Read Westminster Leningrad Codex (morphological with vowels and accents) דניאל 5 Bible Online

דניאל 5 - Westminster Leningrad Codex (morphological with vowels and accents) bible

דניאל 5

¹בֵּלְשַׁאצַּ֣ר מַלְכָּ֗/א עֲבַד֙ לְחֶ֣ם רַ֔ב לְ/רַבְרְבָנ֖וֹ/הִי אֲלַ֑ף וְ/לָ/קֳבֵ֥ל אַלְפָּ֖/א חַמְרָ֥/א שָׁתֵֽה׃

²בֵּלְשַׁאצַּ֞ר אֲמַ֣ר ׀ בִּ/טְעֵ֣ם חַמְרָ֗/א לְ/הַיְתָיָה֙ לְ/מָאנֵי֙ דַּהֲבָ֣/א וְ/כַסְפָּ֔/א דִּ֤י הַנְפֵּק֙ נְבוּכַדְנֶצַּ֣ר אֲב֔/וּהִי מִן־הֵיכְלָ֖/א דִּ֣י בִ/ירוּשְׁלֶ֑ם וְ/יִשְׁתּ֣וֹן בְּ/ה֗וֹן מַלְכָּ/א֙ וְ/רַבְרְבָנ֔וֹ/הִי שֵׁגְלָתֵ֖/הּ וּ/לְחֵנָתֵֽ/הּ׃

³בֵּ/אדַ֗יִן הַיְתִיו֙ מָאנֵ֣י דַהֲבָ֔/א דִּ֣י הַנְפִּ֗קוּ מִן־הֵֽיכְלָ֛/א דִּֽי־בֵ֥ית אֱלָהָ֖/א דִּ֣י בִ/ירֽוּשְׁלֶ֑ם וְ/אִשְׁתִּ֣יו בְּ/ה֗וֹן מַלְכָּ/א֙ וְ/רַבְרְבָנ֔וֹ/הִי שֵׁגְלָתֵ֖/הּ וּ/לְחֵנָתֵֽ/הּ׃

⁴אִשְׁתִּ֖יו חַמְרָ֑/א וְ֠/שַׁבַּחוּ לֵֽ/אלָהֵ֞י דַּהֲבָ֧/א וְ/כַסְפָּ֛/א נְחָשָׁ֥/א פַרְזְלָ֖/א אָעָ֥/א וְ/אַבְנָֽ/א׃

⁵בַּ/הּ־שַׁעֲתָ֗/ה [k_נפקו] [q_נְפַ֙קָה֙] אֶצְבְּעָן֙ דִּ֣י יַד־אֱנָ֔שׁ וְ/כָֽתְבָן֙ לָ/קֳבֵ֣ל נֶבְרַשְׁתָּ֔/א עַל־גִּירָ֕/א דִּֽי־כְתַ֥ל הֵיכְלָ֖/א דִּ֣י מַלְכָּ֑/א וּ/מַלְכָּ֣/א חָזֵ֔ה פַּ֥ס יְדָ֖/ה דִּ֥י כָתְבָֽה׃

⁶אֱדַ֤יִן מַלְכָּ/א֙ זִיוֺ֣/הִי שְׁנ֔וֹ/הִי וְ/רַעיֹנֹ֖/הִי יְבַהֲלוּנֵּ֑/הּ וְ/קִטְרֵ֤י חַרְצֵ/הּ֙ מִשְׁתָּרַ֔יִן וְ/אַ֨רְכֻבָּתֵ֔/הּ דָּ֥א לְ/דָ֖א נָֽקְשָֽׁן׃

⁷קָרֵ֤א מַלְכָּ/א֙ בְּ/חַ֔יִל לְ/הֶֽעָלָה֙ לְ/אָ֣שְׁפַיָּ֔/א [k_כשדי/א] [q_כַּשְׂדָּאֵ֖/י] וְ/גָזְרַיָּ֑/א עָנֵ֨ה מַלְכָּ֜/א וְ/אָמַ֣ר ׀ לְ/חַכִּימֵ֣י בָבֶ֗ל דִּ֣י כָל־אֱ֠נָשׁ דִּֽי־יִקְרֵ֞ה כְּתָבָ֣/ה דְנָ֗ה וּ/פִשְׁרֵ/הּ֙ יְחַוִּנַּ֔/נִי אַרְגְּוָנָ֣/א יִלְבַּ֗שׁ [k_ו/המונכ/א] [q_וְ/הַֽמְנִיכָ֤/א] דִֽי־דַהֲבָ/א֙ עַֽל־צַוְּארֵ֔/הּ וְ/תַלְתִּ֥י בְ/מַלְכוּתָ֖/א יִשְׁלַֽט׃ ס

⁸אֱדַ֙יִן֙ [k_עללין] [q_עָֽלִּ֔ין] כֹּ֖ל חַכִּימֵ֣י מַלְכָּ֑/א וְ/לָֽא־כָהֲלִ֤ין כְּתָבָ/א֙ לְ/מִקְרֵ֔א [k_ו/פשר/א] [q_וּ/פִשְׁרֵ֖/הּ] לְ/הוֹדָעָ֥ה לְ/מַלְכָּֽ/א׃

⁹אֱ֠דַיִן מַלְכָּ֤/א בֵלְשַׁאצַּר֙ שַׂגִּ֣יא מִתְבָּהַ֔ל וְ/זִיוֺ֖/הִי שָׁנַ֣יִן עֲל֑וֹ/הִי וְ/רַבְרְבָנ֖וֹ/הִי מִֽשְׁתַּבְּשִֽׁין׃

¹⁰מַלְכְּתָ֕/א לָ/קֳבֵ֨ל מִלֵּ֤י מַלְכָּ/א֙ וְ/רַבְרְבָנ֔וֹ/הִי לְ/בֵ֥ית מִשְׁתְּיָ֖/א [k_עללת] [q_עַלַּ֑ת] עֲנָ֨ת מַלְכְּתָ֜/א וַ/אֲמֶ֗רֶת מַלְכָּ/א֙ לְ/עָלְמִ֣ין חֱיִ֔י אַֽל־יְבַהֲלוּ/ךְ֙ רַעְיוֹנָ֔/ךְ וְ/זִיוָ֖י/ךְ אַל־יִשְׁתַּנּֽוֹ׃

¹¹אִיתַ֨י גְּבַ֜ר בְּ/מַלְכוּתָ֗/ךְ דִּ֠י ר֣וּחַ אֱלָהִ֣ין קַדִּישִׁין֮ בֵּ/הּ֒ וּ/בְ/יוֹמֵ֣י אֲב֗/וּךְ נַהִיר֧וּ וְ/שָׂכְלְתָנ֛וּ וְ/חָכְמָ֥ה כְּ/חָכְמַת־אֱלָהִ֖ין הִשְׁתְּכַ֣חַת בֵּ֑/הּ וּ/מַלְכָּ֤/א נְבֻֽכַדְנֶצַּר֙ אֲב֔/וּךְ רַ֧ב חַרְטֻמִּ֣ין אָֽשְׁפִ֗ין כַּשְׂדָּאִין֙ גָּזְרִ֔ין הֲקִימֵ֖/הּ אֲב֥/וּךְ מַלְכָּֽ/א׃

¹²כָּ/ל־קֳבֵ֡ל דִּ֣י ר֣וּחַ ׀ יַתִּירָ֡ה וּ/מַנְדַּ֡ע וְ/שָׂכְלְתָנ֡וּ מְפַשַּׁ֣ר חֶלְמִין֩ וַֽ/אַֽחֲוָיַ֨ת אֲחִידָ֜ן וּ/מְשָׁרֵ֣א קִטְרִ֗ין הִשְׁתְּכַ֤חַת בֵּ/הּ֙ בְּ/דָ֣נִיֵּ֔אל דִּֽי־מַלְכָּ֥/א שָׂם־שְׁמֵ֖/הּ בֵּלְטְשַׁאצַּ֑ר כְּעַ֛ן דָּנִיֵּ֥אל יִתְקְרֵ֖י וּ/פִשְׁרָ֥/ה יְהַֽחֲוֵֽה׃ פ

¹³בֵּ/אדַ֙יִן֙ דָּֽנִיֵּ֔אל הֻעַ֖ל קֳדָ֣ם מַלְכָּ֑/א עָנֵ֨ה מַלְכָּ֜/א וְ/אָמַ֣ר לְ/דָנִיֵּ֗אל [k_אנתה־][q_אַנְתְּ־]ה֤וּא דָנִיֵּאל֙ דִּֽי־מִן־בְּנֵ֤י גָלוּתָ/א֙ דִּ֣י יְה֔וּד דִּ֥י הַיְתִ֛י מַלְכָּ֥/א אַ֖בִ/י מִן־יְהֽוּד׃

¹⁴וְ/שִׁמְעֵ֣ת [k_עלי/ך] [q_עֲלָ֔/ךְ] דִּ֛י ר֥וּחַ אֱלָהִ֖ין בָּ֑/ךְ וְ/נַהִיר֧וּ וְ/שָׂכְלְתָנ֛וּ וְ/חָכְמָ֥ה יַתִּירָ֖ה הִשְׁתְּכַ֥חַת בָּֽ/ךְ׃

¹⁵וּ/כְעַ֞ן הֻעַ֣לּוּ קָֽדָמַ֗/י חַכִּֽימַיָּ/א֙ אָֽשְׁפַיָּ֔/א דִּֽי־כְתָבָ֤/ה דְנָה֙ יִקְר֔וֹן וּ/פִשְׁרֵ֖/הּ לְ/הוֹדָעֻתַ֑/נִי וְ/לָֽא־כָהֲלִ֥ין פְּשַֽׁר־מִלְּתָ֖/א לְ/הַחֲוָיָֽה׃

¹⁶וַ/אֲנָה֙ שִׁמְעֵ֣ת [k_עלי/ך] [q_עֲלָ֔/ךְ] דִּֽי־[k_תוכל] [q_תִיכּ֥וּל] פִּשְׁרִ֛ין לְ/מִפְשַׁ֖ר וְ/קִטְרִ֣ין לְ/מִשְׁרֵ֑א כְּעַ֡ן הֵן֩ [k_תוכל] [q_תִּכ֨וּל] כְּתָבָ֜/א לְ/מִקְרֵ֗א וּ/פִשְׁרֵ/הּ֙ לְ/הוֹדָ֣עֻתַ֔/נִי אַרְגְּוָנָ֣/א תִלְבַּ֗שׁ [k_ו/המונכ/א] [q_וְ/הַֽמְנִיכָ֤/א] דִֽי־דַהֲבָ/א֙ עַֽל־צַוְּארָ֔/ךְ וְ/תַלְתָּ֥א בְ/מַלְכוּתָ֖/א תִּשְׁלַֽט׃ פ

¹⁷בֵּ/אדַ֜יִן עָנֵ֣ה דָנִיֵּ֗אל וְ/אָמַר֙ קֳדָ֣ם מַלְכָּ֔/א מַתְּנָתָ/ךְ֙ לָ֣/ךְ לֶֽהֶוְיָ֔ן וּ/נְבָ֥זְבְּיָתָ֖/ךְ לְ/אָחֳרָ֣ן הַ֑ב בְּרַ֗ם כְּתָבָ/א֙ אֶקְרֵ֣א לְ/מַלְכָּ֔/א וּ/פִשְׁרָ֖/א אֲהוֹדְעִנֵּֽ/הּ׃

¹⁸[k_אנתה] [q_אַ֖נְתְּ] מַלְכָּ֑/א אֱלָהָ/א֙ [k_עלי/א] [q_עִלָּאָ֔/ה] מַלְכוּתָ֤/א וּ/רְבוּתָ/א֙ וִ/יקָרָ֣/א וְ/הַדְרָ֔/ה יְהַ֖ב לִ/נְבֻכַדְנֶצַּ֥ר אֲבֽ/וּךְ׃

¹⁹וּ/מִן־רְבוּתָ/א֙ דִּ֣י יְהַב־לֵ֔/הּ כֹּ֣ל עַֽמְמַיָּ֗/א אֻמַיָּ/א֙ וְ/לִשָּׁ֣נַיָּ֔/א הֲו֛וֹ [k_זאעין] [q_זָיְעִ֥ין] וְ/דָחֲלִ֖ין מִן־קֳדָמ֑וֹ/הִי דִּֽי־הֲוָ֨ה צָבֵ֜א הֲוָ֣א קָטֵ֗ל וְ/דִֽי־הֲוָ֤ה צָבֵא֙ הֲוָ֣ה מַחֵ֔א וְ/דִֽי־הֲוָ֤ה צָבֵא֙ הֲוָ֣ה מָרִ֔ים וְ/דִֽי־הֲוָ֥ה צָבֵ֖א הֲוָ֥ה מַשְׁפִּֽיל׃

²⁰וּ/כְ/דִי֙ רִ֣ם לִבְבֵ֔/הּ וְ/רוּחֵ֖/הּ תִּֽקְפַ֣ת לַ/הֲזָדָ֑ה הָנְחַת֙ מִן־כָּרְסֵ֣א מַלְכוּתֵ֔/הּ וִֽ/יקָרָ֖/ה הֶעְדִּ֥יוּ מִנֵּֽ/הּ׃

²¹וּ/מִן־בְּנֵי֩ אֲנָשָׁ֨/א טְרִ֜יד וְ/לִבְבֵ֣/הּ ׀ עִם־חֵיוְתָ֣/א [k_שוי] [q_שַׁוִּ֗יְו] וְ/עִם־עֲרָֽדַיָּ/א֙ מְדוֹרֵ֔/הּ עִשְׂבָּ֤/א כְ/תוֹרִין֙ יְטַ֣עֲמוּנֵּ֔/הּ וּ/מִ/טַּ֥ל שְׁמַיָּ֖/א גִּשְׁמֵ֣/הּ יִצְטַבַּ֑ע עַ֣ד דִּֽי־יְדַ֗ע דִּֽי־שַׁלִּ֞יט אֱלָהָ֤/א [k_עלי/א] [q_עִלָּאָ/ה֙] בְּ/מַלְכ֣וּת אֲנָשָׁ֔/א וּ/לְ/מַן־דִּ֥י יִצְבֵּ֖ה יְהָקֵ֥ים [k_עלי/ה] [q_עֲלַֽ/הּ׃]

²²[k_ו/אנתה] [q_וְ/אַ֤נְתְּ] בְּרֵ/הּ֙ בֵּלְשַׁאצַּ֔ר לָ֥א הַשְׁפֵּ֖לְתְּ לִבְבָ֑/ךְ כָּ/ל־קֳבֵ֕ל דִּ֥י כָל־דְּנָ֖ה יְדַֽעְתָּ׃

²³וְ/עַ֣ל מָרֵֽא־שְׁמַיָּ֣/א ׀ הִתְרוֹמַ֡מְתָּ וּ/לְ/מָֽאנַיָּ֨/א דִֽי־בַיְתֵ֜/הּ הַיְתִ֣יו [k_קדמי/ך] [q_קָֽדָמָ֗/ךְ] [k_ו/אנתה] [q_וְ/אַ֨נְתְּ] [k_ו/רברבני/ך] [q_וְ/רַבְרְבָנָ֜/ךְ] שֵֽׁגְלָתָ֣/ךְ וּ/לְחֵנָתָ/ךְ֮ חַמְרָ/א֮ שָׁתַ֣יִן בְּ/הוֹן֒ וְ/לֵֽ/אלָהֵ֣י כַסְפָּֽ/א־וְ֠/דַהֲבָ/א נְחָשָׁ֨/א פַרְזְלָ֜/א אָעָ֣/א וְ/אַבְנָ֗/א דִּ֠י לָֽא־חָזַ֧יִן וְ/לָא־שָׁמְעִ֛ין וְ/לָ֥א יָדְעִ֖ין שַׁבַּ֑חְתָּ וְ/לֵֽ/אלָהָ֞/א דִּֽי־נִשְׁמְתָ֥/ךְ בִּ/ידֵ֛/הּ וְ/כָל־אֹרְחָתָ֥/ךְ לֵ֖/הּ לָ֥א הַדַּֽרְתָּ׃

²⁴בֵּ/אדַ֙יִן֙ מִן־קֳדָמ֔וֹ/הִי שְׁלִ֖יַחַ פַּסָּ֣/א דִֽי־יְדָ֑/א וּ/כְתָבָ֥/א דְנָ֖ה רְשִֽׁים׃

²⁵וּ/דְנָ֥ה כְתָבָ֖/א דִּ֣י רְשִׁ֑ים מְנֵ֥א מְנֵ֖א תְּקֵ֥ל וּ/פַרְסִֽין׃

²⁶דְּנָ֖ה פְּשַֽׁר־מִלְּתָ֑/א מְנֵ֕א מְנָֽה־אֱלָהָ֥/א מַלְכוּתָ֖/ךְ וְ/הַשְׁלְמַֽ/הּ׃

²⁷תְּקֵ֑ל תְּקִ֥ילְתָּה בְ/מֹֽאזַנְיָ֖/א וְ/הִשְׁתְּכַ֥חַתְּ חַסִּֽיר׃

²⁸פְּרֵ֑ס פְּרִיסַת֙ מַלְכוּתָ֔/ךְ וִ/יהִיבַ֖ת לְ/מָדַ֥י וּ/פָרָֽס׃

²⁹בֵּ/אדַ֣יִן ׀ אֲמַ֣ר בֵּלְשַׁאצַּ֗ר וְ/הַלְבִּ֤ישׁוּ לְ/דָֽנִיֵּאל֙ אַרְגְּוָנָ֔/א [k_ו/המונכ/א] [q_וְ/הַֽמְנִיכָ֥/א] דִֽי־דַהֲבָ֖/א עַֽל־צַוְּארֵ֑/הּ וְ/הַכְרִ֣זֽוּ עֲל֔וֹ/הִי דִּֽי־לֶהֱוֵ֥א שַׁלִּ֛יט תַּלְתָּ֖א בְּ/מַלְכוּתָֽ/א׃

³⁰בֵּ֚/הּ בְּ/לֵ֣ילְיָ֔/א קְטִ֕יל בֵּלְאשַׁצַּ֖ר מַלְכָּ֥/א [k_כשדי/א] [q_כַשְׂדָּאָֽ/ה׃] פ