Read Westminster Leningrad Codex (morphological with vowels and accents) יחזקאל 47 Bible Online

יחזקאל 47 - Westminster Leningrad Codex (morphological with vowels and accents) bible

יחזקאל 47

¹וַ/יְשִׁבֵ/נִי֮ אֶל־פֶּ֣תַח הַ/בַּיִת֒ וְ/הִנֵּה־מַ֣יִם יֹצְאִ֗ים מִ/תַּ֨חַת מִפְתַּ֤ן הַ/בַּ֙יִת֙ קָדִ֔ימָ/ה כִּֽי־פְנֵ֥י הַ/בַּ֖יִת קָדִ֑ים וְ/הַ/מַּ֣יִם יֹרְדִ֗ים מִ/תַּ֜חַת מִ/כֶּ֤תֶף הַ/בַּ֙יִת֙ הַ/יְמָנִ֔ית מִ/נֶּ֖גֶב לַ/מִּזְבֵּֽחַ׃

²וַ/יּוֹצִאֵ/נִי֮ דֶּֽרֶךְ־שַׁ֣עַר צָפוֹנָ/ה֒ וַ/יְסִבֵּ֙/נִי֙ דֶּ֣רֶךְ ח֔וּץ אֶל־שַׁ֣עַר הַ/ח֔וּץ דֶּ֖רֶךְ הַ/פּוֹנֶ֣ה קָדִ֑ים וְ/הִנֵּה־מַ֣יִם מְפַכִּ֔ים מִן־הַ/כָּתֵ֖ף הַ/יְמָנִֽית׃

³בְּ/צֵאת־הָ/אִ֥ישׁ קָדִ֖ים וְ/קָ֣ו בְּ/יָד֑/וֹ וַ/יָּ֤מָד אֶ֙לֶף֙ בָּֽ/אַמָּ֔ה וַ/יַּעֲבִרֵ֥/נִי בַ/מַּ֖יִם מֵ֥י אָפְסָֽיִם׃

⁴וַ/יָּ֣מָד אֶ֔לֶף וַ/יַּעֲבִרֵ֥/נִי בַ/מַּ֖יִם מַ֣יִם בִּרְכָּ֑יִם וַ/יָּ֣מָד אֶ֔לֶף וַ/יַּעֲבִרֵ֖/נִי מֵ֥י מָתְנָֽיִם׃

⁵וַ/יָּ֣מָד אֶ֔לֶף נַ֕חַל אֲשֶׁ֥ר לֹֽא־אוּכַ֖ל לַ/עֲבֹ֑ר כִּֽי־גָא֤וּ הַ/מַּ֙יִם֙ מֵ֣י שָׂ֔חוּ נַ֖חַל אֲשֶׁ֥ר לֹֽא־יֵעָבֵֽר׃

⁶וַ/יֹּ֥אמֶר אֵלַ֖/י הֲ/רָאִ֣יתָ בֶן־אָדָ֑ם וַ/יּוֹלִכֵ֥/נִי וַ/יְשִׁבֵ֖/נִי שְׂפַ֥ת הַ/נָּֽחַל׃

⁷בְּ/שׁוּבֵ֕/נִי וְ/הִנֵּה֙ אֶל־שְׂפַ֣ת הַ/נַּ֔חַל עֵ֖ץ רַ֣ב מְאֹ֑ד מִ/זֶּ֖ה וּ/מִ/זֶּֽה׃

⁸וַ/יֹּ֣אמֶר אֵלַ֗/י הַ/מַּ֤יִם הָ/אֵ֙לֶּה֙ יוֹצְאִ֗ים אֶל־הַ/גְּלִילָה֙ הַ/קַּדְמוֹנָ֔ה וְ/יָרְד֖וּ עַל־הָֽ/עֲרָבָ֑ה וּ/בָ֣אוּ הַ/יָּ֔מָּ/ה אֶל־הַ/יָּ֥מָּ/ה הַ/מּֽוּצָאִ֖ים [k_ו/נרפאו] [q_וְ/נִרְפּ֥וּ] הַ/מָּֽיִם׃

⁹וְ/הָיָ֣ה כָל־נֶ֣פֶשׁ חַיָּ֣ה ׀ אֲ‍ֽשֶׁר־יִשְׁרֹ֡ץ אֶ֣ל כָּל־אֲשֶׁר֩ יָב֨וֹא שָׁ֤ם נַחֲלַ֙יִם֙ יִֽחְיֶ֔ה וְ/הָיָ֥ה הַ/דָּגָ֖ה רַבָּ֣ה מְאֹ֑ד כִּי֩ בָ֨אוּ שָׁ֜מָּ/ה הַ/מַּ֣יִם הָ/אֵ֗לֶּה וְ/יֵרָֽפְאוּ֙ וָ/חָ֔י כֹּ֛ל אֲשֶׁר־יָ֥בוֹא שָׁ֖מָּ/ה הַ/נָּֽחַל׃

¹⁰וְ/הָיָה֩ [k_יעמדו] [q_עָמְד֨וּ] עָלָ֜י/ו דַּוָּגִ֗ים מֵ/עֵ֥ין גֶּ֙דִי֙ וְ/עַד־עֵ֣ין עֶגְלַ֔יִם מִשְׁט֥וֹחַ לַֽ/חֲרָמִ֖ים יִהְי֑וּ לְ/מִינָ/ה֙ תִּהְיֶ֣ה דְגָתָ֔/ם כִּ/דְגַ֛ת הַ/יָּ֥ם הַ/גָּד֖וֹל רַבָּ֥ה מְאֹֽד׃

¹¹[k_בצאת/ו] [q_בִּצֹּאתָ֧י/ו] וּ/גְבָאָ֛י/ו וְ/לֹ֥א יֵרָפְא֖וּ לְ/מֶ֥לַח נִתָּֽנוּ׃

¹²וְ/עַל־הַ/נַּ֣חַל יַעֲלֶ֣ה עַל־שְׂפָת֣/וֹ מִ/זֶּ֣ה ׀ וּ/מִ/זֶּ֣ה ׀ כָּל־עֵֽץ־מַ֠אֲכָל לֹא־יִבּ֨וֹל עָלֵ֜/הוּ וְ/לֹֽא־יִתֹּ֣ם פִּרְי֗/וֹ לָֽ/חֳדָשָׁי/ו֙ יְבַכֵּ֔ר כִּ֣י מֵימָ֔י/ו מִן־הַ/מִּקְדָּ֖שׁ הֵ֣מָּה יֽוֹצְאִ֑ים [k_ו/היו] [q_וְ/הָיָ֤ה] פִרְי/וֹ֙ לְ/מַֽאֲכָ֔ל וְ/עָלֵ֖/הוּ לִ/תְרוּפָֽה׃ ס

¹³כֹּ֤ה אָמַר֙ אֲדֹנָ֣/י יְהוִ֔ה גֵּ֤ה גְבוּל֙ אֲשֶׁ֣ר תִּתְנַחֲל֣וּ אֶת־הָ/אָ֔רֶץ לִ/שְׁנֵ֥י עָשָׂ֖ר שִׁבְטֵ֣י יִשְׂרָאֵ֑ל יוֹסֵ֖ף חֲבָלִֽים׃

¹⁴וּ/נְחַלְתֶּ֤ם אוֹתָ/הּ֙ אִ֣ישׁ כְּ/אָחִ֔י/ו אֲשֶׁ֤ר נָשָׂ֙אתִי֙ אֶת־יָדִ֔/י לְ/תִתָּ֖/הּ לַ/אֲבֹֽתֵי/כֶ֑ם וְ/נָ֨פְלָ֜ה הָ/אָ֧רֶץ הַ/זֹּ֛את לָ/כֶ֖ם בְּ/נַחֲלָֽה׃

¹⁵וְ/זֶ֖ה גְּב֣וּל הָ/אָ֑רֶץ לִ/פְאַ֨ת צָפ֜וֹנָ/ה מִן־הַ/יָּ֧ם הַ/גָּד֛וֹל הַ/דֶּ֥רֶךְ חֶתְלֹ֖ן לְב֥וֹא צְדָֽדָ/ה׃

¹⁶חֲמָ֤ת ׀ בֵּר֙וֹתָה֙ סִבְרַ֔יִם אֲשֶׁר֙ בֵּין־גְּב֣וּל דַּמֶּ֔שֶׂק וּ/בֵ֖ין גְּב֣וּל חֲמָ֑ת חָצֵר֙ הַתִּיכ֔וֹן אֲשֶׁ֖ר אֶל־גְּב֥וּל חַוְרָֽן׃

¹⁷וְ/הָיָ֨ה גְב֜וּל מִן־הַ/יָּ֗ם חֲצַ֤ר עֵינוֹן֙ גְּב֣וּל דַּמֶּ֔שֶׂק וְ/צָפ֥וֹן ׀ צָפ֖וֹנָ/ה וּ/גְב֣וּל חֲמָ֑ת וְ/אֵ֖ת פְּאַ֥ת צָפֽוֹן׃

¹⁸וּ/פְאַ֣ת קָדִ֡ים מִ/בֵּ֣ין חַוְרָ֣ן וּ/מִ/בֵּין־דַּמֶּשֶׂק֩ וּ/מִ/בֵּ֨ין הַ/גִּלְעָ֜ד וּ/מִ/בֵּ֨ין אֶ֤רֶץ יִשְׂרָאֵל֙ הַ/יַּרְדֵּ֔ן מִ/גְּב֛וּל עַל־הַ/יָּ֥ם הַ/קַּדְמוֹנִ֖י תָּמֹ֑דּוּ וְ/אֵ֖ת פְּאַ֥ת קָדִֽימָ/ה׃

¹⁹וּ/פְאַת֙ נֶ֣גֶב תֵּימָ֔נָ/ה מִ/תָּמָ֗ר עַד־מֵי֙ מְרִיב֣וֹת קָדֵ֔שׁ נַחֲלָ֖ה אֶל־הַ/יָּ֣ם הַ/גָּד֑וֹל וְ/אֵ֥ת פְּאַת־תֵּימָ֖נָ/ה נֶֽגְבָּ/ה׃

²⁰וּ/פְאַת־יָם֙ הַ/יָּ֣ם הַ/גָּד֔וֹל מִ/גְּב֕וּל עַד־נֹ֖כַח לְב֣וֹא חֲמָ֑ת זֹ֖את פְּאַת־יָֽם׃

²¹וְ/חִלַּקְתֶּ֞ם אֶת־הָ/אָ֧רֶץ הַ/זֹּ֛את לָ/כֶ֖ם לְ/שִׁבְטֵ֥י יִשְׂרָאֵֽל׃

²²וְ/הָיָ֗ה תַּפִּ֣לוּ אוֹתָ/הּ֮ בְּ/נַחֲלָה֒ לָ/כֶ֗ם וּ/לְ/הַ/גֵּרִים֙ הַ/גָּרִ֣ים בְּ/תוֹכְ/כֶ֔ם אֲשֶׁר־הוֹלִ֥דוּ בָנִ֖ים בְּ/תֽוֹכְ/כֶ֑ם וְ/הָי֣וּ לָ/כֶ֗ם כְּ/אֶזְרָח֙ בִּ/בְנֵ֣י יִשְׂרָאֵ֔ל אִתְּ/כֶם֙ יִפְּל֣וּ בְ/נַחֲלָ֔ה בְּ/ת֖וֹךְ שִׁבְטֵ֥י יִשְׂרָאֵֽל׃

²³וְ/הָיָ֣ה בַ/שֵּׁ֔בֶט אֲשֶׁר־גָּ֥ר הַ/גֵּ֖ר אִתּ֑/וֹ שָׁ֚ם תִּתְּנ֣וּ נַחֲלָת֔/וֹ נְאֻ֖ם אֲדֹנָ֥/י יְהוִֽה׃ ס