Read Westminster Leningrad Codex (morphological with vowels and accents) תהלים 49 Bible Online

תהלים 49 - Westminster Leningrad Codex (morphological with vowels and accents) bible

תהלים 49

¹לַ/מְנַצֵּ֬חַ ׀ לִ/בְנֵי־קֹ֬רַח מִזְמֽוֹר׃

²שִׁמְעוּ־זֹ֭את כָּל־הָֽ/עַמִּ֑ים הַ֝אֲזִ֗ינוּ כָּל־יֹ֥שְׁבֵי חָֽלֶד׃

³גַּם־בְּנֵ֣י אָ֭דָם גַּם־בְּנֵי־אִ֑ישׁ יַ֝֗חַד עָשִׁ֥יר וְ/אֶבְיֽוֹן׃

⁴פִּ֭/י יְדַבֵּ֣ר חָכְמ֑וֹת וְ/הָג֖וּת לִבִּ֣/י תְבוּנֽוֹת׃

⁵אַטֶּ֣ה לְ/מָשָׁ֣ל אָזְנִ֑/י אֶפְתַּ֥ח בְּ֝/כִנּ֗וֹר חִידָתִֽ/י׃

⁶לָ֣/מָּה אִ֭ירָא בִּ֣/ימֵי רָ֑ע עֲוֺ֖ן עֲקֵבַ֣/י יְסוּבֵּֽ/נִי׃

⁷הַ/בֹּטְחִ֥ים עַל־חֵילָ֑/ם וּ/בְ/רֹ֥ב עָ֝שְׁרָ֗/ם יִתְהַלָּֽלוּ׃

⁸אָ֗ח לֹא־פָדֹ֣ה יִפְדֶּ֣ה אִ֑ישׁ לֹא־יִתֵּ֖ן לֵ/אלֹהִ֣ים כָּפְרֽ/וֹ׃

⁹וְ֭/יֵקַר פִּדְי֥וֹן נַפְשָׁ֗/ם וְ/חָדַ֥ל לְ/עוֹלָֽם׃

¹⁰וִֽ/יחִי־ע֥וֹד לָ/נֶ֑צַח לֹ֖א יִרְאֶ֣ה הַ/שָּֽׁחַת׃

¹¹כִּ֤י יִרְאֶ֨ה ׀ חֲכָ֘מִ֤ים יָמ֗וּתוּ יַ֤חַד כְּסִ֣יל וָ/בַ֣עַר יֹאבֵ֑דוּ וְ/עָזְב֖וּ לַ/אֲחֵרִ֣ים חֵילָֽ/ם׃

¹²קִרְבָּ֤/ם בָּתֵּ֨י/מוֹ ׀ לְֽ/עוֹלָ֗ם מִ֭שְׁכְּנֹתָ/ם לְ/דֹ֣ר וָ/דֹ֑ר קָֽרְא֥וּ בִ֝/שְׁמוֹתָ֗/ם עֲלֵ֣י אֲדָמֽוֹת׃

¹³וְ/אָדָ֣ם בִּ֭/יקָר בַּל־יָלִ֑ין נִמְשַׁ֖ל כַּ/בְּהֵמ֣וֹת נִדְמֽוּ׃

¹⁴זֶ֣ה דַ֭רְכָּ/ם כֵּ֣סֶל לָ֑/מוֹ וְ/אַחֲרֵי/הֶ֓ם ׀ בְּ/פִי/הֶ֖ם יִרְצ֣וּ סֶֽלָה׃

¹⁵כַּ/צֹּ֤אן ׀ לִֽ/שְׁא֣וֹל שַׁתּוּ֮ מָ֤וֶת יִ֫רְעֵ֥/ם וַ/יִּרְדּ֘וּ בָ֤/ם יְשָׁרִ֨ים ׀ לַ/בֹּ֗קֶר [k_ו/ציר/ם] [q_וְ֭/צוּרָ/ם] לְ/בַלּ֥וֹת שְׁא֗וֹל מִ/זְּבֻ֥ל לֽ/וֹ׃

¹⁶אַךְ־אֱלֹהִ֗ים יִפְדֶּ֣ה נַ֭פְשִׁ/י מִֽ/יַּד־שְׁא֑וֹל כִּ֖י יִקָּחֵ֣/נִי סֶֽלָה׃

¹⁷אַל־תִּ֭ירָא כִּֽי־יַעֲשִׁ֣ר אִ֑ישׁ כִּֽי־יִ֝רְבֶּה כְּב֣וֹד בֵּיתֽ/וֹ׃

¹⁸כִּ֤י לֹ֣א בְ֭/מוֹת/וֹ יִקַּ֣ח הַ/כֹּ֑ל לֹא־יֵרֵ֖ד אַחֲרָ֣י/ו כְּבוֹדֽ/וֹ׃

¹⁹כִּֽי־נַ֭פְשׁ/וֹ בְּ/חַיָּ֣י/ו יְבָרֵ֑ךְ וְ֝/יוֹדֻ֗/ךָ כִּי־תֵיטִ֥יב לָֽ/ךְ׃

²⁰תָּ֭בוֹא עַד־דּ֣וֹר אֲבוֹתָ֑י/ו עַד־נֵ֝֗צַח לֹ֣א יִרְאוּ־אֽוֹר׃

²¹אָדָ֣ם בִּ֭/יקָר וְ/לֹ֣א יָבִ֑ין נִמְשַׁ֖ל כַּ/בְּהֵמ֣וֹת נִדְמֽוּ׃