Read Westminster Leningrad Codex (morphological with vowels and accents) חגי 1 Bible Online

חגי 1 - Westminster Leningrad Codex (morphological with vowels and accents) bible

חגי 1

¹בִּ/שְׁנַ֤ת שְׁתַּ֙יִם֙ לְ/דָרְיָ֣וֶשׁ הַ/מֶּ֔לֶךְ בַּ/חֹ֙דֶשׁ֙ הַ/שִּׁשִּׁ֔י בְּ/י֥וֹם אֶחָ֖ד לַ/חֹ֑דֶשׁ הָיָ֨ה דְבַר־יְהוָ֜ה בְּ/יַד־חַגַּ֣י הַ/נָּבִ֗יא אֶל־זְרֻבָּבֶ֤ל בֶּן־שְׁאַלְתִּיאֵל֙ פַּחַ֣ת יְהוּדָ֔ה וְ/אֶל־יְהוֹשֻׁ֧עַ בֶּן־יְהוֹצָדָ֛ק הַ/כֹּהֵ֥ן הַ/גָּד֖וֹל לֵ/אמֹֽר׃

²כֹּ֥ה אָמַ֛ר יְהוָ֥ה צְבָא֖וֹת לֵ/אמֹ֑ר הָ/עָ֤ם הַ/זֶּה֙ אָֽמְר֔וּ לֹ֥א עֶת־בֹּ֛א עֶת־בֵּ֥ית יְהוָ֖ה לְ/הִבָּנֽוֹת׃ פ

³וַֽ/יְהִי֙ דְּבַר־יְהוָ֔ה בְּ/יַד־חַגַּ֥י הַ/נָּבִ֖יא לֵ/אמֹֽר׃

⁴הַ/עֵ֤ת לָ/כֶם֙ אַתֶּ֔ם לָ/שֶׁ֖בֶת בְּ/בָתֵּי/כֶ֣ם סְפוּנִ֑ים וְ/הַ/בַּ֥יִת הַ/זֶּ֖ה חָרֵֽב׃

⁵וְ/עַתָּ֕ה כֹּ֥ה אָמַ֖ר יְהוָ֣ה צְבָא֑וֹת שִׂ֥ימוּ לְבַבְ/כֶ֖ם עַל־דַּרְכֵי/כֶֽם׃

⁶זְרַעְתֶּ֨ם הַרְבֵּ֜ה וְ/הָבֵ֣א מְעָ֗ט אָכ֤וֹל וְ/אֵין־לְ/שָׂבְעָה֙ שָׁת֣וֹ וְ/אֵין־לְ/שָׁכְרָ֔ה לָב֖וֹשׁ וְ/אֵין־לְ/חֹ֣ם ל֑/וֹ וְ/הַ֨/מִּשְׂתַּכֵּ֔ר מִשְׂתַּכֵּ֖ר אֶל־צְר֥וֹר נָקֽוּב׃ פ

⁷כֹּ֥ה אָמַ֖ר יְהוָ֣ה צְבָא֑וֹת שִׂ֥ימוּ לְבַבְ/כֶ֖ם עַל־דַּרְכֵי/כֶֽם׃

⁸עֲל֥וּ הָ/הָ֛ר וַ/הֲבֵאתֶ֥ם עֵ֖ץ וּ/בְנ֣וּ הַ/בָּ֑יִת וְ/אֶרְצֶה־בּ֥/וֹ [k_ו/אכבד] [q_וְ/אֶכָּבְדָ֖ה] אָמַ֥ר יְהוָֽה׃

⁹פָּנֹ֤ה אֶל־הַרְבֵּה֙ וְ/הִנֵּ֣ה לִ/מְעָ֔ט וַ/הֲבֵאתֶ֥ם הַ/בַּ֖יִת וְ/נָפַ֣חְתִּי ב֑/וֹ יַ֣עַן מֶ֗ה נְאֻם֙ יְהוָ֣ה צְבָא֔וֹת יַ֗עַן בֵּיתִ/י֙ אֲשֶׁר־ה֣וּא חָרֵ֔ב וְ/אַתֶּ֥ם רָצִ֖ים אִ֥ישׁ לְ/בֵיתֽ/וֹ׃

¹⁰עַל־כֵּ֣ן עֲלֵי/כֶ֔ם כָּלְא֥וּ שָמַ֖יִם מִ/טָּ֑ל וְ/הָ/אָ֖רֶץ כָּלְאָ֥ה יְבוּלָֽ/הּ׃

¹¹וָ/אֶקְרָ֨א חֹ֜רֶב עַל־הָ/אָ֣רֶץ וְ/עַל־הֶ/הָרִ֗ים וְ/עַל־הַ/דָּגָן֙ וְ/עַל־הַ/תִּיר֣וֹשׁ וְ/עַל־הַ/יִּצְהָ֔ר וְ/עַ֛ל אֲשֶׁ֥ר תּוֹצִ֖יא הָ/אֲדָמָ֑ה וְ/עַל־הָֽ/אָדָם֙ וְ/עַל־הַ/בְּהֵמָ֔ה וְ/עַ֖ל כָּל־יְגִ֥יעַ כַּפָּֽיִם׃ ס

¹²וַ/יִּשְׁמַ֣ע זְרֻבָּבֶ֣ל ׀ בֶּֽן־שַׁלְתִּיאֵ֡ל וִ/יהוֹשֻׁ֣עַ בֶּן־יְהוֹצָדָק֩ הַ/כֹּהֵ֨ן הַ/גָּד֜וֹל וְ/כֹ֣ל ׀ שְׁאֵרִ֣ית הָ/עָ֗ם בְּ/קוֹל֙ יְהוָ֣ה אֱלֹֽהֵי/הֶ֔ם וְ/עַל־דִּבְרֵי֙ חַגַּ֣י הַ/נָּבִ֔יא כַּ/אֲשֶׁ֥ר שְׁלָח֖/וֹ יְהוָ֣ה אֱלֹהֵי/הֶ֑ם וַ/יִּֽירְא֥וּ הָ/עָ֖ם מִ/פְּנֵ֥י יְהוָֽה׃

¹³וַ֠/יֹּאמֶר חַגַּ֞י מַלְאַ֧ךְ יְהוָ֛ה בְּ/מַלְאֲכ֥וּת יְהוָ֖ה לָ/עָ֣ם לֵ/אמֹ֑ר אֲנִ֥י אִתְּ/כֶ֖ם נְאֻם־יְהוָֽה׃

¹⁴וַ/יָּ֣עַר יְהוָ֡ה אֶת־רוּחַ֩ זְרֻבָּבֶ֨ל בֶּן־שַׁלְתִּיאֵ֜ל פַּחַ֣ת יְהוּדָ֗ה וְ/אֶת־ר֙וּחַ֙ יְהוֹשֻׁ֤עַ בֶּן־יְהוֹצָדָק֙ הַ/כֹּהֵ֣ן הַ/גָּד֔וֹל וְֽ/אֶת־ר֔וּחַ כֹּ֖ל שְׁאֵרִ֣ית הָ/עָ֑ם וַ/יָּבֹ֙אוּ֙ וַ/יַּעֲשׂ֣וּ מְלָאכָ֔ה בְּ/בֵית־יְהוָ֥ה צְבָא֖וֹת אֱלֹהֵי/הֶֽם׃ פ

¹⁵בְּ/י֨וֹם עֶשְׂרִ֧ים וְ/אַרְבָּעָ֛ה לַ/חֹ֖דֶשׁ בַּ/שִּׁשִּׁ֑י בִּ/שְׁנַ֥ת שְׁתַּ֖יִם לְ/דָרְיָ֥וֶשׁ הַ/מֶּֽלֶךְ׃