Read Westminster Leningrad Codex (morphological with vowels and accents) איוב 37 Bible Online

איוב 37 - Westminster Leningrad Codex (morphological with vowels and accents) bible

איוב 37

¹אַף־לְ֭/זֹאת יֶחֱרַ֣ד לִבִּ֑/י וְ֝/יִתַּ֗ר מִ/מְּקוֹמֽ/וֹ׃

²שִׁמְע֤וּ שָׁמ֣וֹעַ בְּ/רֹ֣גֶז קֹל֑/וֹ וְ֝/הֶ֗גֶה מִ/פִּ֥י/ו יֵצֵֽא׃

³תַּֽחַת־כָּל־הַ/שָּׁמַ֥יִם יִשְׁרֵ֑/הוּ וְ֝/אוֹר֗/וֹ עַל־כַּנְפ֥וֹת הָ/אָֽרֶץ׃

⁴אַחֲרָ֤י/ו ׀ יִשְׁאַג־ק֗וֹל יַ֭רְעֵם בְּ/ק֣וֹל גְּאוֹנ֑/וֹ וְ/לֹ֥א יְ֝עַקְּבֵ֗/ם כִּֽי־יִשָּׁמַ֥ע קוֹלֽ/וֹ׃

⁵יַרְעֵ֤ם אֵ֣ל בְּ֭/קוֹל/וֹ נִפְלָא֑וֹת עֹשֶׂ֥ה גְ֝דֹל֗וֹת וְ/לֹ֣א נֵדָֽע׃

⁶כִּ֤י לַ/שֶּׁ֨לַג ׀ יֹאמַ֗ר הֱוֵ֫א אָ֥רֶץ וְ/גֶ֥שֶׁם מָטָ֑ר וְ֝/גֶ֗שֶׁם מִטְר֥וֹת עֻזּֽ/וֹ׃

⁷בְּ/יַד־כָּל־אָדָ֥ם יַחְתּ֑וֹם לָ֝/דַ֗עַת כָּל־אַנְשֵׁ֥י מַעֲשֵֽׂ/הוּ׃

⁸וַ/תָּבֹ֣א חַיָּ֣ה בְמוֹ־אָ֑רֶב וּ/בִ/מְע֖וֹנֹתֶ֣י/הָ תִשְׁכֹּֽן׃

⁹מִן־הַ֭/חֶדֶר תָּב֣וֹא סוּפָ֑ה וּֽ/מִ/מְּזָרִ֥ים קָרָֽה׃

¹⁰מִ/נִּשְׁמַת־אֵ֥ל יִתֶּן־קָ֑רַח וְ/רֹ֖חַב מַ֣יִם בְּ/מוּצָֽק׃

¹¹אַף־בְּ֭/רִי יַטְרִ֣יחַ עָ֑ב יָ֝פִ֗יץ עֲנַ֣ן אוֹרֽ/וֹ׃

¹²וְ/ה֤וּא מְסִבּ֨וֹת ׀ מִתְהַפֵּ֣ךְ [k_ב/תחבולת/ו] [q_בְּ/תַחְבּוּלֹתָ֣י/ו] לְ/פָעֳלָ֑/ם כֹּ֖ל אֲשֶׁ֥ר יְצַוֵּ֓/ם ׀ עַל־פְּנֵ֖י תֵבֵ֣ל אָֽרְצָ/ה׃

¹³אִם־לְ/שֵׁ֥בֶט אִם־לְ/אַרְצ֑/וֹ אִם־לְ֝/חֶ֗סֶד יַמְצִאֵֽ/הוּ׃

¹⁴הַאֲזִ֣ינָ/ה זֹּ֣את אִיּ֑וֹב עֲ֝מֹ֗ד וְ/הִתְבּוֹנֵ֤ן ׀ נִפְלְא֬וֹת אֵֽל׃

¹⁵הֲ֭/תֵדַע בְּ/שׂוּם־אֱל֣וֹהַּ עֲלֵי/הֶ֑ם וְ֝/הוֹפִ֗יעַ א֣וֹר עֲנָנֽ/וֹ׃

¹⁶הֲ֭/תֵדַע עַל־מִפְלְשֵׂי־עָ֑ב מִ֝פְלְא֗וֹת תְּמִ֣ים דֵּעִֽים׃

¹⁷אֲשֶׁר־בְּגָדֶ֥י/ךָ חַמִּ֑ים בְּ/הַשְׁקִ֥ט אֶ֝֗רֶץ מִ/דָּרֽוֹם׃

¹⁸תַּרְקִ֣יעַ עִ֭מּ/וֹ לִ/שְׁחָקִ֑ים חֲ֝זָקִ֗ים כִּ/רְאִ֥י מוּצָֽק׃

¹⁹ה֭וֹדִיעֵ/נוּ מַה־נֹּ֣אמַר ל֑/וֹ לֹ֥א־נַ֝עֲרֹ֗ךְ מִ/פְּנֵי־חֹֽשֶׁךְ׃

²⁰הַֽ/יְסֻפַּר־ל֭/וֹ כִּ֣י אֲדַבֵּ֑ר אִֽם־אָ֥מַר אִ֝֗ישׁ כִּ֣י יְבֻלָּֽע׃

²¹וְ/עַתָּ֤ה ׀ לֹ֘א רָ֤אוּ א֗וֹר בָּהִ֣יר ה֭וּא בַּ/שְּׁחָקִ֑ים וְ/ר֥וּחַ עָ֝בְרָ֗ה וַֽ/תְּטַהֲרֵֽ/ם׃

²²מִ֭/צָּפוֹן זָהָ֣ב יֶֽאֱתֶ֑ה עַל־אֱ֝ל֗וֹהַּ נ֣וֹרָא הֽוֹד׃

²³שַׁדַּ֣י לֹֽא־מְ֭צָאנֻ/הוּ שַׂגִּיא־כֹ֑חַ וּ/מִשְׁפָּ֥ט וְ/רֹב־צְ֝דָקָ֗ה לֹ֣א יְעַנֶּֽה׃

²⁴לָ֭/כֵן יְרֵא֣וּ/הוּ אֲנָשִׁ֑ים לֹֽא־יִ֝רְאֶ֗ה כָּל־חַכְמֵי־לֵֽב׃ פ