Read William Morgan Bible 1588 original edition Genesis 15 Bible Online

Genesis 15 - William Morgan Bible 1588 original edition bible

Genesis 15

¹Duw yn amddeffynniad, ac yn wobr i Abram. 4. Addo Isaac. 6. ffydd Abram yn ei gyfiawnhau. Duw yn addo gwlâd Canaan i Abram. 13. Caethiwed Israel yn yr Aipht, ai ryddhâd. Wedi y pethau hynn y daeth gair yr Arglwydd at Abram, mewn gweledigaeth gan ddywedyd: nac ofna Abram, my fi [ydwyf] dy darian, dy wobr [sydd] fawr iawn.

²Yna y dywedodd Abram, Arglwydd Dduw bêth a roddi di i mi? gan fy mod yn myned yn ddiblant, a’r mâb y gadewir iddo fy nhŷ yw Eleazar o Ddamascus.

³Abram hefyd a ddywedodd wele ni roddaist i mi hâd, ac wele, fyng-haethwas fydd fy etifedd.

⁴Ac wele air yr Arglwydd atto ef gan ddywedyd: nid hwn fydd dy etifedd, onid vn a ddaw allan o’th groth di fydd dy etifedd.

⁵Yna efe ai dug ef allan, ac a ddywedodd, golyga yn awr y nefoedd, a rhif y sêr o gelli di eu cyfrif hwynt: dywedodd hefyd felly y bydd dy hâd ti.

⁶Yntef a gredodd yn yr Arglwydd, a chyfrifwyd hynny iddo yn gyfiawnder.

⁷Ac efe a ddywedodd wrtho, myfi [ydwyf] yr Arglwydd yr hwn ath ddygais di allan o Ur y Caldeaid i roddi i ti y wlad hon iw hetifeddu.

⁸Yntef a ddywedodd, Arglwydd Dduw trwy ba bêth y câf wybod yr etifeddaf hi?

⁹Ac efe a ddywedodd wrtho, cymmer i mi anner dair blwydd, a gafr dair blwydd, a hwrdd tair blwydd, a thurtur, a chiw colommen.

¹⁰Ac efe a gymmerth iddo y rhai hyn oll, ac ai holltodd hwynt ar hyd [eu] canol, ac a roddodd bôb rhann ar gyfer ei gilydd, ond ni holltodd efe yr adar.

¹¹Pan ddescynne yr adar ar y burgynnod yna Abram ai gwylltie hwynt.

¹²A phan oedd yr haul at fachludo y syrthiodd trym-gwsc ar Abram: ac wele ddychryn, [a] thywyllni mawr yn syrthio arno ef.

¹³Ac efe a ddywedodd wrth Abram, gan wybod gwybydd di y bydd dy hâd yn ddieithr mewn gwlad nid [yw] eiddynt, ac ai gwasanaethant hwynt, a hwyntau ai cystuddiant bedwar-can mlhynedd.

¹⁴A’r genhedlaeth hefyd yr hon a wasanaethant, a farna fi, ac wedi hynny y deuant allan a chyfoeth mawr,

¹⁵A thi a ddeui at dy dadau mewn heddwch: ti a gleddir mewn henaint teg.

¹⁶Ac [yn] y bedwaredd oes y dychwelant ymma am na chyflawnwyd hyd yn hynn anwiredd yr Amoriaid.

¹⁷A phan fachludodd yr haul yr oedd tywyllwch, ac wele ffwrn yn mygu, a phentewyn tân yn tramwyo rhwng y darnau hynny.

¹⁸Yn y dydd hwnnw y gwnaeth yr Arglwydd gyfammod ag Abram gan ddywedydd: i’th hâd ti y rhoddais y wlad hon, o afon yr Aipht hyd yr afon fawr [sef] afon Euphrates.

¹⁹Y Ceniaid, a’r Ceneziaid, a’r Cadmoniaid.

²⁰Yr Hethiaid hefyd, a’r Phereziaid, a’r Raphiaid.

²¹Yr Amoriaid hefyd, a’r Canaaneaid, a’r Girgasiaid, a’r Iebusiaid.