Read Westminster Leningrad Codex (morphological with vowels and accents) משלי 19 Bible Online

משלי 19 - Westminster Leningrad Codex (morphological with vowels and accents) bible

משלי 19

¹טֽוֹב־רָ֭שׁ הוֹלֵ֣ךְ בְּ/תֻמּ֑/וֹ מֵ/עִקֵּ֥שׁ שְׂ֝פָתָ֗י/ו וְ/ה֣וּא כְסִֽיל׃

²גַּ֤ם בְּ/לֹא־דַ֣עַת נֶ֣פֶשׁ לֹא־ט֑וֹב וְ/אָ֖ץ בְּ/רַגְלַ֣יִם חוֹטֵֽא׃

³אִוֶּ֣לֶת אָ֭דָם תְּסַלֵּ֣ף דַּרְכּ֑/וֹ וְ/עַל־יְ֝הוָ֗ה יִזְעַ֥ף לִבּֽ/וֹ׃

⁴ה֗וֹן יֹ֭סִיף רֵעִ֣ים רַבִּ֑ים וְ֝/דָ֗ל מֵרֵ֥ע/הוּ יִפָּרֵֽד׃

⁵עֵ֣ד שְׁ֭קָרִים לֹ֣א יִנָּקֶ֑ה וְ/יָפִ֥יחַ כְּ֝זָבִ֗ים לֹ֣א יִמָּלֵֽט׃

⁶רַ֭בִּים יְחַלּ֣וּ פְנֵֽי־נָדִ֑יב וְ/כָל־הָ֝/רֵ֗עַ לְ/אִ֣ישׁ מַתָּֽן׃

⁷כָּ֥ל אֲחֵי־רָ֨שׁ ׀ שְֽׂנֵאֻ֗/הוּ אַ֤ף כִּ֣י מְ֭רֵעֵ/הוּ רָחֲק֣וּ מִמֶּ֑/נּוּ מְרַדֵּ֖ף אֲמָרִ֣ים [k_לא־][q_ל/וֹ־]הֵֽמָּה׃

⁸קֹֽנֶה־לֵּ֭ב אֹהֵ֣ב נַפְשׁ֑/וֹ שֹׁמֵ֥ר תְּ֝בוּנָ֗ה לִ/מְצֹא־טֽוֹב׃

⁹עֵ֣ד שְׁ֭קָרִים לֹ֣א יִנָּקֶ֑ה וְ/יָפִ֖יחַ כְּזָבִ֣ים יֹאבֵֽד׃ פ

¹⁰לֹֽא־נָאוֶ֣ה לִ/כְסִ֣יל תַּעֲנ֑וּג אַ֝֗ף כִּֽי־לְ/עֶ֤בֶד ׀ מְשֹׁ֬ל בְּ/שָׂרִֽים׃

¹¹שֵׂ֣כֶל אָ֭דָם הֶאֱרִ֣יךְ אַפּ֑/וֹ וְ֝/תִפאַרְתּ֗/וֹ עֲבֹ֣ר עַל־פָּֽשַׁע׃

¹²נַ֣הַם כַּ֭/כְּפִיר זַ֣עַף מֶ֑לֶךְ וּ/כְ/טַ֖ל עַל־עֵ֣שֶׂב רְצוֹנֽ/וֹ׃

¹³הַוֺּ֣ת לְ֭/אָבִי/ו בֵּ֣ן כְּסִ֑יל וְ/דֶ֥לֶף טֹ֝רֵ֗ד מִדְיְנֵ֥י אִשָּֽׁה׃

¹⁴בַּ֣יִת וָ֭/הוֹן נַחֲלַ֣ת אָב֑וֹת וּ֝/מֵ/יְהוָ֗ה אִשָּׁ֥ה מַשְׂכָּֽלֶת׃

¹⁵עַ֭צְלָה תַּפִּ֣יל תַּרְדֵּמָ֑ה וְ/נֶ֖פֶשׁ רְמִיָּ֣ה תִרְעָֽב׃

¹⁶שֹׁמֵ֣ר מִ֭צְוָה שֹׁמֵ֣ר נַפְשׁ֑/וֹ בּוֹזֵ֖ה דְרָכָ֣י/ו [k_יומת] [q_יָמֽוּת׃]

¹⁷מַלְוֵ֣ה יְ֭הוָה ח֣וֹנֵֽן דָּ֑ל וּ֝/גְמֻל֗/וֹ יְשַׁלֶּם־לֽ/וֹ׃

¹⁸יַסֵּ֣ר בִּ֭נְ/ךָ כִּי־יֵ֣שׁ תִּקְוָ֑ה וְ/אֶל־הֲ֝מִית֗/וֹ אַל־תִּשָּׂ֥א נַפְשֶֽׁ/ךָ׃

¹⁹[k_גרל־][q_גְּֽדָל־]חֵ֭מָה נֹ֣שֵׂא עֹ֑נֶשׁ כִּ֥י אִם־תַּ֝צִּ֗יל וְ/ע֣וֹד תּוֹסִֽף׃

²⁰שְׁמַ֣ע עֵ֭צָה וְ/קַבֵּ֣ל מוּסָ֑ר לְ֝מַ֗עַן תֶּחְכַּ֥ם בְּ/אַחֲרִיתֶֽ/ךָ׃

²¹רַבּ֣וֹת מַחֲשָׁב֣וֹת בְּ/לֶב־אִ֑ישׁ וַ/עֲצַ֥ת יְ֝הוָ֗ה הִ֣יא תָקֽוּם׃

²²תַּאֲוַ֣ת אָדָ֣ם חַסְדּ֑/וֹ וְ/טֽוֹב־רָ֝שׁ מֵ/אִ֥ישׁ כָּזָֽב׃

²³יִרְאַ֣ת יְהוָ֣ה לְ/חַיִּ֑ים וְ/שָׂבֵ֥עַ יָ֝לִ֗ין בַּל־יִפָּ֥קֶד רָֽע׃

²⁴טָ֘מַ֤ן עָצֵ֣ל יָ֭ד/וֹ בַּ/צַּלָּ֑חַת גַּם־אֶל־פִּ֝֗י/הוּ לֹ֣א יְשִׁיבֶֽ/נָּה׃

²⁵לֵ֣ץ תַּ֭כֶּה וּ/פֶ֣תִי יַעְרִ֑ם וְ/הוֹכִ֥יחַ לְ֝/נָב֗וֹן יָבִ֥ין דָּֽעַת׃

²⁶מְֽשַׁדֶּד־אָ֭ב יַבְרִ֣יחַ אֵ֑ם בֵּ֝֗ן מֵבִ֥ישׁ וּ/מַחְפִּֽיר׃

²⁷חַֽדַל־בְּ֭נִ/י לִ/שְׁמֹ֣עַ מוּסָ֑ר לִ֝/שְׁג֗וֹת מֵֽ/אִמְרֵי־דָֽעַת׃

²⁸עֵ֣ד בְּ֭לִיַּעַל יָלִ֣יץ מִשְׁפָּ֑ט וּ/פִ֥י רְ֝שָׁעִ֗ים יְבַלַּע־אָֽוֶן׃

²⁹נָכ֣וֹנוּ לַ/לֵּצִ֣ים שְׁפָטִ֑ים וּ֝/מַהֲלֻמ֗וֹת לְ/גֵ֣ו כְּסִילִֽים׃