Read Westminster Leningrad Codex (morphological with vowels and accents) שיר השירים 5 Bible Online

שיר השירים 5 - Westminster Leningrad Codex (morphological with vowels and accents) bible

שיר השירים 5

¹בָּ֣אתִי לְ/גַנִּ/י֮ אֲחֹתִ֣/י כַלָּה֒ אָרִ֤יתִי מוֹרִ/י֙ עִם־בְּשָׂמִ֔/י אָכַ֤לְתִּי יַעְרִ/י֙ עִם־דִּבְשִׁ֔/י שָׁתִ֥יתִי יֵינִ֖/י עִם־חֲלָבִ֑/י אִכְל֣וּ רֵעִ֔ים שְׁת֥וּ וְ/שִׁכְר֖וּ דּוֹדִֽים׃ ס

²אֲנִ֥י יְשֵׁנָ֖ה וְ/לִבִּ֣/י עֵ֑ר ק֣וֹל ׀ דּוֹדִ֣/י דוֹפֵ֗ק פִּתְחִי־לִ֞/י אֲחֹתִ֤/י רַעְיָתִ/י֙ יוֹנָתִ֣/י תַמָּתִ֔/י שֶׁ/רֹּאשִׁ/י֙ נִמְלָא־טָ֔ל קְוֻּצּוֹתַ֖/י רְסִ֥יסֵי לָֽיְלָה׃

³פָּשַׁ֙טְתִּי֙ אֶת־כֻּתָּנְתִּ֔/י אֵיכָ֖כָה אֶלְבָּשֶׁ֑/נָּה רָחַ֥צְתִּי אֶת־רַגְלַ֖/י אֵיכָ֥כָה אֲטַנְּפֵֽ/ם׃

⁴דּוֹדִ֗/י שָׁלַ֤ח יָד/וֹ֙ מִן־הַ/חֹ֔ר וּ/מֵעַ֖/י הָמ֥וּ עָלָֽי/ו׃

⁵קַ֥מְתִּֽי אֲנִ֖י לִ/פְתֹּ֣חַ לְ/דוֹדִ֑/י וְ/יָדַ֣/י נָֽטְפוּ־מ֗וֹר וְ/אֶצְבְּעֹתַ/י֙ מ֣וֹר עֹבֵ֔ר עַ֖ל כַּפּ֥וֹת הַ/מַּנְעֽוּל׃

⁶פָּתַ֤חְתִּֽי אֲנִי֙ לְ/דוֹדִ֔/י וְ/דוֹדִ֖/י חָמַ֣ק עָבָ֑ר נַפְשִׁ/י֙ יָֽצְאָ֣ה בְ/דַבְּר֔/וֹ בִּקַּשְׁתִּ֙י/הוּ֙ וְ/לֹ֣א מְצָאתִ֔י/הוּ קְרָאתִ֖י/ו וְ/לֹ֥א עָנָֽ/נִי׃

⁷מְצָאֻ֧/נִי הַ/שֹּׁמְרִ֛ים הַ/סֹּבְבִ֥ים בָּ/עִ֖יר הִכּ֣וּ/נִי פְצָע֑וּ/נִי נָשְׂא֤וּ אֶת־רְדִידִ/י֙ מֵֽ/עָלַ֔/י שֹׁמְרֵ֖י הַ/חֹמֽוֹת׃

⁸הִשְׁבַּ֥עְתִּי אֶתְ/כֶ֖ם בְּנ֣וֹת יְרוּשָׁלִָ֑ם אִֽם־תִּמְצְאוּ֙ אֶת־דּוֹדִ֔/י מַה־תַּגִּ֣ידוּ ל֔/וֹ שֶׁ/חוֹלַ֥ת אַהֲבָ֖ה אָֽנִי׃

⁹מַה־דּוֹדֵ֣/ךְ מִ/דּ֔וֹד הַ/יָּפָ֖ה בַּ/נָּשִׁ֑ים מַה־דּוֹדֵ֣/ךְ מִ/דּ֔וֹד שֶׁ/כָּ֖כָה הִשְׁבַּעְתָּֽ/נוּ׃

¹⁰דּוֹדִ֥/י צַח֙ וְ/אָד֔וֹם דָּג֖וּל מֵ/רְבָבָֽה׃

¹¹רֹאשׁ֖/וֹ כֶּ֣תֶם פָּ֑ז קְוּצּוֹתָי/ו֙ תַּלְתַּלִּ֔ים שְׁחֹר֖וֹת כָּ/עוֹרֵֽב׃

¹²עֵינָ֕י/ו כְּ/יוֹנִ֖ים עַל־אֲפִ֣יקֵי מָ֑יִם רֹֽחֲצוֹת֙ בֶּֽ/חָלָ֔ב יֹשְׁב֖וֹת עַל־מִלֵּֽאת׃

¹³לְחָיָ/ו֙ כַּ/עֲרוּגַ֣ת הַ/בֹּ֔שֶׂם מִגְדְּל֖וֹת מֶרְקָחִ֑ים שִׂפְתוֹתָי/ו֙ שֽׁוֹשַׁנִּ֔ים נֹטְפ֖וֹת מ֥וֹר עֹבֵֽר׃

¹⁴יָדָי/ו֙ גְּלִילֵ֣י זָהָ֔ב מְמֻלָּאִ֖ים בַּ/תַּרְשִׁ֑ישׁ מֵעָי/ו֙ עֶ֣שֶׁת שֵׁ֔ן מְעֻלֶּ֖פֶת סַפִּירִֽים׃

¹⁵שׁוֹקָי/ו֙ עַמּ֣וּדֵי שֵׁ֔שׁ מְיֻסָּדִ֖ים עַל־אַדְנֵי־פָ֑ז מַרְאֵ֙/הוּ֙ כַּ/לְּבָנ֔וֹן בָּח֖וּר כָּ/אֲרָזִֽים׃

¹⁶חִכּ/וֹ֙ מַֽמְתַקִּ֔ים וְ/כֻלּ֖/וֹ מַחֲּמַדִּ֑ים זֶ֤ה דוֹדִ/י֙ וְ/זֶ֣ה רֵעִ֔/י בְּנ֖וֹת יְרוּשָׁלִָֽם׃