Read Westminster Leningrad Codex (morphological with vowels and accents) ירמיהו 48 Bible Online

ירמיהו 48 - Westminster Leningrad Codex (morphological with vowels and accents) bible

ירמיהו 48

¹לְ/מוֹאָ֡ב כֹּֽה־אָמַר֩ יְהוָ֨ה צְבָא֜וֹת אֱלֹהֵ֣י יִשְׂרָאֵ֗ל ה֤וֹי אֶל־נְבוֹ֙ כִּ֣י שֻׁדָּ֔דָה הֹבִ֥ישָׁה נִלְכְּדָ֖ה קִרְיָתָ֑יִם הֹבִ֥ישָׁה הַ/מִּשְׂגָּ֖ב וָ/חָֽתָּה׃

²אֵ֣ין עוֹד֮ תְּהִלַּ֣ת מוֹאָב֒ בְּ/חֶשְׁבּ֗וֹן חָשְׁב֤וּ עָלֶ֙י/הָ֙ רָעָ֔ה לְכ֖וּ וְ/נַכְרִיתֶ֣/נָּה מִ/גּ֑וֹי גַּם־מַדְמֵ֣ן תִּדֹּ֔מִּי אַחֲרַ֖יִ/ךְ תֵּ֥לֶךְ חָֽרֶב׃

³ק֥וֹל צְעָקָ֖ה מֵ/חֹֽרוֹנָ֑יִם שֹׁ֖ד וָ/שֶׁ֥בֶר גָּדֽוֹל׃

⁴נִשְׁבְּרָ֖ה מוֹאָ֑ב הִשְׁמִ֥יעוּ זְּעָקָ֖ה [k_צעורי/ה] [q_צְעִירֶֽי/הָ׃]

⁵כִּ֚י מַעֲלֵ֣ה [k_ה/לחות] [q_הַ/לּוּחִ֔ית] בִּ/בְכִ֖י יַֽעֲלֶה־בֶּ֑כִי כִּ֚י בְּ/מוֹרַ֣ד חוֹרֹנַ֔יִם צָרֵ֥י צַֽעֲקַת־שֶׁ֖בֶר שָׁמֵֽעוּ׃

⁶נֻ֖סוּ מַלְּט֣וּ נַפְשְׁ/כֶ֑ם וְ/תִֽהְיֶ֕ינָה כַּ/עֲרוֹעֵ֖ר בַּ/מִּדְבָּֽר׃

⁷כִּ֠י יַ֣עַן בִּטְחֵ֤/ךְ בְּ/מַעֲשַׂ֙יִ/ךְ֙ וּ/בְ/א֣וֹצְרוֹתַ֔יִ/ךְ גַּם־אַ֖תְּ תִּלָּכֵ֑דִי וְ/יָצָ֤א [k_כמיש] [q_כְמוֹשׁ֙] בַּ/גּוֹלָ֔ה כֹּהֲנָ֥י/ו וְ/שָׂרָ֖י/ו [k_יחד] [q_יַחְדָּֽיו׃]

⁸וְ/יָבֹ֨א שֹׁדֵ֜ד אֶל־כָּל־עִ֗יר וְ/עִיר֙ לֹ֣א תִמָּלֵ֔ט וְ/אָבַ֥ד הָ/עֵ֖מֶק וְ/נִשְׁמַ֣ד הַ/מִּישֹׁ֑ר אֲשֶׁ֖ר אָמַ֥ר יְהוָֽה׃

⁹תְּנוּ־צִ֣יץ לְ/מוֹאָ֔ב כִּ֥י נָצֹ֖א תֵּצֵ֑א וְ/עָרֶ֙י/הָ֙ לְ/שַׁמָּ֣ה תִֽהְיֶ֔ינָה מֵ/אֵ֥ין יוֹשֵׁ֖ב בָּ/הֵֽן׃

¹⁰אָר֗וּר עֹשֶׂ֛ה מְלֶ֥אכֶת יְהוָ֖ה רְמִיָּ֑ה וְ/אָר֕וּר מֹנֵ֥עַ חַרְבּ֖/וֹ מִ/דָּֽם׃

¹¹שַׁאֲנַ֨ן מוֹאָ֜ב מִ/נְּעוּרָ֗י/ו וְ/שֹׁקֵ֥ט הוּא֙ אֶל־שְׁמָרָ֔י/ו וְ/לֹֽא־הוּרַ֤ק מִ/כְּלִי֙ אֶל־כֶּ֔לִי וּ/בַ/גּוֹלָ֖ה לֹ֣א הָלָ֑ךְ עַל־כֵּ֗ן עָמַ֤ד טַעְמ/וֹ֙ בּ֔/וֹ וְ/רֵיח֖/וֹ לֹ֥א נָמָֽר׃ ס

¹²לָ/כֵ֞ן הִנֵּ֖ה־יָמִ֤ים בָּאִים֙ נְאֻם־יְהוָ֔ה וְ/שִׁלַּחְתִּי־ל֥/וֹ צֹעִ֖ים וְ/צֵעֻ֑/הוּ וְ/כֵלָ֣י/ו יָרִ֔יקוּ וְ/נִבְלֵי/הֶ֖ם יְנַפֵּֽצוּ׃

¹³וּ/בֹ֥שׁ מוֹאָ֖ב מִ/כְּמ֑וֹשׁ כַּ/אֲשֶׁר־בֹּ֙שׁוּ֙ בֵּ֣ית יִשְׂרָאֵ֔ל מִ/בֵּ֥ית אֵ֖ל מִבְטֶחָֽ/ם׃

¹⁴אֵ֚יךְ תֹּֽאמְר֔וּ גִּבּוֹרִ֖ים אֲנָ֑חְנוּ וְ/אַנְשֵׁי־חַ֖יִל לַ/מִּלְחָמָֽה׃

¹⁵שֻׁדַּ֤ד מוֹאָב֙ וְ/עָרֶ֣י/הָ עָלָ֔ה וּ/מִבְחַ֥ר בַּֽחוּרָ֖י/ו יָרְד֣וּ לַ/טָּ֑בַח נְאֻ֨ם־הַ/מֶּ֔לֶךְ יְהוָ֥ה צְבָא֖וֹת שְׁמֽ/וֹ׃

¹⁶קָר֥וֹב אֵיד־מוֹאָ֖ב לָ/ב֑וֹא וְ/רָ֣עָת֔/וֹ מִהֲרָ֖ה מְאֹֽד׃

¹⁷נֻ֤דוּ ל/וֹ֙ כָּל־סְבִיבָ֔י/ו וְ/כֹ֖ל יֹדְעֵ֣י שְׁמ֑/וֹ אִמְר֗וּ אֵיכָ֤ה נִשְׁבַּר֙ מַטֵּה־עֹ֔ז מַקֵּ֖ל תִּפְאָרָֽה׃

¹⁸רְדִ֤י מִ/כָּבוֹד֙ [k_ישבי] [q_וּ/שְׁבִ֣י] בַ/צָּמָ֔א יֹשֶׁ֖בֶת בַּת־דִּיב֑וֹן כִּֽי־שֹׁדֵ֤ד מוֹאָב֙ עָ֣לָה בָ֔/ךְ שִׁחֵ֖ת מִבְצָרָֽיִ/ךְ׃

¹⁹אֶל־דֶּ֛רֶךְ עִמְדִ֥י וְ/צַפִּ֖י יוֹשֶׁ֣בֶת עֲרוֹעֵ֑ר שַׁאֲלִי־נָ֣ס וְ/נִמְלָ֔טָה אִמְרִ֖י מַה־נִּֽהְיָֽתָה׃

²⁰הֹבִ֥ישׁ מוֹאָ֛ב כִּֽי־חַ֖תָּה [k_הילילי] [q_הֵילִ֣ילוּ ׀ ] [k_ו/זעקי] [q_וּֽ/זְעָ֑קוּ] הַגִּ֣ידוּ בְ/אַרְנ֔וֹן כִּ֥י שֻׁדַּ֖ד מוֹאָֽב׃

²¹וּ/מִשְׁפָּ֥ט בָּ֖א אֶל־אֶ֣רֶץ הַ/מִּישֹׁ֑ר אֶל־חֹל֥וֹן וְ/אֶל־יַ֖הְצָ/ה וְ/עַל־[k_מופעת] [q_מֵיפָֽעַת׃]

²²וְ/עַל־דִּיב֣וֹן וְ/עַל־נְב֔וֹ וְ/עַל־בֵּ֖ית דִּבְלָתָֽיִם׃

²³וְ/עַ֧ל קִרְיָתַ֛יִם וְ/עַל־בֵּ֥ית גָּמ֖וּל וְ/עַל־בֵּ֥ית מְעֽוֹן׃

²⁴וְ/עַל־קְרִיּ֖וֹת וְ/עַל־בָּצְרָ֑ה וְ/עַ֗ל כָּל־עָרֵי֙ אֶ֣רֶץ מוֹאָ֔ב הָ/רְחֹק֖וֹת וְ/הַ/קְּרֹבֽוֹת׃

²⁵נִגְדְּעָה֙ קֶ֣רֶן מוֹאָ֔ב וּ/זְרֹע֖/וֹ נִשְׁבָּ֑רָה נְאֻ֖ם יְהוָֽה׃

²⁶הַשְׁכִּירֻ֕/הוּ כִּ֥י עַל־יְהוָ֖ה הִגְדִּ֑יל וְ/סָפַ֤ק מוֹאָב֙ בְּ/קִיא֔/וֹ וְ/הָיָ֥ה לִ/שְׂחֹ֖ק גַּם־הֽוּא׃

²⁷וְ/אִ֣ם ׀ ל֣וֹא הַ/שְּׂחֹ֗ק הָיָ֤ה לְ/ךָ֙ יִשְׂרָאֵ֔ל אִם־בְּ/גַנָּבִ֖ים [k_נמצאה] [q_נִמְצָ֑א] כִּֽי־מִ/דֵּ֧י דְבָרֶ֥י/ךָ בּ֖/וֹ תִּתְנוֹדָֽד׃

²⁸עִזְב֤וּ עָרִים֙ וְ/שִׁכְנ֣וּ בַּ/סֶּ֔לַע יֹשְׁבֵ֖י מוֹאָ֑ב וִֽ/הְי֣וּ כְ/יוֹנָ֔ה תְּקַנֵּ֖ן בְּ/עֶבְרֵ֥י פִי־פָֽחַת׃

²⁹שָׁמַ֥עְנוּ גְאוֹן־מוֹאָ֖ב גֵּאֶ֣ה מְאֹ֑ד גָּבְה֧/וֹ וּ/גְאוֹנ֛/וֹ וְ/גַאֲוָת֖/וֹ וְ/רֻ֥ם לִבּֽ/וֹ׃

³⁰אֲנִ֤י יָדַ֙עְתִּי֙ נְאֻם־יְהוָ֔ה עֶבְרָת֖/וֹ וְ/לֹא־כֵ֑ן בַּדָּ֖י/ו לֹא־כֵ֥ן עָשֽׂוּ׃

³¹עַל־כֵּן֙ עַל־מוֹאָ֣ב אֲיֵלִ֔יל וּ/לְ/מוֹאָ֥ב כֻּלֹּ֖/ה אֶזְעָ֑ק אֶל־אַנְשֵׁ֥י קִֽיר־חֶ֖רֶשׂ יֶהְגֶּֽה׃

³²מִ/בְּכִ֨י יַעְזֵ֤ר אֶבְכֶּה־לָּ/ךְ֙ הַ/גֶּ֣פֶן שִׂבְמָ֔ה נְטִֽישֹׁתַ֙יִ/ךְ֙ עָ֣בְרוּ יָ֔ם עַ֛ד יָ֥ם יַעְזֵ֖ר נָגָ֑עוּ עַל־קֵיצֵ֥/ךְ וְ/עַל־בְּצִירֵ֖/ךְ שֹׁדֵ֥ד נָפָֽל׃

³³וְ/נֶאֶסְפָ֨ה שִׂמְחָ֥ה וָ/גִ֛יל מִ/כַּרְמֶ֖ל וּ/מֵ/אֶ֣רֶץ מוֹאָ֑ב וְ/יַ֙יִן֙ מִ/יקָבִ֣ים הִשְׁבַּ֔תִּי לֹֽא־יִדְרֹ֣ךְ הֵידָ֔ד הֵידָ֖ד לֹ֥א הֵידָֽד׃

³⁴מִ/זַּעֲקַ֨ת חֶשְׁבּ֜וֹן עַד־אֶלְעָלֵ֗ה עַד־יַ֙הַץ֙ נָתְנ֣וּ קוֹלָ֔/ם מִ/צֹּ֙עַר֙ עַד־חֹ֣רֹנַ֔יִם עֶגְלַ֖ת שְׁלִֽשִׁיָּ֑ה כִּ֚י גַּם־מֵ֣י נִמְרִ֔ים לִ/מְשַׁמּ֖וֹת יִהְיֽוּ׃

³⁵וְ/הִשְׁבַּתִּ֥י לְ/מוֹאָ֖ב נְאֻם־יְהוָ֑ה מַעֲלֶ֣ה בָמָ֔ה וּ/מַקְטִ֖יר לֵ/אלֹהָֽי/ו׃

³⁶עַל־כֵּ֞ן לִבִּ֤/י לְ/מוֹאָב֙ כַּ/חֲלִלִ֣ים יֶהֱמֶ֔ה וְ/לִבִּ/י֙ אֶל־אַנְשֵׁ֣י קִֽיר־חֶ֔רֶשׂ כַּ/חֲלִילִ֖ים יֶהֱמֶ֑ה עַל־כֵּ֛ן יִתְרַ֥ת עָשָׂ֖ה אָבָֽדוּ׃

³⁷כִּ֤י כָל־רֹאשׁ֙ קָרְחָ֔ה וְ/כָל־זָקָ֖ן גְּרֻעָ֑ה עַ֤ל כָּל־יָדַ֙יִם֙ גְּדֻדֹ֔ת וְ/עַל־מָתְנַ֖יִם שָֽׂק׃

³⁸עַ֣ל כָּל־גַּגּ֥וֹת מוֹאָ֛ב וּ/בִ/רְחֹבֹתֶ֖י/הָ כֻּלֹּ֣/ה מִסְפֵּ֑ד כִּֽי־שָׁבַ֣רְתִּי אֶת־מוֹאָ֗ב כִּ/כְלִ֛י אֵֽין־חֵ֥פֶץ בּ֖/וֹ נְאֻם־יְהוָֽה׃

³⁹אֵ֥יךְ חַ֙תָּה֙ הֵילִ֔ילוּ אֵ֛יךְ הִפְנָה־עֹ֥רֶף מוֹאָ֖ב בּ֑וֹשׁ וְ/הָיָ֥ה מוֹאָ֛ב לִ/שְׂחֹ֥ק וְ/לִ/מְחִתָּ֖ה לְ/כָל־סְבִיבָֽי/ו׃ ס

⁴⁰כִּי־כֹה֙ אָמַ֣ר יְהוָ֔ה הִנֵּ֥ה כַ/נֶּ֖שֶׁר יִדְאֶ֑ה וּ/פָרַ֥שׂ כְּנָפָ֖י/ו אֶל־מוֹאָֽב׃

⁴¹נִלְכְּדָה֙ הַ/קְּרִיּ֔וֹת וְ/הַ/מְּצָד֖וֹת נִתְפָּ֑שָׂה וְֽ֠/הָיָה לֵ֞ב גִּבּוֹרֵ֤י מוֹאָב֙ בַּ/יּ֣וֹם הַ/ה֔וּא כְּ/לֵ֖ב אִשָּׁ֥ה מְצֵרָֽה׃

⁴²וְ/נִשְׁמַ֥ד מוֹאָ֖ב מֵ/עָ֑ם כִּ֥י עַל־יְהוָ֖ה הִגְדִּֽיל׃

⁴³פַּ֥חַד וָ/פַ֖חַת וָ/פָ֑ח עָלֶ֛י/ךָ יוֹשֵׁ֥ב מוֹאָ֖ב נְאֻם־יְהוָֽה׃

⁴⁴[k_הניס] [q_הַ/נָּ֞ס] מִ/פְּנֵ֤י הַ/פַּ֙חַד֙ יִפֹּ֣ל אֶל־הַ/פַּ֔חַת וְ/הָֽ/עֹלֶה֙ מִן־הַ/פַּ֔חַת יִלָּכֵ֖ד בַּ/פָּ֑ח כִּֽי־אָבִ֨יא אֵלֶ֧י/הָ אֶל־מוֹאָ֛ב שְׁנַ֥ת פְּקֻדָּתָ֖/ם נְאֻם־יְהוָֽה׃

⁴⁵בְּ/צֵ֥ל חֶשְׁבּ֛וֹן עָמְד֖וּ מִ/כֹּ֣חַ נָסִ֑ים כִּֽי־אֵ֞שׁ יָצָ֣א מֵ/חֶשְׁבּ֗וֹן וְ/לֶֽהָבָה֙ מִ/בֵּ֣ין סִיח֔וֹן וַ/תֹּ֙אכַל֙ פְּאַ֣ת מוֹאָ֔ב וְ/קָדְקֹ֖ד בְּנֵ֥י שָׁאֽוֹן׃

⁴⁶אוֹי־לְ/ךָ֣ מוֹאָ֔ב אָבַ֖ד עַם־כְּמ֑וֹשׁ כִּֽי־לֻקְּח֤וּ בָנֶ֙י/ךָ֙ בַּ/שֶּׁ֔בִי וּ/בְנֹתֶ֖י/ךָ בַּ/שִּׁבְיָֽה׃

⁴⁷וְ/שַׁבְתִּ֧י שְׁבוּת־מוֹאָ֛ב בְּ/אַחֲרִ֥ית הַ/יָּמִ֖ים נְאֻם־יְהוָ֑ה עַד־הֵ֖נָּה מִשְׁפַּ֥ט מוֹאָֽב׃ ס