Read Westminster Leningrad Codex (morphological with vowels and accents) ישעיהו 28 Bible Online

ישעיהו 28 - Westminster Leningrad Codex (morphological with vowels and accents) bible

ישעיהו 28

¹ה֗וֹי עֲטֶ֤רֶת גֵּאוּת֙ שִׁכֹּרֵ֣י אֶפְרַ֔יִם וְ/צִ֥יץ נֹבֵ֖ל צְבִ֣י תִפְאַרְתּ֑/וֹ אֲשֶׁ֛ר עַל־רֹ֥אשׁ גֵּֽיא־שְׁמָנִ֖ים הֲל֥וּמֵי יָֽיִן׃

²הִנֵּ֨ה חָזָ֤ק וְ/אַמִּץ֙ לַֽ/אדֹנָ֔/י כְּ/זֶ֥רֶם בָּרָ֖ד שַׂ֣עַר קָ֑טֶב כְּ֠/זֶרֶם מַ֣יִם כַּבִּירִ֥ים שֹׁטְפִ֛ים הִנִּ֥יחַ לָ/אָ֖רֶץ בְּ/יָֽד׃

³בְּ/רַגְלַ֖יִם תֵּֽרָמַ֑סְנָה עֲטֶ֥רֶת גֵּא֖וּת שִׁכּוֹרֵ֥י אֶפְרָֽיִם׃

⁴וְֽ/הָ֨יְתָ֜ה צִיצַ֤ת נֹבֵל֙ צְבִ֣י תִפְאַרְתּ֔/וֹ אֲשֶׁ֥ר עַל־רֹ֖אשׁ גֵּ֣יא שְׁמָנִ֑ים כְּ/בִכּוּרָהּ֙ בְּ/טֶ֣רֶם קַ֔יִץ אֲשֶׁ֨ר יִרְאֶ֤ה הָֽ/רֹאֶה֙ אוֹתָ֔/הּ בְּ/עוֹדָ֥/הּ בְּ/כַפּ֖/וֹ יִבְלָעֶֽ/נָּה׃ ס

⁵בַּ/יּ֣וֹם הַ/ה֗וּא יִֽהְיֶה֙ יְהוָ֣ה צְבָא֔וֹת לַ/עֲטֶ֣רֶת צְבִ֔י וְ/לִ/צְפִירַ֖ת תִּפְאָרָ֑ה לִ/שְׁאָ֖ר עַמּֽ/וֹ׃

⁶וּ/לְ/ר֖וּחַ מִשְׁפָּ֑ט לַ/יּוֹשֵׁב֙ עַל־הַ/מִּשְׁפָּ֔ט וְ/לִ֨/גְבוּרָ֔ה מְשִׁיבֵ֥י מִלְחָמָ֖ה שָֽׁעְרָ/ה׃ ס

⁷וְ/גַם־אֵ֙לֶּה֙ בַּ/יַּ֣יִן שָׁג֔וּ וּ/בַ/שֵּׁכָ֖ר תָּע֑וּ כֹּהֵ֣ן וְ/נָבִיא֩ שָׁג֨וּ בַ/שֵּׁכָ֜ר נִבְלְע֣וּ מִן־הַ/יַּ֗יִן תָּעוּ֙ מִן־הַ/שֵּׁכָ֔ר שָׁגוּ֙ בָּֽ/רֹאֶ֔ה פָּק֖וּ פְּלִילִיָּֽה׃

⁸כִּ֚י כָּל־שֻׁלְחָנ֔וֹת מָלְא֖וּ קִ֣יא צֹאָ֑ה בְּלִ֖י מָקֽוֹם׃ ס

⁹אֶת־מִי֙ יוֹרֶ֣ה דֵעָ֔ה וְ/אֶת־מִ֖י יָבִ֣ין שְׁמוּעָ֑ה גְּמוּלֵי֙ מֵֽ/חָלָ֔ב עַתִּיקֵ֖י מִ/שָּׁדָֽיִם׃

¹⁰כִּ֣י צַ֤ו לָ/צָו֙ צַ֣ו לָ/צָ֔ו קַ֥ו לָ/קָ֖ו קַ֣ו לָ/קָ֑ו זְעֵ֥יר שָׁ֖ם זְעֵ֥יר שָֽׁם׃

¹¹כִּ֚י בְּ/לַעֲגֵ֣י שָׂפָ֔ה וּ/בְ/לָשׁ֖וֹן אַחֶ֑רֶת יְדַבֵּ֖ר אֶל־הָ/עָ֥ם הַ/זֶּֽה׃

¹²אֲשֶׁ֣ר ׀ אָמַ֣ר אֲלֵי/הֶ֗ם זֹ֤את הַ/מְּנוּחָה֙ הָנִ֣יחוּ לֶֽ/עָיֵ֔ף וְ/זֹ֖את הַ/מַּרְגֵּעָ֑ה וְ/לֹ֥א אָב֖וּא שְׁמֽוֹעַ׃

¹³וְ/הָיָ֨ה לָ/הֶ֜ם דְּבַר־יְהוָ֗ה צַ֣ו לָ/צָ֞ו צַ֤ו לָ/צָו֙ קַ֤ו לָ/קָו֙ קַ֣ו לָ/קָ֔ו זְעֵ֥יר שָׁ֖ם זְעֵ֣יר שָׁ֑ם לְמַ֨עַן יֵלְכ֜וּ וְ/כָשְׁל֤וּ אָחוֹר֙ וְ/נִשְׁבָּ֔רוּ וְ/נוֹקְשׁ֖וּ וְ/נִלְכָּֽדוּ׃ פ

¹⁴לָ/כֵ֛ן שִׁמְע֥וּ דְבַר־יְהוָ֖ה אַנְשֵׁ֣י לָצ֑וֹן מֹֽשְׁלֵי֙ הָ/עָ֣ם הַ/זֶּ֔ה אֲשֶׁ֖ר בִּ/ירוּשָׁלִָֽם׃

¹⁵כִּ֣י אֲמַרְתֶּ֗ם כָּרַ֤תְנֽוּ בְרִית֙ אֶת־מָ֔וֶת וְ/עִם־שְׁא֖וֹל עָשִׂ֣ינוּ חֹזֶ֑ה [k_שיט] [q_שׁ֣וֹט] שׁוֹטֵ֤ף כִּֽי־[k_עבר] [q_יַֽעֲבֹר֙] לֹ֣א יְבוֹאֵ֔/נוּ כִּ֣י שַׂ֧מְנוּ כָזָ֛ב מַחְסֵ֖/נוּ וּ/בַ/שֶּׁ֥קֶר נִסְתָּֽרְנוּ׃ ס

¹⁶לָ/כֵ֗ן כֹּ֤ה אָמַר֙ אֲדֹנָ֣/י יְהוִ֔ה הִנְ/נִ֛י יִסַּ֥ד בְּ/צִיּ֖וֹן אָ֑בֶן אֶ֣בֶן בֹּ֜חַן פִּנַּ֤ת יִקְרַת֙ מוּסָ֣ד מוּסָּ֔ד הַֽ/מַּאֲמִ֖ין לֹ֥א יָחִֽישׁ׃

¹⁷וְ/שַׂמְתִּ֤י מִשְׁפָּט֙ לְ/קָ֔ו וּ/צְדָקָ֖ה לְ/מִשְׁקָ֑לֶת וְ/יָעָ֤ה בָרָד֙ מַחְסֵ֣ה כָזָ֔ב וְ/סֵ֥תֶר מַ֖יִם יִשְׁטֹֽפוּ׃

¹⁸וְ/כֻפַּ֤ר בְּרִֽיתְ/כֶם֙ אֶת־מָ֔וֶת וְ/חָזוּתְ/כֶ֥ם אֶת־שְׁא֖וֹל לֹ֣א תָק֑וּם שׁ֤וֹט שׁוֹטֵף֙ כִּ֣י יַֽעֲבֹ֔ר וִ/הְיִ֥יתֶם ל֖/וֹ לְ/מִרְמָֽס׃

¹⁹מִ/דֵּ֤י עָבְר/וֹ֙ יִקַּ֣ח אֶתְ/כֶ֔ם כִּֽי־בַ/בֹּ֧קֶר בַּ/בֹּ֛קֶר יַעֲבֹ֖ר בַּ/יּ֣וֹם וּ/בַ/לָּ֑יְלָה וְ/הָיָ֥ה רַק־זְוָעָ֖ה הָבִ֥ין שְׁמוּעָֽה׃

²⁰כִּֽי־קָצַ֥ר הַ/מַּצָּ֖ע מֵֽ/הִשְׂתָּרֵ֑עַ וְ/הַ/מַּסֵּכָ֥ה צָ֖רָה כְּ/הִתְכַּנֵּֽס׃

²¹כִּ֤י כְ/הַר־פְּרָצִים֙ יָק֣וּם יְהוָ֔ה כְּ/עֵ֖מֶק בְּ/גִבְע֣וֹן יִרְגָּ֑ז לַ/עֲשׂ֤וֹת מַעֲשֵׂ֙/הוּ֙ זָ֣ר מַעֲשֵׂ֔/הוּ וְ/לַֽ/עֲבֹד֙ עֲבֹ֣דָת֔/וֹ נָכְרִיָּ֖ה עֲבֹדָתֽ/וֹ׃

²²וְ/עַתָּה֙ אַל־תִּתְלוֹצָ֔צוּ פֶּֽן־יֶחְזְק֖וּ מֽוֹסְרֵי/כֶ֑ם כִּֽי־כָלָ֨ה וְ/נֶחֱרָצָ֜ה שָׁמַ֗עְתִּי מֵ/אֵ֨ת אֲדֹנָ֧/י יְהוִ֛ה צְבָא֖וֹת עַל־כָּל־הָ/אָֽרֶץ׃

²³הַאֲזִ֥ינוּ וְ/שִׁמְע֖וּ קוֹלִ֑/י הַקְשִׁ֥יבוּ וְ/שִׁמְע֖וּ אִמְרָתִֽ/י׃

²⁴הֲ/כֹ֣ל הַ/יּ֔וֹם יַחֲרֹ֥שׁ הַ/חֹרֵ֖שׁ לִ/זְרֹ֑עַ יְפַתַּ֥ח וִֽ/ישַׂדֵּ֖ד אַדְמָתֽ/וֹ׃

²⁵הֲ/לוֹא֙ אִם־שִׁוָּ֣ה פָנֶ֔י/הָ וְ/הֵפִ֥יץ קֶ֖צַח וְ/כַמֹּ֣ן יִזְרֹ֑ק וְ/שָׂ֨ם חִטָּ֤ה שׂוֹרָה֙ וּ/שְׂעֹרָ֣ה נִסְמָ֔ן וְ/כֻסֶּ֖מֶת גְּבֻלָתֽ/וֹ׃

²⁶וְ/יִסְּר֥/וֹ לַ/מִּשְׁפָּ֖ט אֱלֹהָ֥י/ו יוֹרֶֽ/נּוּ׃

²⁷כִּ֣י לֹ֤א בֶֽ/חָרוּץ֙ י֣וּדַשׁ קֶ֔צַח וְ/אוֹפַ֣ן עֲגָלָ֔ה עַל־כַּמֹּ֖ן יוּסָּ֑ב כִּ֧י בַ/מַּטֶּ֛ה יֵחָ֥בֶט קֶ֖צַח וְ/כַמֹּ֥ן בַּ/שָּֽׁבֶט׃

²⁸לֶ֣חֶם יוּדָ֔ק כִּ֛י לֹ֥א לָ/נֶ֖צַח אָד֣וֹשׁ יְדוּשֶׁ֑/נּוּ וְ֠/הָמַם גִּלְגַּ֧ל עֶגְלָת֛/וֹ וּ/פָרָשָׁ֖י/ו לֹֽא־יְדֻקֶּֽ/נּוּ׃

²⁹גַּם־זֹ֕את מֵ/עִ֛ם יְהוָ֥ה צְבָא֖וֹת יָצָ֑אָה הִפְלִ֣יא עֵצָ֔ה הִגְדִּ֖יל תּוּשִׁיָּֽה׃ ס