Read Westminster Leningrad Codex (morphological with vowels and accents) שיר השירים 2 Bible Online

שיר השירים 2 - Westminster Leningrad Codex (morphological with vowels and accents) bible

שיר השירים 2

¹אֲנִי֙ חֲבַצֶּ֣לֶת הַ/שָּׁר֔וֹן שֽׁוֹשַׁנַּ֖ת הָ/עֲמָקִֽים׃

²כְּ/שֽׁוֹשַׁנָּה֙ בֵּ֣ין הַ/חוֹחִ֔ים כֵּ֥ן רַעְיָתִ֖/י בֵּ֥ין הַ/בָּנֽוֹת׃

³כְּ/תַפּ֙וּחַ֙ בַּ/עֲצֵ֣י הַ/יַּ֔עַר כֵּ֥ן דּוֹדִ֖/י בֵּ֣ין הַ/בָּנִ֑ים בְּ/צִלּ/וֹ֙ חִמַּ֣דְתִּי וְ/יָשַׁ֔בְתִּי וּ/פִרְי֖/וֹ מָת֥וֹק לְ/חִכִּֽ/י׃

⁴הֱבִיאַ֙/נִי֙ אֶל־בֵּ֣ית הַ/יָּ֔יִן וְ/דִגְל֥/וֹ עָלַ֖/י אַהֲבָֽה׃

⁵סַמְּכ֙וּ/נִי֙ בָּֽ/אֲשִׁישׁ֔וֹת רַפְּד֖וּ/נִי בַּ/תַּפּוּחִ֑ים כִּי־חוֹלַ֥ת אַהֲבָ֖ה אָֽנִי׃

⁶שְׂמֹאל/וֹ֙ תַּ֣חַת לְ/רֹאשִׁ֔/י וִ/ימִינ֖/וֹ תְּחַבְּקֵֽ/נִי׃

⁷הִשְׁבַּ֨עְתִּי אֶתְ/כֶ֜ם בְּנ֤וֹת יְרוּשָׁלִַ֙ם֙ בִּ/צְבָא֔וֹת א֖וֹ בְּ/אַיְל֣וֹת הַ/שָּׂדֶ֑ה אִם־תָּעִ֧ירוּ ׀ וְֽ/אִם־תְּעֽוֹרְר֛וּ אֶת־הָ/אַהֲבָ֖ה עַ֥ד שֶׁ/תֶּחְפָּֽץ׃ ס

⁸ק֣וֹל דּוֹדִ֔/י הִנֵּה־זֶ֖ה בָּ֑א מְדַלֵּג֙ עַל־הֶ֣/הָרִ֔ים מְקַפֵּ֖ץ עַל־הַ/גְּבָעֽוֹת׃

⁹דּוֹמֶ֤ה דוֹדִ/י֙ לִ/צְבִ֔י א֖וֹ לְ/עֹ֣פֶר הָֽ/אַיָּלִ֑ים הִנֵּה־זֶ֤ה עוֹמֵד֙ אַחַ֣ר כָּתְלֵ֔/נוּ מַשְׁגִּ֙יחַ֙ מִן־הַֽ/חֲלֹּנ֔וֹת מֵצִ֖יץ מִן־הַֽ/חֲרַכִּֽים׃

¹⁰עָנָ֥ה דוֹדִ֖/י וְ/אָ֣מַר לִ֑/י ק֥וּמִי לָ֛/ךְ רַעְיָתִ֥/י יָפָתִ֖/י וּ/לְכִי־לָֽ/ךְ׃

¹¹כִּֽי־הִנֵּ֥ה [k_ה/סתו] [q_הַ/סְּתָ֖יו] עָבָ֑ר הַ/גֶּ֕שֶׁם חָלַ֖ף הָלַ֥ךְ לֽ/וֹ׃

¹²הַ/נִּצָּנִים֙ נִרְא֣וּ בָ/אָ֔רֶץ עֵ֥ת הַ/זָּמִ֖יר הִגִּ֑יעַ וְ/ק֥וֹל הַ/תּ֖וֹר נִשְׁמַ֥ע בְּ/אַרְצֵֽ/נוּ׃

¹³הַ/תְּאֵנָה֙ חָֽנְטָ֣ה פַגֶּ֔י/הָ וְ/הַ/גְּפָנִ֥ים ׀ סְמָדַ֖ר נָ֣תְנוּ רֵ֑יחַ ק֥וּמִי [k_לכי] [q_לָ֛/ךְ] רַעְיָתִ֥/י יָפָתִ֖/י וּ/לְכִי־לָֽ/ךְ׃ ס

¹⁴יוֹנָתִ֞/י בְּ/חַגְוֵ֣י הַ/סֶּ֗לַע בְּ/סֵ֙תֶר֙ הַ/מַּדְרֵגָ֔ה הַרְאִ֙י/נִי֙ אֶתּ־מַרְאַ֔יִ/ךְ הַשְׁמִיעִ֖י/נִי אֶת־קוֹלֵ֑/ךְ כִּי־קוֹלֵ֥/ךְ עָרֵ֖ב וּ/מַרְאֵ֥י/ךְ נָאוֶֽה׃ ס

¹⁵אֶֽחֱזוּ־לָ֙/נוּ֙ שֽׁוּעָלִ֔ים שֽׁוּעָלִ֥ים קְטַנִּ֖ים מְחַבְּלִ֣ים כְּרָמִ֑ים וּ/כְרָמֵ֖י/נוּ סְמָדַֽר׃

¹⁶דּוֹדִ֥/י לִ/י֙ וַ/אֲנִ֣י ל֔/וֹ הָ/רֹעֶ֖ה בַּ/שּׁוֹשַׁנִּֽים׃

¹⁷עַ֤ד שֶׁ/יָּפ֙וּחַ֙ הַ/יּ֔וֹם וְ/נָ֖סוּ הַ/צְּלָלִ֑ים סֹב֩ דְּמֵה־לְ/ךָ֨ דוֹדִ֜/י לִ/צְבִ֗י א֛וֹ לְ/עֹ֥פֶר הָ/אַיָּלִ֖ים עַל־הָ֥רֵי בָֽתֶר׃ ס