Read Westminster Leningrad Codex (morphological with vowels and accents) יחזקאל 14 Bible Online

יחזקאל 14 - Westminster Leningrad Codex (morphological with vowels and accents) bible

יחזקאל 14

¹וַ/יָּב֤וֹא אֵלַ/י֙ אֲנָשִׁ֔ים מִ/זִּקְנֵ֖י יִשְׂרָאֵ֑ל וַ/יֵּשְׁב֖וּ לְ/פָנָֽ/י׃ פ

²וַ/יְהִ֥י דְבַר־יְהוָ֖ה אֵלַ֥/י לֵ/אמֹֽר׃

³בֶּן־אָדָ֗ם הָ/אֲנָשִׁ֤ים הָ/אֵ֙לֶּה֙ הֶעֱל֤וּ גִלּֽוּלֵי/הֶם֙ עַל־לִבָּ֔/ם וּ/מִכְשׁ֣וֹל עֲוֺנָ֔/ם נָתְנ֖וּ נֹ֣כַח פְּנֵי/הֶ֑ם הַ/אִדָּרֹ֥שׁ אִדָּרֵ֖שׁ לָ/הֶֽם׃ ס

⁴לָ/כֵ֣ן דַּבֵּר־א֠וֹתָ/ם וְ/אָמַרְתָּ֨ אֲלֵי/הֶ֜ם כֹּה־אָמַ֣ר ׀ אֲדֹנָ֣/י יְהוִ֗ה אִ֣ישׁ אִ֣ישׁ מִ/בֵּ֣ית יִשְׂרָאֵ֡ל אֲשֶׁר֩ יַעֲלֶ֨ה אֶת־גִּלּוּלָ֜י/ו אֶל־לִבּ֗/וֹ וּ/מִכְשׁ֤וֹל עֲוֺנ/וֹ֙ יָשִׂים֙ נֹ֣כַח פָּנָ֔י/ו וּ/בָ֖א אֶל־הַ/נָּבִ֑יא אֲנִ֣י יְהוָ֗ה נַעֲנֵ֧יתִי ל֦/וֹ [k_ב/ה] [q_בָ֖א] בְּ/רֹ֥ב גִּלּוּלָֽי/ו׃

⁵לְמַ֛עַן תְּפֹ֥שׂ אֶת־בֵּֽית־יִשְׂרָאֵ֖ל בְּ/לִבָּ֑/ם אֲשֶׁ֤ר נָזֹ֙רוּ֙ מֵֽ/עָלַ֔/י בְּ/גִלּֽוּלֵי/הֶ֖ם כֻּלָּֽ/ם׃ ס

⁶לָ/כֵ֞ן אֱמֹ֣ר ׀ אֶל־בֵּ֣ית יִשְׂרָאֵ֗ל כֹּ֤ה אָמַר֙ אֲדֹנָ֣/י יְהוִ֔ה שׁ֣וּבוּ וְ/הָשִׁ֔יבוּ מֵ/עַ֖ל גִּלּֽוּלֵי/כֶ֑ם וּ/מֵ/עַ֥ל כָּל־תּוֹעֲבֹתֵי/כֶ֖ם הָשִׁ֥יבוּ פְנֵי/כֶֽם׃

⁷כִּי֩ אִ֨ישׁ אִ֜ישׁ מִ/בֵּ֣ית יִשְׂרָאֵ֗ל וּ/מֵ/הַ/גֵּר֮ אֲשֶׁר־יָג֣וּר בְּ/יִשְׂרָאֵל֒ וְ/יִנָּזֵ֣ר מֵֽ/אַחֲרַ֗/י וְ/יַ֤עַל גִּלּוּלָי/ו֙ אֶל־לִבּ֔/וֹ וּ/מִכְשׁ֣וֹל עֲוֺנ֔/וֹ יָשִׂ֖ים נֹ֣כַח פָּנָ֑י/ו וּ/בָ֤א אֶל־הַ/נָּבִיא֙ לִ/דְרָשׁ־ל֣/וֹ בִ֔/י אֲנִ֣י יְהוָ֔ה נַֽעֲנֶה־לּ֖/וֹ בִּֽ/י׃

⁸וְ/נָתַתִּ֨י פָנַ֜/י בָּ/אִ֣ישׁ הַ/ה֗וּא וַ/הֲשִֽׂמֹתִ֙י/הוּ֙ לְ/א֣וֹת וְ/לִ/מְשָׁלִ֔ים וְ/הִכְרַתִּ֖י/ו מִ/תּ֣וֹךְ עַמִּ֑/י וִֽ/ידַעְתֶּ֖ם כִּֽי־אֲנִ֥י יְהוָֽה׃ ס

⁹וְ/הַ/נָּבִ֤יא כִֽי־יְפֻתֶּה֙ וְ/דִבֶּ֣ר דָּבָ֔ר אֲנִ֤י יְהוָה֙ פִּתֵּ֔יתִי אֵ֖ת הַ/נָּבִ֣יא הַ/ה֑וּא וְ/נָטִ֤יתִי אֶת־יָדִ/י֙ עָלָ֔י/ו וְ/הִ֨שְׁמַדְתִּ֔י/ו מִ/תּ֖וֹךְ עַמִּ֥/י יִשְׂרָאֵֽל׃

¹⁰וְ/נָשְׂא֖וּ עֲוֺנָ֑/ם כַּֽ/עֲוֺן֙ הַ/דֹּרֵ֔שׁ כַּ/עֲוֺ֥ן הַ/נָּבִ֖יא יִֽהְיֶֽה׃

¹¹לְ֠מַעַן לֹֽא־יִתְע֨וּ ע֤וֹד בֵּֽית־יִשְׂרָאֵל֙ מֵ/אַֽחֲרַ֔/י וְ/לֹֽא־יִטַּמְּא֥וּ ע֖וֹד בְּ/כָל־פִּשְׁעֵי/הֶ֑ם וְ/הָ֥יוּ לִ֣/י לְ/עָ֗ם וַֽ/אֲנִי֙ אֶהְיֶ֤ה לָ/הֶם֙ לֵֽ/אלֹהִ֔ים נְאֻ֖ם אֲדֹנָ֥/י יְהוִֽה׃ פ

¹²וַ/יְהִ֥י דְבַר־יְהוָ֖ה אֵלַ֥/י לֵ/אמֹֽר׃

¹³בֶּן־אָדָ֗ם אֶ֚רֶץ כִּ֤י תֶחֱטָא־לִ/י֙ לִ/מְעָל־מַ֔עַל וְ/נָטִ֤יתִי יָדִ/י֙ עָלֶ֔י/הָ וְ/שָׁבַ֥רְתִּי לָ֖/הּ מַטֵּה־לָ֑חֶם וְ/הִשְׁלַחְתִּי־בָ֣/הּ רָעָ֔ב וְ/הִכְרַתִּ֥י מִמֶּ֖/נָּה אָדָ֥ם וּ/בְהֵמָֽה׃

¹⁴וְ֠/הָיוּ שְׁלֹ֨שֶׁת הָ/אֲנָשִׁ֤ים הָ/אֵ֙לֶּה֙ בְּ/תוֹכָ֔/הּ נֹ֖חַ [k_דנאל] [q_דָּנִיֵּ֣אל] וְ/אִיּ֑וֹב הֵ֤מָּה בְ/צִדְקָתָ/ם֙ יְנַצְּל֣וּ נַפְשָׁ֔/ם נְאֻ֖ם אֲדֹנָ֥/י יְהוִֽה׃

¹⁵לֽוּ־חַיָּ֥ה רָעָ֛ה אַעֲבִ֥יר בָּ/אָ֖רֶץ וְ/שִׁכְּלָ֑תָּ/ה וְ/הָיְתָ֤ה שְׁמָמָה֙ מִ/בְּלִ֣י עוֹבֵ֔ר מִ/פְּנֵ֖י הַ/חַיָּֽה׃

¹⁶שְׁלֹ֨שֶׁת הָ/אֲנָשִׁ֣ים הָ/אֵלֶּה֮ בְּ/תוֹכָ/הּ֒ חַי־אָ֗נִי נְאֻם֙ אֲדֹנָ֣/י יְהוִ֔ה אִם־בָּנִ֥ים וְ/אִם־בָּנ֖וֹת יַצִּ֑ילוּ הֵ֤מָּה לְ/בַדָּ/ם֙ יִנָּצֵ֔לוּ וְ/הָ/אָ֖רֶץ תִּהְיֶ֥ה שְׁמָמָֽה׃

¹⁷א֛וֹ חֶ֥רֶב אָבִ֖יא עַל־הָ/אָ֣רֶץ הַ/הִ֑יא וְ/אָמַרְתִּ֗י חֶ֚רֶב תַּעֲבֹ֣ר בָּ/אָ֔רֶץ וְ/הִכְרַתִּ֥י מִמֶּ֖/נָּה אָדָ֥ם וּ/בְהֵמָֽה׃

¹⁸וּ/שְׁלֹ֨שֶׁת הָ/אֲנָשִׁ֣ים הָ/אֵלֶּה֮ בְּ/תוֹכָ/הּ֒ חַי־אָ֗נִי נְאֻם֙ אֲדֹנָ֣/י יְהוִ֔ה לֹ֥א יַצִּ֖ילוּ בָּנִ֣ים וּ/בָנ֑וֹת כִּ֛י הֵ֥ם לְ/בַדָּ֖/ם יִנָּצֵֽלוּ׃

¹⁹א֛וֹ דֶּ֥בֶר אֲשַׁלַּ֖ח אֶל־הָ/אָ֣רֶץ הַ/הִ֑יא וְ/שָׁפַכְתִּ֨י חֲמָתִ֤/י עָלֶ֙י/הָ֙ בְּ/דָ֔ם לְ/הַכְרִ֥ית מִמֶּ֖/נָּה אָדָ֥ם וּ/בְהֵמָֽה׃

²⁰וְ/נֹ֨חַ [k_דנאל] [q_דָּנִיֵּ֣אל] וְ/אִיּוֹב֮ בְּ/תוֹכָ/הּ֒ חַי־אָ֗נִי נְאֻם֙ אֲדֹנָ֣/י יְהוִ֔ה אִם־בֵּ֥ן אִם־בַּ֖ת יַצִּ֑ילוּ הֵ֥מָּה בְ/צִדְקָתָ֖/ם יַצִּ֥ילוּ נַפְשָֽׁ/ם׃ פ

²¹כִּי֩ כֹ֨ה אָמַ֜ר אֲדֹנָ֣/י יְהֹוִ֗ה אַ֣ף כִּֽי־אַרְבַּ֣עַת שְׁפָטַ֣/י ׀ הָ/רָעִ֡ים חֶ֠רֶב וְ/רָעָ֞ב וְ/חַיָּ֤ה רָעָה֙ וָ/דֶ֔בֶר שִׁלַּ֖חְתִּי אֶל־יְרוּשָׁלִָ֑ם לְ/הַכְרִ֥ית מִמֶּ֖/נָּה אָדָ֥ם וּ/בְהֵמָֽה׃

²²וְ/הִנֵּ֨ה נֽוֹתְרָה־בָּ֜/הּ פְּלֵטָ֗ה הַֽ/מּוּצָאִים֮ בָּנִ֣ים וּ/בָנוֹת֒ הִנָּ/ם֙ יוֹצְאִ֣ים אֲלֵי/כֶ֔ם וּ/רְאִיתֶ֥ם אֶת־דַּרְכָּ֖/ם וְ/אֶת־עֲלִֽילוֹתָ֑/ם וְ/נִחַמְתֶּ֗ם עַל־הָֽ/רָעָה֙ אֲשֶׁ֤ר הֵבֵ֙אתִי֙ עַל־יְר֣וּשָׁלִַ֔ם אֵ֛ת כָּל־אֲשֶׁ֥ר הֵבֵ֖אתִי עָלֶֽי/הָ׃

²³וְ/נִחֲמ֣וּ אֶתְ/כֶ֔ם כִּֽי־תִרְא֥וּ אֶת־דַּרְכָּ֖/ם וְ/אֶת־עֲלִֽילוֹתָ֑/ם וִֽ/ידַעְתֶּ֗ם כִּי֩ לֹ֨א חִנָּ֤ם עָשִׂ֙יתִי֙ אֵ֣ת כָּל־אֲשֶׁר־עָשִׂ֣יתִי בָ֔/הּ נְאֻ֖ם אֲדֹנָ֥/י יְהֹוִֽה׃ פ