Read William Morgan Bible 1588 original edition Genesis 46 Bible Online

Genesis 46 - William Morgan Bible 1588 original edition bible

Genesis 46

¹1 Mynediad Iacob i’r Aipht. 8 Pa hiliogaeth oedd iddo’r amser hwnnw. 29 Ioseph yn cyfarfod ai dâd. Yna y cychwnnodd Israel, a’r hyn oll oedd ganddo, ac a ddaeth i Beerseba, ac a aberthodd ebyrth i Dduw ei dâd Isaac.

²Yna y llefarodd Duw wrth Israel mewn gweledigaethau nôs, ac a ddywedodd, Iacob, Iacob? yntef a ddywedodd wele fi.

³Yna y dywedodd, my fi [ydwyf] Dduw [sef] Duw dy dâd, nac ofna rhac myned i wared i’r Aipht; canys gosodaf di yno yn genhedlaeth fawr.

⁴Myfi âf i wared gyd a thi i’r Aipht, a myfi gan ddwyn i fynu, a’th ddygaf di i fynu: Ioseph hefyd a esyd ei law ar dy lygaid.

⁵Yna y cyfododd Iacob o Beerseba, a meibion Israel a ddugasant Iacob eu tâd, ai plant, ai gwragedd, yn y cerbydau y rhai a anfonase Pharao iw ddwyn ef.

⁶Cymmerasant hefyd eu hanifeiliaid, ai golud a gasglasent yn nhîr Canaan, ac a ddaethant tua’r Aipht, Iacob, ai holl hioliogaeth gyd ag ef.

⁷Ei feibion, a meibion ei feibion gyd ag ef, ei ferched, a merched ei feibion, ai holl hâd a ddug efe gyd ag ef i’r Aipht.

⁸Ac dymma henwau meibion Israel, y rhai a ddaethant i’r Aipht, Iacob, ai feibion, cynfab Iacob [oedd] Ruben.

⁹A meibion Ruben; Hanoch, a Phalu, Hesron hefyd, a Charmi.

¹⁰A meibion Simeon, Iemuel, ac Iamin, ac Ohad, ac Iachin, a Sohar, a Saul mâb y Canaanaæes.

¹¹Meibion Lefi hefyd, Gerson, Cehath, a Merari.

¹²A meibion Iuda Er, ac Onan, a Selah, Phares hefyd, a Zarah, a buase farw Er ac Onan yn nhir Canaan. A meibion Phares oeddynt Hesron, a Hamul.

¹³Meibion Isachar hefyd: Thola, a Phuah, ac Iob, a Simron.

¹⁴A meibion Zabulon, Sered, ac Elon, a Iahelel.

¹⁵Dymma feibion Lea y rhai a blantodd hi i Iacob ym Mesopotamia, a Dina ei ferch: ei feibion, ai ferched, [oeddynt] oll dri dŷn ar ddec ar hugain.

¹⁶A meibion Gad: Siphion, ac Haggi, Suni, ac Esbon, Eri, ac Arodi, ac Areli.

¹⁷A meibion Aser Imnah, ac Iisuah, ac Iisui, a Beriah, a Serah eu chwaer hwynt. A meibion Beriah: Heber, a Malchiel.

¹⁸Dymma feibion Zilpha yr hon a rodd Laban i Lea ei ferch, a hi a blantodd y rhai hyn i Iacob [sef] vn dŷn ar bymthec.

¹⁹Meibion Rahel, gwraig Iacob [oeddynt] Ioseph a Beniamin.

²⁰Ac i Ioseph y ganwyd yn nhîr yr Aipht Manasses, ac Ephraim, y rhai a blantodd Asnath merch Potiperah offeiriad On.

²¹A meibion Beniamin: Bela, a Becher, ac Asbel, Gera, a Naaman, Ehi, a Ros, Muppim a Huppim, ac Ard.

²²Dymma feibion Rahel y rhai a blantodd hi i Iacob, yn bedwar dyn ar ddêc oll:

²³A meibion Dan [oedd] Husim.

²⁴A meibion Nephthali: Iahseel, a Guni, ac Ieser, a Sillem.

²⁵Dymma feibion Bilha yr hon a rodd Laban i Rahel ei ferch: a hi a blantodd y rhai hyn i Iacob yn saith nŷn oll.

²⁶Yr holl ddynion y rhai a ddaethant gyd ag Iacob i’r Aipht yn dyfod allan oi ystlys ef heblaw gwragedd meibion Iacob [oeddynt] oll chwe dyn a thrugain.

²⁷A meibion Ioseph y rhai a anwyd iddo ef yn yr Aipht [oeddynt] ddau ddyn: yr holl ddynion y rhai a ddaethant i’r Aipht o dŷ Iacob [oeddynt] ddec a thrugain.

²⁸Ac efe a anfonodd Iuda oi flaen at Ioseph i fynegu cyn ei ddyfodiad ef i Gosen: yna y daethant i dîr Gosen.

²⁹Ac Ioseph a ddarparodd ei gerbyd, ac a aeth i fynu i gyfarfod ag Israel ei dâd i Gosen. Yna efe a ymddangossodd iddo: ac a syrthiodd, ar ei wddf, ac wylodd ar ei wddf ef ennyd.

³⁰Yna y dywedodd Israel wrth Ioseph, byddaf farw bellach, wedi i’m weled dy wyneb, gan dy fod ti yn fyw etto.

³¹A dywedodd Ioseph wrth ei frodyr, ac wrth deulu ei dâd, mi a âf i fynu, ac a fynegaf i Pharao, ac a ddywedaf wrtho, fy mrodyr, a theulu fy-nhad, y rhai [oeddynt] yn nhir Canaan, a ddaethant attaf fi.

³²A dynion yn bugeilio defaid ydynt, canys perchennogion anifeiliaid yddynt, a dugasant [ymma] eu praidd, ai gwarthec, a’r hyn oll [oedd] ganddynt.

³³A bydded os geilw Pharao am danoch, a dywedyd, beth [yw] eich gwaith?

³⁴Yna ddywedyd o honoch: dy weision fuant drin-wyr anifeiliaid, o’u hieuenctyd hyd yr awr hon: nyni a’n tadau hefyd: er mwyn cael o honoch drigo yn nhir Gosen. Canys ffieidd-dra’r Aiphtiaid [yw] pôb bugail praidd.