Read William Morgan Bible 1588 original edition Genesis 41 Bible Online

Genesis 41 - William Morgan Bible 1588 original edition bible

Genesis 41

¹26 Dehongliad breuddwyd Pharao. 40 Ioseph yn lywyawdur ar yr holl Aipht. 50 Ganedigaeth daufab Ioseph, Manasses, ac Ephraim. 54 Y newyn yn dechreu ar hyd yr holl wledydd. Yna ym mhen dwy flynedd lawn y bu i Pharao freuddwydio: ac wele efe yn sefyll wrth yr afon.

²Ac wele yn escyn o’r afon saith [o] wartheg têg yr olwg, a thewon o gig, ac mewn gwyrglodd-dir y porasent.

³Wele hefyd saith o wartheg eraill yn escyn ar eu hol hwynt o’r afon yn ddrwg yr olwg, ac yn gulion o gîg: a safasant yn ymmyl y gwarthec [cyntaf] ar lann yr afon.

⁴A’r gwarthec drwg yr olwg a chulion o gîg a fwyttasant y gwarthec têg yr olwg, a breision: yna y dihunodd Pharao.

⁵Efe a gyscodd hefyd, ac a freuddwydiodd eil-waith: ac wele saith o dwysennau yn tyfu ar vn gorsen, o [dwysennau] breiscion a dâ.

⁶Wele hefyd saith o dwysennau teneuon, ac wedi eu deifio gan wynt y dwyrein, yn tarddu allan ar eu hol hwynt.

⁷A’r twysennau teneuon a lyngcasant y saith dwysen fraisc, a llawn: yna y deffroawdd Pharao, ac wele breuddwyd [oedd.]

⁸Ac yn foreu y darfu iw yspryd gynhyrfu, yna efe a anfonodd, ac a alwodd am holl ddewiniaid yr Aipht, ai holl ddoethion hi: a Pharao a fynegodd iddynt hwy ei freuddwydion: ond nid [oedd] ai deongle hwynt i Pharao.

⁹Yna y llefarodd y pen-trulliad wrth Pharao, gan ddywedyd: yr wyf fi yn cofio fy meiau heddyw.

¹⁰Llidio a wnaethe Pharao wrth ei wesion, ac efe a’m rhoddes mewn carchar [yn] nhŷ y distain, my fi a’r pen-pobydd.

¹¹Yna y breuddwydiasom freuddwyd yn yr vn nos, mi ag ef: breuddwydiasom bob vn ar ol deongliad ei freuddwyd ei hun.

¹²Ac [yr oedd] yno gyd a nyni langc o Hebread, gwâs i’r distain, pan fynegasom [ein breuddwydion] iddo ef, yntef a ddeonglodd i ni ein breuddwydion, yn ol breuddwyd pôb vn, y deongliodd efe.

¹³A darfu fel y deonglodd i ni felly y bu: rhoddwyd fi eilwaith i’m swydd, ac yntef a grogwyd.

¹⁴Pharao gan hynny a anfonodd, ac a alwodd am Ioseph: hwytheu ar redec ai cyrchasant ef, o’r carchar: yntef a eilliodd [ei wallt,] ac a newidiodd ei ddillad, ac a ddaeth at Pharao.

¹⁵A Pharao a ddywedodd wrth Ioseph, breuddwydiais freuddwyd, ac nid [oes] ai deonglo ef: ond myfi a glywais ddywedyd am danat ti, y gwrandewi freuddwyd iw ddeonglu.

¹⁶Yna Ioseph a attebodd Pharao gan ddywedyd: Duw nid my fi a ettyb lwyddiant i Pharao.

¹⁷Pharao gan hynny a ddywedodd wrth Ioseph: wele fi yn fy mreuddwyd yn sefyll ar fin yr afon.

¹⁸Ac wele ’n escyn o’r afon saith o wartheg tewon o gîg, a theg yr olwg, ac mewn gwyrglodd-dir y porasent.

¹⁹Wele hefyd saith o wartheg eraill yn escyn ar eu hôl hwynt, culion, a thra drwg yr olwg, ac yn druain o gîg: ni welais rai cynddrwg a hwynt yn holl dîr yr Aipht.

²⁰A’r gwarthec culion, a drwg a fwyttasant y saith muwch tewon cyntaf.

²¹Er eu myned iw boliau, ni wyddyd iddynt fyned iw boliau, canys yr olwg arnynt oedd ddrwg megis yn y dechreuad: yna mi a ddeffroais.

²²Gwelais hefyd yn fy mreuddwyd, ac wele saith dwysen llawn, a thêg yn cyfodi o’r vn gorsen.

²³Ac wele saith dwysen teneuon, meinion, wedi eu deifio [gan] ddwyrain-wynt yn tyfu ar eu hol hwynt.

²⁴Yna y twysennau teneuon, a lyngcasant y saith dwysen dêg: a dywedais [hyn] wrth y dewiniaid, ond nid oedd ai deongle i mi.

²⁵Yna y dywedodd Ioseph wrth Pharao, breuddwyd Pharao sydd vn, yr hyn y mae Duw yn ei wneuthur a fynegodd efe i Pharao.

²⁶Y saith o wartheg têg saith mlynedd [ydynt] hwy: a’r saith dwysen têg, saith mlynedd [ydynt] hwy, vn breuddwyd yw hyn.

²⁷Hefyd y saith muwch culion a drwg y rhai [oeddynt] yn escyn ar eu hol hwynt, saith mlynedd [ydynt] hwy: a’r saith dwysen gwag gwedi eu deifio [gen] y dwyrain wynt, a fyddant saith mlynedd o newyn.

²⁸Hwn yw y peth yr hwn a ddywedais i wrth Pharao: yr hyn a wna Duw efe ai dangossodd i Pharao.

²⁹Wele saith mlynedd yn dyfod: o amldra mawr trwy holl wlad yr Aipht.

³⁰Ond ar eu hol hwynt y cyfyd saith mlynedd o newyn, fel yr anghofir yr holl amlder trwy wlad yr Aipht: a newyn a ddifetha y wlâd.

³¹Ac ni wybyddir [oddi wrth] yr amldra cyntaf trwy y wlâd, o herwydd y newyn hwnnw yr hwn [a fydd] wedi hynny: o blegit trwm iawn [fydd] ef.

³²Hefyd am ddyblu y breuddwyd i Pharao ddwywaith, [hynny a fu] o blegit siccrhau y peth gan Dduw, a bod Duw yn bryssio iw wneuthur.

³³Weithian gan hynny edryched Pharao [am] wr deallgar a doeth, a gossoded ef yn swyddog ar wlâd yr Aipht.

³⁴Gwnaed Pharao hyn, sef gossoded olygwyr ar y wlâd a chymmered bummed ran [cnwd] gwlad yr Aipht tros saith mlynedd yr amldra.

³⁵Yna casglant holl ymborth y blynyddoedd daionus hynny y rhai ydynt ar ddyfod: sef casclant ŷd dan law Pharao, a chadwant [ymborth] mewn dinasoedd.

³⁶A bydded yr ymborth yng-hadw i’r wlâd tros saith mlynedd y newyn, y rhai fyddant yng-wlad yr Aipht, fel na ddifether y wlâd gan y newyn.

³⁷A’r peth oedd dda yng-olwg Pharao ac yng-olwg ei holl weision.

³⁸Yna y dywedodd Pharao wrth ei weision, a gaem ni ŵr fel hwn, yr hwn [y mae] yspryd Duw yndo.

³⁹Dywedodd Pharao hefyd wrth Ioseph, wedi gwneuthur o Dduw i ti wybod hyn oll, nid deallgar, na doeth neb wrthit ti.

⁴⁰Ty di a oruwchwili fy nhŷ fi, ac ar dy fîn y cusana fy mhobl oll: [yn] y deyrn-gader yn vnic y byddaf fwy na thy di.

⁴¹Yna y dywedodd Pharao wrth Ioseph, edrych, rhoddais di [yn swyddog] ar holl wlad yr Aipht.

⁴²A thynnod Pharao ei fodrwy oddi ar ei law, ac ai rhoddes hi ar law Ioseph, ac ai gwiscodd ef mewn gwiscoedd sidan ac a ossododd gadwyn aur ’am ei wddf ef.

⁴³Ac a wnaeth iddo ef farchogeth yn yr ail cerbyd yr hwn [oedd] iddo ef ei hun: a llefwyd oi flaen ef Abrec: felly y gossodwyd ef ar holl wlad yr Aipht.

⁴⁴Dywedodd Pharao hefyd wrth Ioseph my fi [ydwyf] Pharao: ac hebot ti ni chyfyd gŵr ei law, nai droed trwy holl wlad yr Aipht.

⁴⁵A Pharao a alwodd henw Ioseph Zaphnath Paaneah, ac a roddes iddo Asnath merch Potiperah offeiriad On yn wraig: yna yr aeth Ioseph allan dros wlad yr Aipht.

⁴⁶Ac Ioseph [ydoedd] fâb deng-mlwydd ar hugain pan safodd ef ger bron Pharao brenin yr Aipht: ac Ioseph aeth allan o wydd Pharao, ac a drammwyodd drwy holl wlad ’r Aipht.

⁴⁷A’r ddaiar a gnydiodd, tros saith mlyned yr amldra, yn ddyrneidiau.

⁴⁸Yntef a gasclodd holl ymborth y saith mlynedd y rhai a fuant yng-wlad yr Aipht, ac a roddes ymborth mewn dinasoedd: ymborth maes y ddinas yr hwn [fyddei] oi hamgylch, a roddes ef oi mewn.

⁴⁹Felly Ioseph a gynnullodd ŷd fel tywod y môr, yn dra lluosoc, hyd oni pheidiodd ai rifo, o blegit [yr ydoedd] heb rifedi.

⁵⁰Ond cyn dyfod [vn] flwyddyn o newyn y ganwyd i Ioseph ddau fâb, y rhai a ymddûg Asnath merch Potiperah offeiriad On iddo ef.

⁵¹Ac Ioseph a alwodd henw y cyntafanedic Manasses: oblegit [eb efe] Duw a wnaeth i mi anghofio fy llafur oll, a thylwyth fy-nhad oll.

⁵²Ac efe a alwodd henw ’r ail Ephraim, oblegit [eb efe] Duw ’am ffrwythlonodd i yngwlad fyng-orthrymder.

⁵³Yna y darfu saith mlynedd yr amldra, y rhai a fuant yng-wlad yr Aipht.

⁵⁴A’r saith mlynedd newynoc, a ddechreuasant ddyfod fel y dywedase Ioseph: ac yr oedd newyn yn yr holl wledydd: ond yn holl wlad yr Aipht yr ydoedd bara.

⁵⁵Felly y newynodd holl wlad yr Aipht: ’ar bobl a waeddodd ar Pharao, am fara: a Pharao a ddywedodd wrth yr holl Aiphtiaid, ewch at Ioseph: yr hyn a ddywedo efe wrthych gwnewch.

⁵⁶Y newyn hefyd ydoedd, ar holl wyneb y ddaiar: Ioseph gan hynny a agorodd yr holl [leoedd] yr hai [’r ydoedd ŷd] ynddynt, ac a werthodd ’ir Aiphtiaid: o blegit gorfuase y newyn yng-wlad yr Aipht.

⁵⁷A’m hynny y daeth holl wledydd yr Aipht at Ioseph i brynnu: o herwydd gorfuase y newyn yn yr holl wledydd.