Read Westminster Leningrad Codex (morphological with vowels and accents) דניאל 2 Bible Online

דניאל 2 - Westminster Leningrad Codex (morphological with vowels and accents) bible

דניאל 2

¹וּ/בִ/שְׁנַ֣ת שְׁתַּ֗יִם לְ/מַלְכוּת֙ נְבֻֽכַדְנֶצַּ֔ר חָלַ֥ם נְבֻֽכַדְנֶצַּ֖ר חֲלֹמ֑וֹת וַ/תִּתְפָּ֣עֶם רוּח֔/וֹ וּ/שְׁנָת֖/וֹ נִהְיְתָ֥ה עָלָֽי/ו׃

²וַ/יֹּ֣אמֶר הַ֠/מֶּלֶךְ לִ/קְרֹ֨א לַֽ/חַרְטֻמִּ֜ים וְ/לָֽ/אַשָּׁפִ֗ים וְ/לַֽ/מְכַשְּׁפִים֙ וְ/לַ/כַּשְׂדִּ֔ים לְ/הַגִּ֥יד לַ/מֶּ֖לֶךְ חֲלֹמֹתָ֑י/ו וַ/יָּבֹ֕אוּ וַ/יַּֽעַמְד֖וּ לִ/פְנֵ֥י הַ/מֶּֽלֶךְ׃

³וַ/יֹּ֧אמֶר לָ/הֶ֛ם הַ/מֶּ֖לֶךְ חֲל֣וֹם חָלָ֑מְתִּי וַ/תִּפָּ֣עֶם רוּחִ֔/י לָ/דַ֖עַת אֶֽת־הַ/חֲלֽוֹם׃

⁴וַֽ/יְדַבְּר֧וּ הַ/כַּשְׂדִּ֛ים לַ/מֶּ֖לֶךְ אֲרָמִ֑ית מַלְכָּ/א֙ לְ/עָלְמִ֣ין חֱיִ֔י אֱמַ֥ר חֶלְמָ֛/א [k_ל/עבדי/ך] [q_לְ/עַבְדָ֖/ךְ] וּ/פִשְׁרָ֥/א נְחַוֵּֽא׃

⁵עָנֵ֤ה מַלְכָּ/א֙ וְ/אָמַ֣ר [k_ל/כשדי/א] [q_לְ/כַשְׂדָּאֵ֔/י] מִלְּתָ֖/א מִנִּ֣/י אַזְדָּ֑א הֵ֣ן לָ֤א תְהֽוֹדְעוּנַּ֙/נִי֙ חֶלְמָ֣/א וּ/פִשְׁרֵ֔/הּ הַדָּמִין֙ תִּתְעַבְד֔וּן וּ/בָתֵּי/כ֖וֹן נְוָלִ֥י יִתְּשָׂמֽוּן׃

⁶וְ/הֵ֨ן חֶלְמָ֤/א וּ/פִשְׁרֵ/הּ֙ תְּֽהַחֲוֺ֔ן מַתְּנָ֤ן וּ/נְבִזְבָּה֙ וִ/יקָ֣ר שַׂגִּ֔יא תְּקַבְּל֖וּן מִן־קֳדָמָ֑/י לָהֵ֕ן חֶלְמָ֥/א וּ/פִשְׁרֵ֖/הּ הַחֲוֺֽ/נִי׃

⁷עֲנ֥וֹ תִנְיָנ֖וּת וְ/אָמְרִ֑ין מַלְכָּ֕/א חֶלְמָ֛/א יֵאמַ֥ר לְ/עַבְד֖וֹ/הִי וּ/פִשְׁרָ֥/ה נְהַחֲוֵֽה׃

⁸עָנֵ֤ה מַלְכָּ/א֙ וְ/אָמַ֔ר מִן־יַצִּיב֙ יָדַ֣ע אֲנָ֔ה דִּ֥י עִדָּנָ֖/א אַנְתּ֣וּן זָבְנִ֑ין כָּ/ל־קֳבֵל֙ דִּ֣י חֲזֵית֔וֹן דִּ֥י אַזְדָּ֖א מִנִּ֥/י מִלְּתָֽ/א׃

⁹דִּ֣י הֵן־חֶלְמָ/א֩ לָ֨א תְהֽוֹדְעֻנַּ֜/נִי חֲדָה־הִ֣יא דָֽתְ/כ֗וֹן וּ/מִלָּ֨ה כִדְבָ֤ה וּ/שְׁחִיתָה֙ [k_הזמנתון] [q_הִזְדְּמִנְתּוּן֙] לְ/מֵאמַ֣ר קָֽדָמַ֔/י עַ֛ד דִּ֥י עִדָּנָ֖/א יִשְׁתַּנֵּ֑א לָהֵ֗ן חֶלְמָ/א֙ אֱמַ֣רוּ לִ֔/י וְֽ/אִנְדַּ֕ע דִּ֥י פִשְׁרֵ֖/הּ תְּהַחֲוֻנַּֽ/נִי׃

¹⁰עֲנ֨וֹ [k_כשדי/א] [q_כַשְׂדָּאֵ֤/י] קֳדָם־מַלְכָּ/א֙ וְ/אָ֣מְרִ֔ין לָֽא־אִיתַ֤י אֲנָשׁ֙ עַל־יַבֶּשְׁתָּ֔/א דִּ֚י מִלַּ֣ת מַלְכָּ֔/א יוּכַ֖ל לְ/הַחֲוָיָ֑ה כָּ/ל־קֳבֵ֗ל דִּ֚י כָּל־מֶ֙לֶךְ֙ רַ֣ב וְ/שַׁלִּ֔יט מִלָּ֤ה כִ/דְנָה֙ לָ֣א שְׁאֵ֔ל לְ/כָל־חַרְטֹּ֖ם וְ/אָשַׁ֥ף וְ/כַשְׂדָּֽי׃

¹¹וּ/מִלְּתָ֨/א דִֽי־מַלְכָּ֤/ה שָׁאֵל֙ יַקִּירָ֔ה וְ/אָחֳרָן֙ לָ֣א אִיתַ֔י דִּ֥י יְחַוִּנַּ֖/הּ קֳדָ֣ם מַלְכָּ֑/א לָהֵ֣ן אֱלָהִ֔ין דִּ֚י מְדָ֣רְ/ה֔וֹן עִם־בִּשְׂרָ֖/א לָ֥א אִיתֽוֹ/הִי׃

¹²כָּ/ל־קֳבֵ֣ל דְּנָ֔ה מַלְכָּ֕/א בְּנַ֖ס וּ/קְצַ֣ף שַׂגִּ֑יא וַ/אֲמַר֙ לְ/ה֣וֹבָדָ֔ה לְ/כֹ֖ל חַכִּימֵ֥י בָבֶֽל׃

¹³וְ/דָתָ֣/א נֶפְקַ֔ת וְ/חַכִּֽימַיָּ֖/א מִֽתְקַטְּלִ֑ין וּ/בְע֛וֹ דָּנִיֵּ֥אל וְ/חַבְר֖וֹ/הִי לְ/הִתְקְטָלָֽה׃ פ

¹⁴בֵּ/אדַ֣יִן דָּנִיֵּ֗אל הֲתִיב֙ עֵטָ֣א וּ/טְעֵ֔ם לְ/אַרְי֕וֹךְ רַב־טַבָּחַיָּ֖/א דִּ֣י מַלְכָּ֑/א דִּ֚י נְפַ֣ק לְ/קַטָּלָ֔ה לְ/חַכִּימֵ֖י בָּבֶֽל׃

¹⁵עָנֵ֣ה וְ/אָמַ֗ר לְ/אַרְיוֹךְ֙ שַׁלִּיטָ֣/א דִֽי־מַלְכָּ֔/א עַל־מָ֥ה דָתָ֛/א מְהַחְצְפָ֖ה מִן־קֳדָ֣ם מַלְכָּ֑/א אֱדַ֣יִן מִלְּתָ֔/א הוֹדַ֥ע אַרְי֖וֹךְ לְ/דָנִיֵּֽאל׃

¹⁶וְ/דָ֣נִיֵּ֔אל עַ֖ל וּ/בְעָ֣ה מִן־מַלְכָּ֑/א דִּ֚י זְמָ֣ן יִנְתֵּן־לֵ֔/הּ וּ/פִשְׁרָ֖/א לְ/הַֽחֲוָיָ֥ה לְ/מַלְכָּֽ/א׃ פ

¹⁷אֱדַ֥יִן דָּֽנִיֵּ֖אל לְ/בַיְתֵ֣/הּ אֲזַ֑ל וְ֠/לַ/חֲנַנְיָה מִֽישָׁאֵ֧ל וַ/עֲזַרְיָ֛ה חַבְר֖וֹ/הִי מִלְּתָ֥/א הוֹדַֽע׃

¹⁸וְ/רַחֲמִ֗ין לְ/מִבְעֵא֙ מִן־קֳדָם֙ אֱלָ֣הּ שְׁמַיָּ֔/א עַל־רָזָ֖/ה דְּנָ֑ה דִּ֣י לָ֤א יְהֹֽבְדוּן֙ דָּנִיֵּ֣אל וְ/חַבְר֔וֹ/הִי עִם־שְׁאָ֖ר חַכִּימֵ֥י בָבֶֽל׃

¹⁹אֱדַ֗יִן לְ/דָנִיֵּ֛אל בְּ/חֶזְוָ֥/א דִֽי־לֵילְיָ֖/א רָזָ֣/ה גֲלִ֑י אֱדַ֙יִן֙ דָּֽנִיֵּ֔אל בָּרִ֖ךְ לֶ/אֱלָ֥הּ שְׁמַיָּֽ/א׃

²⁰עָנֵ֤ה דָֽנִיֵּאל֙ וְ/אָמַ֔ר לֶהֱוֵ֨א שְׁמֵ֤/הּ דִּֽי־אֱלָהָ/א֙ מְבָרַ֔ךְ מִן־עָלְמָ֖/א וְ/עַ֣ד־עָלְמָ֑/א דִּ֧י חָכְמְתָ֛/א וּ/גְבוּרְתָ֖/א דִּ֥י לֵֽ/הּ־הִֽיא׃

²¹וְ֠/הוּא מְהַשְׁנֵ֤א עִדָּנַיָּ/א֙ וְ/זִמְנַיָּ֔/א מְהַעְדֵּ֥ה מַלְכִ֖ין וּ/מְהָקֵ֣ים מַלְכִ֑ין יָהֵ֤ב חָכְמְתָ/א֙ לְ/חַכִּימִ֔ין וּ/מַנְדְּעָ֖/א לְ/יָדְעֵ֥י בִינָֽה׃

²²ה֛וּא גָּלֵ֥א עַמִּיקָתָ֖/א וּ/מְסַתְּרָתָ֑/א יָדַע֙ מָ֣ה בַ/חֲשׁוֹכָ֔/א [k_ו/נהיר/א] [q_וּ/נְהוֹרָ֖/א] עִמֵּ֥/הּ שְׁרֵֽא׃

²³לָ֣/ךְ ׀ אֱלָ֣הּ אֲבָהָתִ֗/י מְהוֹדֵ֤א וּ/מְשַׁבַּח֙ אֲנָ֔ה דִּ֧י חָכְמְתָ֛/א וּ/גְבוּרְתָ֖/א יְהַ֣בְתְּ לִ֑/י וּ/כְעַ֤ן הֽוֹדַעְתַּ֙/נִי֙ דִּֽי־בְעֵ֣ינָא מִנָּ֔/ךְ דִּֽי־מִלַּ֥ת מַלְכָּ֖/א הוֹדַעְתֶּֽ/נָא׃

²⁴כָּ/ל־קֳבֵ֣ל דְּנָ֗ה דָּֽנִיֵּאל֙ עַ֣ל עַל־אַרְי֔וֹךְ דִּ֚י מַנִּ֣י מַלְכָּ֔/א לְ/הוֹבָדָ֖ה לְ/חַכִּימֵ֣י בָבֶ֑ל אֲזַ֣ל ׀ וְ/כֵ֣ן אֲמַר־לֵ֗/הּ לְ/חַכִּימֵ֤י בָבֶל֙ אַל־תְּהוֹבֵ֔ד הַעֵ֙לְ/נִי֙ קֳדָ֣ם מַלְכָּ֔/א וּ/פִשְׁרָ֖/א לְ/מַלְכָּ֥/א אֲחַוֵּֽא׃ ס

²⁵אֱדַ֤יִן אַרְיוֹךְ֙ בְּ/הִתְבְּהָלָ֔ה הַנְעֵ֥ל לְ/דָנִיֵּ֖אל קֳדָ֣ם מַלְכָּ֑/א וְ/כֵ֣ן אֲמַר־לֵ֗/הּ דִּֽי־הַשְׁכַּ֤חַת גְּבַר֙ מִן־בְּנֵ֤י גָֽלוּתָ/א֙ דִּ֣י יְה֔וּד דִּ֥י פִשְׁרָ֖/א לְ/מַלְכָּ֥/א יְהוֹדַֽע׃

²⁶עָנֵ֤ה מַלְכָּ/א֙ וְ/אָמַ֣ר לְ/דָנִיֵּ֔אל דִּ֥י שְׁמֵ֖/הּ בֵּלְטְשַׁאצַּ֑ר [k_ה/איתי/ך] [q_הַֽ/אִיתָ֣/ךְ] כָּהֵ֗ל לְ/הוֹדָעֻתַ֛/נִי חֶלְמָ֥/א דִֽי־חֲזֵ֖ית וּ/פִשְׁרֵֽ/הּ׃

²⁷עָנֵ֧ה דָנִיֵּ֛אל קֳדָ֥ם מַלְכָּ֖/א וְ/אָמַ֑ר רָזָ/ה֙ דִּֽי־מַלְכָּ֣/א שָׁאֵ֔ל לָ֧א חַכִּימִ֣ין אָֽשְׁפִ֗ין חַרְטֻמִּין֙ גָּזְרִ֔ין יָכְלִ֖ין לְ/הַֽחֲוָיָ֥ה לְ/מַלְכָּֽ/א׃

²⁸בְּרַ֡ם אִיתַ֞י אֱלָ֤הּ בִּ/שְׁמַיָּ/א֙ גָּלֵ֣א רָזִ֔ין וְ/הוֹדַ֗ע לְ/מַלְכָּ/א֙ נְבֽוּכַדְנֶצַּ֔ר מָ֛ה דִּ֥י לֶהֱוֵ֖א בְּ/אַחֲרִ֣ית יוֹמַיָּ֑/א חֶלְמָ֨/ךְ וְ/חֶזְוֵ֥י רֵאשָׁ֛/ךְ עַֽל־מִשְׁכְּבָ֖/ךְ דְּנָ֥ה הֽוּא׃ פ

²⁹אַ֣נְתְּה מַלְכָּ֗/א רַעְיוֹנָ/ךְ֙ עַל־מִשְׁכְּבָ֣/ךְ סְלִ֔קוּ מָ֛ה דִּ֥י לֶהֱוֵ֖א אַחֲרֵ֣י דְנָ֑ה וְ/גָלֵ֧א רָזַיָּ֛/א הוֹדְעָ֖/ךְ מָה־דִ֥י לֶהֱוֵֽא׃

³⁰וַ/אֲנָ֗ה לָ֤א בְ/חָכְמָה֙ דִּֽי־אִיתַ֥י בִּ/י֙ מִן־כָּל־חַיַּיָּ֔/א רָזָ֥/א דְנָ֖ה גֱּלִ֣י לִ֑/י לָהֵ֗ן עַל־דִּבְרַת֙ דִּ֤י פִשְׁרָ/א֙ לְ/מַלְכָּ֣/א יְהוֹדְע֔וּן וְ/רַעְיוֹנֵ֥י לִבְבָ֖/ךְ תִּנְדַּֽע׃

³¹אַ֣נְתְּה מַלְכָּ֗/א חָזֵ֤ה הֲוַ֙יְתָ֙ וַ/אֲל֨וּ צְלֵ֥ם חַד֙ שַׂגִּ֔יא צַלְמָ֨/א דִּכֵּ֥ן רַ֛ב וְ/זִיוֵ֥/הּ יַתִּ֖יר קָאֵ֣ם לְ/קָבְלָ֑/ךְ וְ/רֵוֵ֖/הּ דְּחִֽיל׃

³²ה֣וּא צַלְמָ֗/א רֵאשֵׁ/הּ֙ דִּֽי־דְהַ֣ב טָ֔ב חֲד֥וֹ/הִי וּ/דְרָע֖וֹ/הִי דִּ֣י כְסַ֑ף מְע֥וֹ/הִי וְ/יַרְכָתֵ֖/הּ דִּ֥י נְחָֽשׁ׃

³³שָׁק֖וֹ/הִי דִּ֣י פַרְזֶ֑ל רַגְל֕וֹ/הִי [k_מנ/הון] [q_מִנְּ/הֵין֙] דִּ֣י פַרְזֶ֔ל [k_ו/מנ/הון] [q_וּ/מִנְּ/הֵ֖ין] דִּ֥י חֲסַֽף׃

³⁴חָזֵ֣ה הֲוַ֗יְתָ עַ֠ד דִּ֣י הִתְגְּזֶ֤רֶת אֶ֙בֶן֙ דִּי־לָ֣א בִ/ידַ֔יִן וּ/מְחָ֤ת לְ/צַלְמָ/א֙ עַל־רַגְל֔וֹ/הִי דִּ֥י פַרְזְלָ֖/א וְ/חַסְפָּ֑/א וְ/הַדֵּ֖קֶת הִמּֽוֹן׃

³⁵בֵּ/אדַ֣יִן דָּ֣קוּ כַ/חֲדָ֡ה פַּרְזְלָ/א֩ חַסְפָּ֨/א נְחָשָׁ֜/א כַּסְפָּ֣/א וְ/דַהֲבָ֗/א וַ/הֲווֹ֙ כְּ/ע֣וּר מִן־אִדְּרֵי־קַ֔יִט וּ/נְשָׂ֤א הִמּוֹן֙ רוּחָ֔/א וְ/כָל־אֲתַ֖ר לָא־הִשְׁתֲּכַ֣ח לְ/ה֑וֹן וְ/אַבְנָ֣/א ׀ דִּֽי־מְחָ֣ת לְ/צַלְמָ֗/א הֲוָ֛ת לְ/ט֥וּר רַ֖ב וּ/מְלָ֥ת כָּל־אַרְעָֽ/א׃

³⁶דְּנָ֣ה חֶלְמָ֔/א וּ/פִשְׁרֵ֖/הּ נֵאמַ֥ר קֳדָם־מַלְכָּֽ/א׃

³⁷אַ֣נְתְּה מַלְכָּ֔/א מֶ֖לֶךְ מַלְכַיָּ֑/א דִּ֚י אֱלָ֣הּ שְׁמַיָּ֔/א מַלְכוּתָ֥/א חִסְנָ֛/א וְ/תָקְפָּ֥/א וִֽ/יקָרָ֖/א יְהַב־לָֽ/ךְ׃

³⁸וּ/בְ/כָל־דִּ֣י [k_דארין] [q_דָֽיְרִ֣ין] בְּֽנֵי־אֲ֠נָשָׁ/א חֵיוַ֨ת בָּרָ֤/א וְ/עוֹף־שְׁמַיָּ/א֙ יְהַ֣ב בִּ/ידָ֔/ךְ וְ/הַשְׁלְטָ֖/ךְ בְּ/כָלְּ/ה֑וֹן אַנְתְּה־ה֔וּא רֵאשָׁ֖/ה דִּ֥י דַהֲבָֽ/א׃

³⁹וּ/בָתְרָ֗/ךְ תְּק֛וּם מַלְכ֥וּ אָחֳרִ֖י אֲרַ֣עא מִנָּ֑/ךְ וּ/מַלְכ֨וּ [k_תליתיא] [q_תְלִיתָאָ֤ה] אָחֳרִי֙ דִּ֣י נְחָשָׁ֔/א דִּ֥י תִשְׁלַ֖ט בְּ/כָל־אַרְעָֽ/א׃

⁴⁰וּ/מַלְכוּ֙ [k_רביעיה] [q_רְבִ֣יעָאָ֔ה] תֶּהֱוֵ֥א תַקִּיפָ֖ה כְּ/פַרְזְלָ֑/א כָּ/ל־קֳבֵ֗ל דִּ֤י פַרְזְלָ/א֙ מְהַדֵּ֤ק וְ/חָשֵׁל֙ כֹּ֔לָּ/א וּֽ/כְ/פַרְזְלָ֛/א דִּֽי־מְרָעַ֥ע כָּל־אִלֵּ֖ין תַּדִּ֥ק וְ/תֵרֹֽעַ׃

⁴¹וְ/דִֽי־חֲזַ֜יְתָה רַגְלַיָּ֣/א וְ/אֶצְבְּעָתָ֗/א [k_מנ/הון] [q_מִנְּ/הֵ֞ן] חֲסַ֤ף דִּֽי־פֶחָר֙ [k_ו/מנ/הון] [q_וּ/מִנְּ/הֵ֣ין] פַּרְזֶ֔ל מַלְכ֤וּ פְלִיגָה֙ תֶּהֱוֵ֔ה וּ/מִן־נִצְבְּתָ֥/א דִ֥י פַרְזְלָ֖/א לֶֽהֱוֵא־בַ֑/הּ כָּ/ל־קֳבֵל֙ דִּ֣י חֲזַ֔יְתָה פַּ֨רְזְלָ֔/א מְעָרַ֖ב בַּ/חֲסַ֥ף טִינָֽ/א׃

⁴²וְ/אֶצְבְּעָת֙ רַגְלַיָּ֔/א [k_מנ/הון] [q_מִנְּ/הֵ֥ין] פַּרְזֶ֖ל [k_ו/מנ/הון] [q_וּ/מִנְּ/הֵ֣ין] חֲסַ֑ף מִן־קְצָ֤ת מַלְכוּתָ/א֙ תֶּהֱוֵ֣ה תַקִּיפָ֔ה וּ/מִנַּ֖/הּ תֶּהֱוֵ֥ה תְבִירָֽה׃

⁴³[k_די] [q_וְ/דִ֣י] חֲזַ֗יְתָ פַּרְזְלָ/א֙ מְעָרַב֙ בַּ/חֲסַ֣ף טִינָ֔/א מִתְעָרְבִ֤ין לֶהֱוֺן֙ בִּ/זְרַ֣ע אֲנָשָׁ֔/א וְ/לָֽא־לֶהֱוֺ֥ן דָּבְקִ֖ין דְּנָ֣ה עִם־דְּנָ֑ה הֵֽא־כְ/דִ֣י פַרְזְלָ֔/א לָ֥א מִתְעָרַ֖ב עִם־חַסְפָּֽ/א׃

⁴⁴וּֽ/בְ/יוֹמֵי/ה֞וֹן דִּ֧י מַלְכַיָּ֣/א אִנּ֗וּן יְקִים֩ אֱלָ֨הּ שְׁמַיָּ֤/א מַלְכוּ֙ דִּ֤י לְ/עָלְמִין֙ לָ֣א תִתְחַבַּ֔ל וּ/מַ֨לְכוּתָ֔/ה לְ/עַ֥ם אָחֳרָ֖ן לָ֣א תִשְׁתְּבִ֑ק תַּדִּ֤ק וְ/תָסֵיף֙ כָּל־אִלֵּ֣ין מַלְכְוָתָ֔/א וְ/הִ֖יא תְּק֥וּם לְ/עָלְמַיָּֽ/א׃

⁴⁵כָּ/ל־קֳבֵ֣ל דִּֽי־חֲזַ֡יְתָ דִּ֣י מִ/טּוּרָ/א֩ אִתְגְּזֶ֨רֶת אֶ֜בֶן דִּי־לָ֣א בִ/ידַ֗יִן וְ֠/הַדֶּקֶת פַּרְזְלָ֨/א נְחָשָׁ֤/א חַסְפָּ/א֙ כַּסְפָּ֣/א וְ/דַהֲבָ֔/א אֱלָ֥הּ רַב֙ הוֹדַ֣ע לְ/מַלְכָּ֔/א מָ֛ה דִּ֥י לֶהֱוֵ֖א אַחֲרֵ֣י דְנָ֑ה וְ/יַצִּ֥יב חֶלְמָ֖/א וּ/מְהֵימַ֥ן פִּשְׁרֵֽ/הּ׃ פ

⁴⁶בֵּ֠/אדַיִן מַלְכָּ֤/א נְבֽוּכַדְנֶצַּר֙ נְפַ֣ל עַל־אַנְפּ֔וֹ/הִי וּ/לְ/דָנִיֵּ֖אל סְגִ֑ד וּ/מִנְחָה֙ וְ/נִ֣יחֹחִ֔ין אֲמַ֖ר לְ/נַסָּ֥כָה לֵֽ/הּ׃

⁴⁷עָנֵה֩ מַלְכָּ֨/א לְ/דָנִיֵּ֜אל וְ/אָמַ֗ר מִן־קְשֹׁט֙ דִּ֣י אֱלָהֲ/כ֗וֹן ה֣וּא אֱלָ֧הּ אֱלָהִ֛ין וּ/מָרֵ֥א מַלְכִ֖ין וְ/גָלֵ֣ה רָזִ֑ין דִּ֣י יְכֵ֔לְתָּ לְ/מִגְלֵ֖א רָזָ֥/ה דְנָֽה׃

⁴⁸אֱדַ֨יִן מַלְכָּ֜/א לְ/דָנִיֵּ֣אל רַבִּ֗י וּ/מַתְּנָ֨ן רַבְרְבָ֤ן שַׂגִּיאָן֙ יְהַב־לֵ֔/הּ וְ/הַ֨שְׁלְטֵ֔/הּ עַ֖ל כָּל־מְדִינַ֣ת בָּבֶ֑ל וְ/רַב־סִגְנִ֔ין עַ֖ל כָּל־חַכִּימֵ֥י בָבֶֽל׃

⁴⁹וְ/דָנִיֵּאל֙ בְּעָ֣א מִן־מַלְכָּ֔/א וּ/מַנִּ֗י עַ֤ל עֲבִֽידְתָּ/א֙ דִּ֚י מְדִינַ֣ת בָּבֶ֔ל לְ/שַׁדְרַ֥ךְ מֵישַׁ֖ךְ וַ/עֲבֵ֣ד נְג֑וֹ וְ/דָנִיֵּ֖אל בִּ/תְרַ֥ע מַלְכָּֽ/א׃ פ