Read Westminster Leningrad Codex (morphological with vowels and accents) איוב 33 Bible Online

איוב 33 - Westminster Leningrad Codex (morphological with vowels and accents) bible

איוב 33

¹וְֽ/אוּלָ֗ם שְׁמַֽע־נָ֣א אִיּ֣וֹב מִלָּ֑/י וְֽ/כָל־דְּבָרַ֥/י הַאֲזִֽינָ/ה׃

²הִנֵּה־נָ֭א פָּתַ֣חְתִּי פִ֑/י דִּבְּרָ֖ה לְשׁוֹנִ֣/י בְ/חִכִּֽ/י׃

³יֹֽשֶׁר־לִבִּ֥/י אֲמָרָ֑/י וְ/דַ֥עַת שְׂ֝פָתַ֗/י בָּר֥וּר מִלֵּֽלוּ׃

⁴רֽוּחַ־אֵ֥ל עָשָׂ֑תְ/נִי וְ/נִשְׁמַ֖ת שַׁדַּ֣י תְּחַיֵּֽ/נִי׃

⁵אִם־תּוּכַ֥ל הֲשִׁיבֵ֑/נִי עֶרְכָ֥/ה לְ֝/פָנַ֗/י הִתְיַצָּֽבָ/ה׃

⁶הֵן־אֲנִ֣י כְ/פִ֣י/ךָ לָ/אֵ֑ל מֵ֝/חֹ֗מֶר קֹרַ֥צְתִּי גַם־אָֽנִי׃

⁷הִנֵּ֣ה אֵ֭מָתִ/י לֹ֣א תְבַעֲתֶ֑/ךָּ וְ֝/אַכְפִּ֗/י עָלֶ֥י/ךָ לֹא־יִכְבָּֽד׃

⁸אַ֭ךְ אָמַ֣רְתָּ בְ/אָזְנָ֑/י וְ/ק֖וֹל מִלִּ֣ין אֶשְׁמָֽע׃

⁹זַ֥ךְ אֲנִ֗י בְּֽלִ֫י פָ֥שַׁע חַ֥ף אָנֹכִ֑י וְ/לֹ֖א עָוֺ֣ן לִֽ/י׃

¹⁰הֵ֣ן תְּ֭נוּאוֹת עָלַ֣/י יִמְצָ֑א יַחְשְׁבֵ֖/נִי לְ/אוֹיֵ֣ב לֽ/וֹ׃

¹¹יָשֵׂ֣ם בַּ/סַּ֣ד רַגְלָ֑/י יִ֝שְׁמֹ֗ר כָּל־אָרְחֹתָֽ/י׃

¹²הֶן־זֹ֣את לֹא־צָדַ֣קְתָּ אֶעֱנֶ֑/ךָּ כִּֽי־יִרְבֶּ֥ה אֱ֝ל֗וֹהַ מֵ/אֱנֽוֹשׁ׃

¹³מַ֭דּוּעַ אֵלָ֣י/ו רִיב֑וֹתָ כִּ֥י כָל־דְּ֝בָרָ֗י/ו לֹ֣א־יַעֲנֶֽה׃

¹⁴כִּֽי־בְ/אַחַ֥ת יְדַבֶּר־אֵ֑ל וּ֝/בִ/שְׁתַּ֗יִם לֹ֣א יְשׁוּרֶֽ/נָּה׃

¹⁵בַּ/חֲל֤וֹם ׀ חֶזְי֬וֹן לַ֗יְלָה בִּ/נְפֹ֣ל תַּ֭רְדֵּמָה עַל־אֲנָשִׁ֑ים בִּ֝/תְנוּמ֗וֹת עֲלֵ֣י מִשְׁכָּֽב׃

¹⁶אָ֣ז יִ֭גְלֶה אֹ֣זֶן אֲנָשִׁ֑ים וּ/בְ/מֹ֖סָרָ֣/ם יַחְתֹּֽם׃

¹⁷לְ֭/הָסִיר אָדָ֣ם מַעֲשֶׂ֑ה וְ/גֵוָ֖ה מִ/גֶּ֣בֶר יְכַסֶּֽה׃

¹⁸יַחְשֹׂ֣ךְ נַ֭פְשׁ/וֹ מִנִּי־שָׁ֑חַת וְ֝/חַיָּת֗/וֹ מֵ/עֲבֹ֥ר בַּ/שָּֽׁלַח׃

¹⁹וְ/הוּכַ֣ח בְּ֭/מַכְאוֹב עַל־מִשְׁכָּב֑/וֹ [k_ו/ריב] [q_וְ/ר֖וֹב] עֲצָמָ֣י/ו אֵתָֽן׃

²⁰וְ/זִֽהֲמַ֣תּ/וּ חַיָּת֣/וֹ לָ֑חֶם וְ֝/נַפְשׁ֗/וֹ מַאֲכַ֥ל תַּאֲוָֽה׃

²¹יִ֣כֶל בְּשָׂר֣/וֹ מֵ/רֹ֑אִי [k_ו/שפי] [q_וְ/שֻׁפּ֥וּ] עַ֝צְמוֹתָ֗י/ו לֹ֣א רֻאּֽוּ׃

²²וַ/תִּקְרַ֣ב לַ/שַּׁ֣חַת נַפְשׁ֑/וֹ וְ֝/חַיָּת֗/וֹ לַֽ/מְמִתִֽים׃

²³אִם־יֵ֤שׁ עָלָ֨י/ו ׀ מַלְאָ֗ךְ מֵלִ֗יץ אֶחָ֥ד מִנִּי־אָ֑לֶף לְ/הַגִּ֖יד לְ/אָדָ֣ם יָשְׁרֽ/וֹ׃

²⁴וַ/יְחֻנֶּ֗/נּוּ וַ/יֹּ֗אמֶר פְּ֭דָעֵ/הוּ מֵ/רֶ֥דֶת שָׁ֗חַת מָצָ֥אתִי כֹֽפֶר׃

²⁵רֻֽטֲפַ֣שׁ בְּשָׂר֣/וֹ מִ/נֹּ֑עַר יָ֝שׁ֗וּב לִ/ימֵ֥י עֲלוּמָֽי/ו׃

²⁶יֶעְתַּ֤ר אֶל־אֱל֨וֹהַּ ׀ וַ/יִּרְצֵ֗/הוּ וַ/יַּ֣רְא פָּ֭נָי/ו בִּ/תְרוּעָ֑ה וַ/יָּ֥שֶׁב לֶ֝/אֱנ֗וֹשׁ צִדְקָתֽ/וֹ׃

²⁷יָשֹׁ֤ר ׀ עַל־אֲנָשִׁ֗ים וַ/יֹּ֗אמֶר חָ֭טָאתִי וְ/יָשָׁ֥ר הֶעֱוֵ֗יתִי וְ/לֹא־שָׁ֥וָה לִֽ/י׃

²⁸פָּדָ֣ה [k_נפש/י] [q_נַ֭פְשׁ/וֹ] מֵ/עֲבֹ֣ר בַּ/שָּׁ֑חַת [k_ו/חית/י] [q_וְ֝/חַיָּת/וֹ] בָּ/א֥וֹר תִּרְאֶֽה׃

²⁹הֶן־כָּל־אֵ֭לֶּה יִפְעַל־אֵ֑ל פַּעֲמַ֖יִם שָׁל֣וֹשׁ עִם־גָּֽבֶר׃

³⁰לְ/הָשִׁ֣יב נַ֭פְשׁ/וֹ מִנִּי־שָׁ֑חַת לֵ֝/א֗וֹר בְּ/א֣וֹר הַֽ/חַיִּים׃

³¹הַקְשֵׁ֖ב אִיּ֥וֹב שְֽׁמַֽע־לִ֑/י הַ֝חֲרֵ֗שׁ וְ/אָנֹכִ֥י אֲדַבֵּֽר׃

³²אִם־יֵשׁ־מִלִּ֥ין הֲשִׁיבֵ֑/נִי דַּ֝בֵּ֗ר כִּֽי־חָפַ֥צְתִּי צַדְּקֶֽ/ךָּ׃

³³אִם־אַ֭יִן אַתָּ֥ה שְֽׁמַֽע־לִ֑/י הַ֝חֲרֵ֗שׁ וַ/אֲאַלֶּפְ/ךָ֥ חָכְמָֽה׃ ס