Read Westminster Leningrad Codex (morphological with vowels and accents) תהלים 21 Bible Online

תהלים 21 - Westminster Leningrad Codex (morphological with vowels and accents) bible

תהלים 21

¹לַ/מְנַצֵּ֗חַ מִזְמ֥וֹר לְ/דָוִֽד׃

²יְֽהוָ֗ה בְּ/עָזְּ/ךָ֥ יִשְׂמַח־מֶ֑לֶךְ וּ֝/בִ/ישׁ֥וּעָתְ/ךָ֗ מַה־[k_יגיל] [q_יָּ֥גֶל] מְאֹֽד׃

³תַּאֲוַ֣ת לִ֭בּ/וֹ נָתַ֣תָּה לּ֑/וֹ וַ/אֲרֶ֥שֶׁת שְׂ֝פָתָ֗י/ו בַּל־מָנַ֥עְתָּ סֶּֽלָה׃

⁴כִּֽי־תְ֭קַדְּמֶ/נּוּ בִּרְכ֣וֹת ט֑וֹב תָּשִׁ֥ית לְ֝/רֹאשׁ֗/וֹ עֲטֶ֣רֶת פָּֽז׃

⁵חַיִּ֤ים ׀ שָׁאַ֣ל מִ֭מְּ/ךָ נָתַ֣תָּה לּ֑/וֹ אֹ֥רֶךְ יָ֝מִ֗ים עוֹלָ֥ם וָ/עֶֽד׃

⁶גָּד֣וֹל כְּ֭בוֹד/וֹ בִּ/ישׁוּעָתֶ֑/ךָ ה֥וֹד וְ֝/הָדָר תְּשַׁוֶּ֥ה עָלָֽי/ו׃

⁷כִּֽי־תְשִׁיתֵ֣/הוּ בְרָכ֣וֹת לָ/עַ֑ד תְּחַדֵּ֥/הוּ בְ֝/שִׂמְחָ֗ה אֶת־פָּנֶֽי/ךָ׃

⁸כִּֽי־הַ֭/מֶּלֶךְ בֹּטֵ֣חַ בַּ/יהוָ֑ה וּ/בְ/חֶ֥סֶד עֶ֝לְי֗וֹן בַּל־יִמּֽוֹט׃

⁹תִּמְצָ֣א יָ֭דְ/ךָ לְ/כָל־אֹיְבֶ֑י/ךָ יְ֝מִֽינְ/ךָ תִּמְצָ֥א שֹׂנְאֶֽי/ךָ׃

¹⁰תְּשִׁיתֵ֤/מוֹ ׀ כְּ/תַנּ֥וּר אֵשׁ֮ לְ/עֵ֪ת פָּ֫נֶ֥י/ךָ יְ֭הוָה בְּ/אַפּ֣/וֹ יְבַלְּעֵ֑/ם וְֽ/תֹאכְלֵ֥/ם אֵֽשׁ׃

¹¹פִּ֭רְיָ/מוֹ מֵ/אֶ֣רֶץ תְּאַבֵּ֑ד וְ֝/זַרְעָ֗/ם מִ/בְּנֵ֥י אָדָֽם׃

¹²כִּי־נָט֣וּ עָלֶ֣י/ךָ רָעָ֑ה חָֽשְׁב֥וּ מְ֝זִמָּ֗ה בַּל־יוּכָֽלוּ׃

¹³כִּ֭י תְּשִׁיתֵ֣/מוֹ שֶׁ֑כֶם בְּ֝/מֵֽיתָרֶ֗י/ךָ תְּכוֹנֵ֥ן עַל־פְּנֵי/הֶֽם׃

¹⁴ר֣וּמָ/ה יְהוָ֣ה בְּ/עֻזֶּ֑/ךָ נָשִׁ֥ירָה וּֽ֝/נְזַמְּרָה גְּבוּרָתֶֽ/ךָ׃