Read Westminster Leningrad Codex (morphological with vowels and accents) ישעיהו 20 Bible Online

ישעיהו 20 - Westminster Leningrad Codex (morphological with vowels and accents) bible

ישעיהו 20

¹בִּ/שְׁנַ֨ת בֹּ֤א תַרְתָּן֙ אַשְׁדּ֔וֹדָ/ה בִּ/שְׁלֹ֣ח אֹת֔/וֹ סַֽרְג֖וֹן מֶ֣לֶךְ אַשּׁ֑וּר וַ/יִּלָּ֥חֶם בְּ/אַשְׁדּ֖וֹד וַֽ/יִּלְכְּדָֽ/הּ׃

²בָּ/עֵ֣ת הַ/הִ֗יא דִּבֶּ֣ר יְהוָה֮ בְּ/יַ֣ד יְשַׁעְיָ֣הוּ בֶן־אָמוֹץ֮ לֵ/אמֹר֒ לֵ֗ךְ וּ/פִתַּחְתָּ֤ הַ/שַּׂק֙ מֵ/עַ֣ל מָתְנֶ֔י/ךָ וְ/נַעַלְ/ךָ֥ תַחֲלֹ֖ץ מֵ/עַ֣ל רַגְלֶ֑י/ךָ וַ/יַּ֣עַשׂ כֵּ֔ן הָלֹ֖ךְ עָר֥וֹם וְ/יָחֵֽף׃ ס

³וַ/יֹּ֣אמֶר יְהוָ֔ה כַּ/אֲשֶׁ֥ר הָלַ֛ךְ עַבְדִּ֥/י יְשַׁעְיָ֖הוּ עָר֣וֹם וְ/יָחֵ֑ף שָׁלֹ֤שׁ שָׁנִים֙ א֣וֹת וּ/מוֹפֵ֔ת עַל־מִצְרַ֖יִם וְ/עַל־כּֽוּשׁ׃

⁴כֵּ֣ן יִנְהַ֣ג מֶֽלֶךְ־אַ֠שּׁוּר אֶת־שְׁבִ֨י מִצְרַ֜יִם וְ/אֶת־גָּל֥וּת כּ֛וּשׁ נְעָרִ֥ים וּ/זְקֵנִ֖ים עָר֣וֹם וְ/יָחֵ֑ף וַ/חֲשׂוּפַ֥י שֵׁ֖ת עֶרְוַ֥ת מִצְרָֽיִם׃

⁵וְ/חַתּ֖וּ וָ/בֹ֑שׁוּ מִ/כּוּשׁ֙ מַבָּטָ֔/ם וּ/מִן־מִצְרַ֖יִם תִּפְאַרְתָּֽ/ם׃

⁶וְ֠/אָמַר יֹשֵׁ֨ב הָ/אִ֣י הַ/זֶּה֮ בַּ/יּ֣וֹם הַ/הוּא֒ הִנֵּה־כֹ֣ה מַבָּטֵ֗/נוּ אֲשֶׁר־נַ֤סְנוּ שָׁם֙ לְ/עֶזְרָ֔ה לְ/הִ֨נָּצֵ֔ל מִ/פְּנֵ֖י מֶ֣לֶךְ אַשּׁ֑וּר וְ/אֵ֖יךְ נִמָּלֵ֥ט אֲנָֽחְנוּ׃ ס