Read Westminster Leningrad Codex (morphological with vowels and accents) חבקוק 3 Bible Online

חבקוק 3 - Westminster Leningrad Codex (morphological with vowels and accents) bible

חבקוק 3

¹תְּפִלָּ֖ה לַ/חֲבַקּ֣וּק הַ/נָּבִ֑יא עַ֖ל שִׁגְיֹנֽוֹת׃

²יְהוָ֗ה שָׁמַ֣עְתִּי שִׁמְעֲ/ךָ֮ יָרֵאתִי֒ יְהוָ֗ה פָּֽעָלְ/ךָ֙ בְּ/קֶ֤רֶב שָׁנִים֙ חַיֵּ֔י/הוּ בְּ/קֶ֥רֶב שָׁנִ֖ים תּוֹדִ֑יעַ בְּ/רֹ֖גֶז רַחֵ֥ם תִּזְכּֽוֹר׃

³אֱל֙וֹהַ֙ מִ/תֵּימָ֣ן יָב֔וֹא וְ/קָד֥וֹשׁ מֵֽ/הַר־פָּארָ֖ן סֶ֑לָה כִּסָּ֤ה שָׁמַ֙יִם֙ הוֹד֔/וֹ וּ/תְהִלָּת֖/וֹ מָלְאָ֥ה הָ/אָֽרֶץ׃

⁴וְ/נֹ֙גַהּ֙ כָּ/א֣וֹר תִּֽהְיֶ֔ה קַרְנַ֥יִם מִ/יָּד֖/וֹ ל֑/וֹ וְ/שָׁ֖ם חֶבְי֥וֹן עֻזֹּֽ/ה׃

⁵לְ/פָנָ֖י/ו יֵ֣לֶךְ דָּ֑בֶר וְ/יֵצֵ֥א רֶ֖שֶׁף לְ/רַגְלָֽי/ו׃

⁶עָמַ֣ד ׀ וַ/יְמֹ֣דֶד אֶ֗רֶץ רָאָה֙ וַ/יַּתֵּ֣ר גּוֹיִ֔ם וַ/יִּתְפֹּֽצְצוּ֙ הַרְרֵי־עַ֔ד שַׁח֖וּ גִּבְע֣וֹת עוֹלָ֑ם הֲלִיכ֥וֹת עוֹלָ֖ם לֽ/וֹ׃

⁷תַּ֣חַת אָ֔וֶן רָאִ֖יתִי אָהֳלֵ֣י כוּשָׁ֑ן יִרְגְּז֕וּ/ן יְרִיע֖וֹת אֶ֥רֶץ מִדְיָֽן׃ ס

⁸הֲ/בִ/נְהָרִים֙ חָרָ֣ה יְהוָ֔ה אִ֤ם בַּ/נְּהָרִים֙ אַפֶּ֔/ךָ אִם־בַּ/יָּ֖ם עֶבְרָתֶ֑/ךָ כִּ֤י תִרְכַּב֙ עַל־סוּסֶ֔י/ךָ מַרְכְּבֹתֶ֖י/ךָ יְשׁוּעָֽה׃

⁹עֶרְיָ֤ה תֵעוֹר֙ קַשְׁתֶּ֔/ךָ שְׁבֻע֥וֹת מַטּ֖וֹת אֹ֣מֶר סֶ֑לָה נְהָר֖וֹת תְּבַקַּע־אָֽרֶץ׃

¹⁰רָא֤וּ/ךָ יָחִ֙ילוּ֙ הָרִ֔ים זֶ֥רֶם מַ֖יִם עָבָ֑ר נָתַ֤ן תְּהוֹם֙ קוֹל֔/וֹ ר֖וֹם יָדֵ֥י/הוּ נָשָֽׂא׃

¹¹שֶׁ֥מֶשׁ יָרֵ֖חַ עָ֣מַד זְבֻ֑לָ/ה לְ/א֤וֹר חִצֶּ֙י/ךָ֙ יְהַלֵּ֔כוּ לְ/נֹ֖גַהּ בְּרַ֥ק חֲנִיתֶֽ/ךָ׃

¹²בְּ/זַ֖עַם תִּצְעַד־אָ֑רֶץ בְּ/אַ֖ף תָּד֥וּשׁ גּוֹיִֽם׃

¹³יָצָ֙אתָ֙ לְ/יֵ֣שַׁע עַמֶּ֔/ךָ לְ/יֵ֖שַׁע אֶת־מְשִׁיחֶ֑/ךָ מָחַ֤צְתָּ רֹּאשׁ֙ מִ/בֵּ֣ית רָשָׁ֔ע עָר֛וֹת יְס֥וֹד עַד־צַוָּ֖אר סֶֽלָה׃ פ

¹⁴נָקַ֤בְתָּ בְ/מַטָּי/ו֙ רֹ֣אשׁ [k_פרז/ו] [q_פְּרָזָ֔י/ו] יִסְעֲר֖וּ לַ/הֲפִיצֵ֑/נִי עֲלִ֣יצֻתָ֔/ם כְּמוֹ־לֶ/אֱכֹ֥ל עָנִ֖י בַּ/מִּסְתָּֽר׃

¹⁵דָּרַ֥כְתָּ בַ/יָּ֖ם סוּסֶ֑י/ךָ חֹ֖מֶר מַ֥יִם רַבִּֽים׃

¹⁶שָׁמַ֣עְתִּי ׀ וַ/תִּרְגַּ֣ז בִּטְנִ֗/י לְ/קוֹל֙ צָלֲל֣וּ שְׂפָתַ֔/י יָב֥וֹא רָקָ֛ב בַּ/עֲצָמַ֖/י וְ/תַחְתַּ֣/י אֶרְגָּ֑ז אֲשֶׁ֤ר אָנ֙וּחַ֙ לְ/י֣וֹם צָרָ֔ה לַ/עֲל֖וֹת לְ/עַ֥ם יְגוּדֶֽ/נּוּ׃

¹⁷כִּֽי־תְאֵנָ֣ה לֹֽא־תִפְרָ֗ח וְ/אֵ֤ין יְבוּל֙ בַּ/גְּפָנִ֔ים כִּחֵשׁ֙ מַעֲשֵׂה־זַ֔יִת וּ/שְׁדֵמ֖וֹת לֹא־עָ֣שָׂה אֹ֑כֶל גָּזַ֤ר מִ/מִּכְלָה֙ צֹ֔אן וְ/אֵ֥ין בָּקָ֖ר בָּ/רְפָתִֽים׃

¹⁸וַ/אֲנִ֖י בַּ/יהוָ֣ה אֶעְל֑וֹזָה אָגִ֖ילָה בֵּ/אלֹהֵ֥י יִשְׁעִֽ/י׃

¹⁹יְהוִ֤הּ אֲדֹנָ/י֙ חֵילִ֔/י וַ/יָּ֤שֶׂם רַגְלַ/י֙ כָּֽ/אַיָּל֔וֹת וְ/עַ֥ל בָּמוֹתַ֖/י יַדְרִכֵ֑/נִי לַ/מְנַצֵּ֖חַ בִּ/נְגִינוֹתָֽי׃