Read William Morgan Bible 1588 original edition Genesis 17 Bible Online

Genesis 17 - William Morgan Bible 1588 original edition bible

Genesis 17

¹Abram a elwir Abraham. 8 Addewid arall i Abram ar dir Canaan. 12 Gossod enwaediad. 15 Sarai a elwir Sara. 16 Duw yn addo Isaac. 23 Abraham yn ei enwaedu ei hun, ac Ismael, ai holl deulu. Pan oedd Abram onid vn mlwydd cant, yna’r ymddangossodd yr Arglwydd i Abram, ac a ddywedodd wrtho: myfi [ydwyf] Dduw hôllalluog, rhodia ger fy mron i, a bydd berffaith.

²A mi a roddaf fyng-hyfammod rhyngof a thi, ac ath amlhâf di yn aml iawn.

³Yna y syrthiodd Abram ar ei wyneb, a llefarodd Duw wrtho ef gan ddywedyd.

⁴Myfi wele [a wnaf] fyng-hyfammod a thi, a thi a fyddi yn dâd llaweroedd o genhedloedd.

⁵Ath henw ni elwir mwy Abram, onid dy enw fydd Abraham, canys yn dâd llaweroedd o genhedloedd i’th roddais.

⁶A mi a’th wnaf yn ffrwythlon iawn, ac a’th roddaf di yn genhedloedd, a brenhinoedd a ddeuant allan o honot ti.

⁷Cadarnhaf hefyd fyng-hyfammod rhyngof a thi, ac a’th hâd ar dy ôl di trwy eu hoesoedd yn gyfammod tragywyddawl, i fod yn Dduw i ti, ac ith hâd ar dy ôl di.

⁸A mi a roddaf i ti, ac i’th hâd ar dy ôl di, wlâd dy ymdaith sef holl wlâd Canaan yn etifeddiaeth dragwyddawl, a mi a fyddaf Dduw iddynt.

⁹A Duw a ddywedodd wrth Abram, cadw dithe fyng-hyfammod, ti, a’th had ar dy ôl trwy eu hoesoedd.

¹⁰Dymma fyng-hyfammod yr hwn a gedwch rhyngof fi, a chwi, a’th hâd ar dy ôl di: enwaeder pôb gwryw o honoch chwi.

¹¹Enwaedwch gan hynny gnawd eich dienwaediad: fel y byddo yn arwydd cyfammod rhyngof fi, a chwithau.

¹²Pôb gwryw yn wyth niwrnod oed a enwaedir i chwi trwy eich oesoedd: yr hwn a aner yn tŷ, ac a brynner am arian gan neb dieithr, yr hwn nid yw o’th hâd ti.

¹³Gan enwaedu enwaeder yr hwn a aner yn dy dŷ di, ac a brynner am dy arian di: felly byddo fyng-hyfammod yn eich cnawd chwi, yn gyfammod tragywyddawl.

¹⁴A’r gwryw dienwaededic yr hwn ni enwaeder cnawd ei ddienwaediad, torrir ymmaith yr enaid hwnnw o fysc ei bobl: [oblegit] efe a dorrodd fyng-hyfammod.

¹⁵Duw hefyd a ddywedodd wrth Abraham, Sarai dy wraig ni elwi ei henw Sarai, onid Sara [fydd] ei henw hi.

¹⁶Bendithiaf hi hefyd, a rhoddaf i ti fâb o honi, ie bendithiaf hi fel y byddo yn genhedloedd, brenhinoedd pobloedd fyddant o honi hi.

¹⁷Ac Abraham a syrthiodd ar ei wyneb, ac a chwarddodd, ac a ddywedodd yn ei galon, a blentir i fâb can mlwydd? ac a blanta Sara yn ferch ddeng mlwydd, a phedwarugain?

¹⁸Ac Abraham a ddywedodd wrth Dduw ôh na bydde fyw Ismael ger dy fron di,

¹⁹A Duw a ddywedodd, Sara dy wraig a ymddŵg i ti fâb yn ddiau, a thi a elwi ei enw ef Isaac: a mi a gadarnhaf fyng-hyfammod ag ef, yn gyfammod tragywyddawl iw had ef ar ei ol ef.

²⁰Am Ismael hefyd ith wrandewais, wele mi ai bendithiais ef ac mi ai ffrwythlonaf ef, ac ai lluosogaf yn aml iawn: deuddec tywysog a gynhedla efe, a mi ai rhoddaf ef yn genhedlaeth fawr.

²¹Am cyfammod a gadarnhaf ag Isaac yr hwn a ymddŵg Sara i ti y pryd hwn y flwyddyn nessaf.

²²Yna y peidiodd a llafaru wrtho, a Duw a aeth i fynu oddi wrth Abraham.

²³Ac Abraham a gymmerodd Ismael ei fâb, a’r rhai oll a anesyd yn ei dŷ ef, a’r rhai oll a brynnase efe ai arian: pôb gwryw o ddynnion tŷ Abraham, ac efe a enwaedodd gnawd eu dienwaediad hwynt, o fewn corph y dydd hwnnw, fel y llefarase Duw wrtho ef.

²⁴Ac Abraham [oedd] fâb onid vn mlwydd cant, pan enwaedwyd cnawd ei ddienwaediad ef.

²⁵Ac Ismael ei fâb ef yn fâb tair blwydd ar ddec pan enwaedwyd cnawd ei ddienwaediad ef.

²⁶O fewn corph y dydd hwnnw’r enwaedwyd Abraham, ac Ismael ei fâb.

²⁷A holl ddynion ei dŷ ef y rhai a anesyd yn tŷ, ac a brynnesyd ag arian gan neb dieithr a enwaedwyd gŷd ag ef.