Read Westminster Leningrad Codex (morphological with vowels and accents) איכה 5 Bible Online

איכה 5 - Westminster Leningrad Codex (morphological with vowels and accents) bible

איכה 5

¹זְכֹ֤ר יְהוָה֙ מֶֽה־הָ֣יָה לָ֔/נוּ [k_הביט] [q_הַבִּ֖יטָ/ה] וּ/רְאֵ֥ה אֶת־חֶרְפָּתֵֽ/נוּ׃

²נַחֲלָתֵ֙/נוּ֙ נֶֽהֶפְכָ֣ה לְ/זָרִ֔ים בָּתֵּ֖י/נוּ לְ/נָכְרִֽים׃

³יְתוֹמִ֤ים הָיִ֙ינוּ֙ [k_אין] [q_וְ/אֵ֣ין] אָ֔ב אִמֹּתֵ֖י/נוּ כְּ/אַלְמָנֽוֹת׃

⁴מֵימֵ֙י/נוּ֙ בְּ/כֶ֣סֶף שָׁתִ֔ינוּ עֵצֵ֖י/נוּ בִּ/מְחִ֥יר יָבֹֽאוּ׃

⁵עַ֤ל צַוָּארֵ֙/נוּ֙ נִרְדָּ֔פְנוּ יָגַ֖עְנוּ [k_לא] [q_וְ/לֹ֥א] הֽוּנַ֖ח לָֽ/נוּ׃

⁶מִצְרַ֙יִם֙ נָתַ֣נּוּ יָ֔ד אַשּׁ֖וּר לִ/שְׂבֹּ֥עַֽ לָֽחֶם׃

⁷אֲבֹתֵ֤י/נוּ חָֽטְאוּ֙ [k_אינ/ם] [q_וְ/אֵינָ֔/ם] [k_אנחנו] [q_וַ/אֲנַ֖חְנוּ] עֲוֺנֹתֵי/הֶ֥ם סָבָֽלְנוּ׃

⁸עֲבָדִים֙ מָ֣שְׁלוּ בָ֔/נוּ פֹּרֵ֖ק אֵ֥ין מִ/יָּדָֽ/ם׃

⁹בְּ/נַפְשֵׁ֙/נוּ֙ נָבִ֣יא לַחְמֵ֔/נוּ מִ/פְּנֵ֖י חֶ֥רֶב הַ/מִּדְבָּֽר׃

¹⁰עוֹרֵ֙/נוּ֙ כְּ/תַנּ֣וּר נִכְמָ֔רוּ מִ/פְּנֵ֖י זַלְעֲפ֥וֹת רָעָֽב׃

¹¹נָשִׁים֙ בְּ/צִיּ֣וֹן עִנּ֔וּ בְּתֻלֹ֖ת בְּ/עָרֵ֥י יְהוּדָֽה׃

¹²שָׂרִים֙ בְּ/יָדָ֣/ם נִתְל֔וּ פְּנֵ֥י זְקֵנִ֖ים לֹ֥א נֶהְדָּֽרוּ׃

¹³בַּחוּרִים֙ טְח֣וֹן נָשָׂ֔אוּ וּ/נְעָרִ֖ים בָּ/עֵ֥ץ כָּשָֽׁלוּ׃

¹⁴זְקֵנִים֙ מִ/שַּׁ֣עַר שָׁבָ֔תוּ בַּחוּרִ֖ים מִ/נְּגִינָתָֽ/ם׃

¹⁵שָׁבַת֙ מְשׂ֣וֹשׂ לִבֵּ֔/נוּ נֶהְפַּ֥ךְ לְ/אֵ֖בֶל מְחֹלֵֽ/נוּ׃

¹⁶נָֽפְלָה֙ עֲטֶ֣רֶת רֹאשֵׁ֔/נוּ אֽוֹי־נָ֥א לָ֖/נוּ כִּ֥י חָטָֽאנוּ׃

¹⁷עַל־זֶ֗ה הָיָ֤ה דָוֶה֙ לִבֵּ֔/נוּ עַל־אֵ֖לֶּה חָשְׁכ֥וּ עֵינֵֽי/נוּ׃

¹⁸עַ֤ל הַר־צִיּוֹן֙ שֶׁ/שָּׁמֵ֔ם שׁוּעָלִ֖ים הִלְּכוּ־בֽ/וֹ׃ פ

¹⁹אַתָּ֤ה יְהוָה֙ לְ/עוֹלָ֣ם תֵּשֵׁ֔ב כִּסְאֲ/ךָ֖ לְ/דֹ֥ר וָ/דֽוֹר׃

²⁰לָ֤/מָּה לָ/נֶ֙צַח֙ תִּשְׁכָּחֵ֔/נוּ תַּֽעַזְבֵ֖/נוּ לְ/אֹ֥רֶךְ יָמִֽים׃

²¹הֲשִׁיבֵ֨/נוּ יְהוָ֤ה ׀ אֵלֶ֙י/ךָ֙ [k_ו/נשוב] [q_וְֽ/נָשׁ֔וּבָה] חַדֵּ֥שׁ יָמֵ֖י/נוּ כְּ/קֶֽדֶם׃

²²כִּ֚י אִם־מָאֹ֣ס מְאַסְתָּ֔/נוּ קָצַ֥פְתָּ עָלֵ֖י/נוּ עַד־מְאֹֽד׃