/זְּכָרִֽים׃ ס

¹¹וּ/מִ/בְּנֵ֣י בֵבַ֔י זְכַרְיָ֖ה בֶּן־בֵּבָ֑י וְ/עִמּ֕/וֹ עֶשְׂרִ֥ים וּ/שְׁמֹנָ֖ה הַ/זְּכָרִֽים׃ ס

¹²וּ/מִ/בְּנֵ֣י עַזְגָּ֔ד יוֹחָנָ֖ן בֶּן־הַ/קָּטָ֑ן וְ/עִמּ֕/וֹ מֵאָ֥ה וַ/עֲשָׂרָ֖ה הַ/זְּכָרִֽים׃ ס

¹³וּ/מִ/בְּנֵ֣י אֲדֹנִיקָם֮ אַחֲרֹנִים֒ וְ/אֵ֣לֶּה שְׁמוֹתָ֔/ם אֱלִיפֶ֖לֶט יְעִיאֵ֣ל וּֽ/שְׁמַעְיָ֑ה וְ/עִמָּ/הֶ֖ם שִׁשִּׁ֥ים הַ/זְּכָרִֽים׃ ס

¹⁴וּ/מִ/בְּנֵ֥י בִגְוַ֖י עוּתַ֣י [k_ו/זבוד] [q_וְ/זַכּ֑וּר] וְ/עִמּ֖/וֹ שִׁבְעִ֥ים הַ/זְּכָרִֽים׃ פ

¹⁵וָֽ/אֶקְבְּצֵ֗/ם אֶל־הַ/נָּהָר֙ הַ/בָּ֣א אֶֽל־אַהֲוָ֔א וַ/נַּחֲנֶ֥ה שָׁ֖ם יָמִ֣ים שְׁלֹשָׁ֑ה וָ/אָבִ֤ינָ/ה בָ/עָם֙ וּ/בַ/כֹּ֣הֲנִ֔ים וּ/מִ/בְּנֵ֥י לֵוִ֖י לֹא־מָצָ֥אתִי שָֽׁם׃

¹⁶וָ/אֶשְׁלְחָ֡/ה לֶ/אֱלִיעֶ֡זֶר לַ/אֲרִיאֵ֡ל לִֽ֠/שְׁמַעְיָה וּ/לְ/אֶלְנָתָ֨ן וּ/לְ/יָרִ֜יב וּ/לְ/אֶלְנָתָ֧ן וּ/לְ/נָתָ֛ן וְ/לִ/זְכַרְיָ֥ה וְ/לִ/מְשֻׁלָּ֖ם רָאשִׁ֑ים וּ/לְ/יוֹיָרִ֥יב וּ/לְ/אֶלְנָתָ֖ן מְבִינִֽים׃

¹⁷[k_ו/אוצא/ה] [q_וָ/אֲצַוֶּ֤ה] אוֹתָ/ם֙ עַל־אִדּ֣וֹ הָ/רֹ֔אשׁ בְּ/כָסִפְיָ֖א הַ/מָּק֑וֹם וָ/אָשִׂימָ/ה֩ בְּ/פִי/הֶ֨ם דְּבָרִ֜ים לְ֠/דַבֵּר אֶל־אִדּ֨וֹ אָחִ֤י/ו [k_ה/נתונים] [q_הַ/נְּתִינִים֙] בְּ/כָסִפְיָ֣א הַ/מָּק֔וֹם לְ/הָֽבִיא־לָ֥/נוּ מְשָׁרְתִ֖ים לְ/בֵ֥ית אֱלֹהֵֽי/נוּ׃

¹⁸וַ/יָּבִ֨יאּוּ לָ֜/נוּ כְּ/יַד־אֱלֹהֵ֨י/נוּ הַ/טּוֹבָ֤ה עָלֵ֙י/נוּ֙ אִ֣ישׁ שֶׂ֔כֶל מִ/בְּנֵ֣י מַחְלִ֔י בֶּן־לֵוִ֖י בֶּן־יִשְׂרָאֵ֑ל וְ/שֵׁרֵֽבְיָ֛ה וּ/בָנָ֥י/ו וְ/אֶחָ֖י/ו שְׁמֹנָ֥ה עָשָֽׂר׃

¹⁹וְ/אֶת־חֲשַׁבְיָ֔ה וְ/אִתּ֥/וֹ יְשַֽׁעְיָ֖ה מִ/בְּנֵ֣י מְרָרִ֑י אֶחָ֥י/ו וּ/בְנֵי/הֶ֖ם עֶשְׂרִֽים׃ ס

²⁰וּ/מִן־הַ/נְּתִינִ֗ים שֶׁ/נָּתַ֨ן דָּוִ֤יד וְ/הַ/שָּׂרִים֙ לַ/עֲבֹדַ֣ת הַ/לְוִיִּ֔ם נְתִינִ֖ים מָאתַ֣יִם וְ/עֶשְׂרִ֑ים כֻּלָּ֖/ם נִקְּב֥וּ בְ/שֵׁמֽוֹת׃

²¹וָ/אֶקְרָ֨א שָׁ֥ם צוֹם֙ עַל־הַ/נָּהָ֣ר אַהֲוָ֔א לְ/הִתְעַנּ֖וֹת לִ/פְנֵ֣י אֱלֹהֵ֑י/נוּ לְ/בַקֵּ֤שׁ מִמֶּ֙/נּוּ֙ דֶּ֣רֶךְ יְשָׁרָ֔ה לָ֥/נוּ וּ/לְ/טַפֵּ֖/נוּ וּ/לְ/כָל־רְכוּשֵֽׁ/נוּ׃

²²כִּ֣י בֹ֗שְׁתִּי לִ/שְׁא֤וֹל מִן־הַ/מֶּ֙לֶךְ֙ חַ֣יִל וּ/פָרָשִׁ֔ים לְ/עָזְרֵ֥/נוּ מֵ/אוֹיֵ֖ב בַּ/דָּ֑רֶךְ כִּֽי־אָמַ֨רְנוּ לַ/מֶּ֜לֶךְ לֵ/אמֹ֗ר יַד־אֱלֹהֵ֤י/נוּ עַל־כָּל־מְבַקְשָׁי/ו֙ לְ/טוֹבָ֔ה וְ/עֻזּ֣/וֹ וְ/אַפּ֔/וֹ עַ֖ל כָּל־עֹזְבָֽי/ו׃

²³וַ/נָּצ֛וּמָ/ה וַ/נְּבַקְשָׁ֥/ה מֵ/אֱלֹהֵ֖י/נוּ עַל־זֹ֑את וַ/יֵּעָתֵ֖ר לָֽ/נוּ׃

²⁴וָ/אַבְדִּ֛ילָ/ה מִ/שָּׂרֵ֥י הַ/כֹּהֲנִ֖ים שְׁנֵ֣ים עָשָׂ֑ר לְ/שֵׁרֵֽבְיָ֣ה חֲשַׁבְיָ֔ה וְ/עִמָּ/הֶ֥ם מֵ/אֲחֵי/הֶ֖ם עֲשָׂרָֽה׃

²⁵[k_ו/אשקול/ה] [q_וָ/אֶשְׁקֳלָ֣/ה] לָ/הֶ֔ם אֶת־הַ/כֶּ֥סֶף וְ/אֶת־הַ/זָּהָ֖ב וְ/אֶת־הַ/כֵּלִ֑ים תְּרוּמַ֣ת בֵּית־אֱלֹהֵ֗י/נוּ הַ/הֵרִ֙ימוּ֙ הַ/מֶּ֙לֶךְ֙ וְ/יֹעֲצָ֣י/ו וְ/שָׂרָ֔י/ו וְ/כָל־יִשְׂרָאֵ֖ל הַ/נִּמְצָאִֽים׃

²⁶וָ/אֶשְׁקֲלָ֨/ה עַל־יָדָ֜/ם כֶּ֗סֶף כִּכָּרִים֙ שֵֽׁשׁ־מֵא֣וֹת וַ/חֲמִשִּׁ֔ים וּ/כְלֵי־כֶ֥סֶף מֵאָ֖ה לְ/כִכָּרִ֑ים זָהָ֖ב מֵאָ֥ה כִכָּֽר׃

²⁷וּ/כְפֹרֵ֤י זָהָב֙ עֶשְׂרִ֔ים לַ/אֲדַרְכֹנִ֖ים אָ֑לֶף וּ/כְלֵ֨י נְחֹ֜שֶׁת מֻצְהָ֤ב טוֹבָה֙ שְׁנַ֔יִם חֲמוּדֹ֖ת כַּ/זָּהָֽב׃

²⁸וָ/אֹמְרָ֣/ה אֲלֵ/הֶ֗ם אַתֶּ֥ם קֹ֙דֶשׁ֙ לַ/יהוָ֔ה וְ/הַ/כֵּלִ֖ים קֹ֑דֶשׁ וְ/הַ/כֶּ֤סֶף וְ/הַ/זָּהָב֙ נְדָבָ֔ה לַ/יהוָ֖ה אֱלֹהֵ֥י אֲבֹתֵי/כֶֽם׃

²⁹שִׁקְד֣וּ וְ/שִׁמְר֗וּ עַֽד־תִּשְׁקְל֡וּ לִ/פְנֵי֩ שָׂרֵ֨י הַ/כֹּהֲנִ֧ים וְ/הַ/לְוִיִּ֛ם וְ/שָׂרֵֽי־הָ/אָב֥וֹת לְ/יִשְׂרָאֵ֖ל בִּ/ירוּשָׁלִָ֑ם הַ/לִּשְׁכ֖וֹת בֵּ֥ית יְהוָֽה׃

³⁰וְ/קִבְּלוּ֙ הַ/כֹּהֲנִ֣ים וְ/הַ/לְוִיִּ֔ם מִשְׁקַ֛ל הַ/כֶּ֥סֶף וְ/הַ/זָּהָ֖ב וְ/הַ/כֵּלִ֑ים לְ/הָבִ֥יא לִ/ירוּשָׁלִַ֖ם לְ/בֵ֥ית אֱלֹהֵֽי/נוּ׃ פ

³¹וַֽ/נִּסְעָ֞/ה מִ/נְּהַ֣ר אַֽהֲוָ֗א בִּ/שְׁנֵ֤ים עָשָׂר֙ לַ/חֹ֣דֶשׁ הָ/רִאשׁ֔וֹן לָ/לֶ֖כֶת יְרוּשָׁלִָ֑ם וְ/יַד־אֱלֹהֵ֙י/נוּ֙ הָיְתָ֣ה עָלֵ֔י/נוּ וַ/יַּ֨צִּילֵ֔/נוּ מִ/כַּ֥ף אוֹיֵ֛ב וְ/אוֹרֵ֖ב עַל־הַ/דָּֽרֶךְ׃

³²וַ/נָּב֖וֹא יְרוּשָׁלִָ֑ם וַ/נֵּ֥שֶׁב שָׁ֖ם יָמִ֥ים שְׁלֹשָֽׁה׃

³³וּ/בַ/יּ֣וֹם הָ/רְבִיעִ֡י נִשְׁקַ֣ל הַ/כֶּסֶף֩ וְ/הַ/זָּהָ֨ב וְ/הַ/כֵּלִ֜ים בְּ/בֵ֣ית אֱלֹהֵ֗י/נוּ עַ֠ל יַד־מְרֵמ֤וֹת בֶּן־אֽוּרִיָּה֙ הַ/כֹּהֵ֔ן וְ/עִמּ֖/וֹ אֶלְעָזָ֣ר בֶּן־פִּֽינְחָ֑ס וְ/עִמָּ/הֶ֞ם יוֹזָבָ֧ד בֶּן־יֵשׁ֛וּעַ וְ/נֽוֹעַדְיָ֥ה בֶן־בִּנּ֖וּי הַ/לְוִיִּֽם׃

³⁴בְּ/מִסְפָּ֥ר בְּ/מִשְׁקָ֖ל לַ/כֹּ֑ל וַ/יִּכָּתֵ֥ב כָּֽל־הַ/מִּשְׁקָ֖ל בָּ/עֵ֥ת הַ/הִֽיא׃ פ

³⁵הַ֠/בָּאִים מֵֽ/הַ/שְּׁבִ֨י בְנֵֽי־הַ/גּוֹלָ֜ה הִקְרִ֥יבוּ עֹל֣וֹת ׀ לֵ/אלֹהֵ֣י יִשְׂרָאֵ֗ל פָּרִ֨ים שְׁנֵים־עָשָׂ֤ר עַל־כָּל־יִשְׂרָאֵל֙ אֵילִ֣ים ׀ תִּשְׁעִ֣ים וְ/שִׁשָּׁ֗ה כְּבָשִׂים֙ שִׁבְעִ֣ים וְ/שִׁבְעָ֔ה צְפִירֵ֥י חַטָּ֖את שְׁנֵ֣ים עָשָׂ֑ר הַ/כֹּ֖ל עוֹלָ֥ה לַ/יהוָֽה׃ פ

³⁶וַֽ/יִּתְּנ֣וּ ׀ אֶת־דָּתֵ֣י הַ/מֶּ֗לֶךְ לַ/אֲחַשְׁדַּרְפְּנֵי֙ הַ/מֶּ֔לֶךְ וּ/פַחֲו֖וֹת עֵ֣בֶר הַ/נָּהָ֑ר וְ/נִשְּׂא֥וּ אֶת־הָ/עָ֖ם וְ/אֶת־בֵּֽית־הָ/אֱלֹהִֽים׃ ס