Read Westminster Leningrad Codex (morphological with vowels and accents) תהלים 148 Bible Online

תהלים 148 - Westminster Leningrad Codex (morphological with vowels and accents) bible

תהלים 148

¹הַ֥לְלוּ יָ֨הּ ׀ הַֽלְל֣וּ אֶת־יְ֭הוָה מִן־הַ/שָּׁמַ֑יִם הַֽ֝לְל֗וּ/הוּ בַּ/מְּרוֹמִֽים׃

²הַֽלְל֥וּ/הוּ כָל־מַלְאָכָ֑י/ו הַֽ֝לְל֗וּ/הוּ כָּל־[k_צבא/ו] [q_צְבָאָֽי/ו׃]

³הַֽ֭לְלוּ/הוּ שֶׁ֣מֶשׁ וְ/יָרֵ֑חַ הַ֝לְל֗וּ/הוּ כָּל־כּ֥וֹכְבֵי אֽוֹר׃

⁴הַֽ֭לְלוּ/הוּ שְׁמֵ֣י הַ/שָּׁמָ֑יִם וְ֝/הַ/מַּ֗יִם אֲשֶׁ֤ר ׀ מֵ/עַ֬ל הַ/שָּׁמָֽיִם׃

⁵יְֽ֭הַֽלְלוּ אֶת־שֵׁ֣ם יְהוָ֑ה כִּ֤י ה֭וּא צִוָּ֣ה וְ/נִבְרָֽאוּ׃

⁶וַ/יַּעֲמִידֵ֣/ם לָ/עַ֣ד לְ/עוֹלָ֑ם חָק־נָ֝תַ֗ן וְ/לֹ֣א יַעֲבֽוֹר׃

⁷הַֽלְל֣וּ אֶת־יְ֭הוָה מִן־הָ/אָ֑רֶץ תַּ֝נִּינִ֗ים וְ/כָל־תְּהֹמֽוֹת׃

⁸אֵ֣שׁ וּ֭/בָרָד שֶׁ֣לֶג וְ/קִיט֑וֹר ר֥וּחַ סְ֝עָרָ֗ה עֹשָׂ֥ה דְבָרֽ/וֹ׃

⁹הֶ/הָרִ֥ים וְ/כָל־גְּבָע֑וֹת עֵ֥ץ פְּ֝רִ֗י וְ/כָל־אֲרָזִֽים׃

¹⁰הַֽ/חַיָּ֥ה וְ/כָל־בְּהֵמָ֑ה רֶ֝֗מֶשׂ וְ/צִפּ֥וֹר כָּנָֽף׃

¹¹מַלְכֵי־אֶ֭רֶץ וְ/כָל־לְאֻמִּ֑ים שָׂ֝רִ֗ים וְ/כָל־שֹׁ֥פְטֵי אָֽרֶץ׃

¹²בַּחוּרִ֥ים וְ/גַם־בְּתוּל֑וֹת זְ֝קֵנִ֗ים עִם־נְעָרִֽים׃

¹³יְהַלְל֤וּ ׀ אֶת־שֵׁ֬ם יְהוָ֗ה כִּֽי־נִשְׂגָּ֣ב שְׁמ֣/וֹ לְ/בַדּ֑/וֹ ה֝וֹד֗/וֹ עַל־אֶ֥רֶץ וְ/שָׁמָֽיִם׃

¹⁴וַ/יָּ֤רֶם קֶ֨רֶן ׀ לְ/עַמּ֡/וֹ תְּהִלָּ֤ה לְֽ/כָל־חֲסִידָ֗י/ו לִ/בְנֵ֣י יִ֭שְׂרָאֵל עַֽם־קְרֹב֗/וֹ הַֽלְלוּ־יָֽהּ׃