Read William Morgan Bible 1588 original edition Genesis 7 Bible Online

Genesis 7 - William Morgan Bible 1588 original edition bible

Genesis 7

¹1 Mynediad Noah ai eiddo i’r Arch 17 y diluw yn dyfod, ac yn difetha y rhann arall o’r byd. Yna y dywedodd yr Arglwydd wrth Noah, dôs di, a’th holl dŷ i’r Arch: canys tydi a welais i yn gyfiawn yn yr oes hon, ger fy mron i.

²O bôb anifail glân y cymmeri gyd a thi bôb yn saith, y gwryw ai fanyw, a dau o’r anifailiaid y rhai nid ydynt lân, y gwryw ai fanyw:

³O ehediaid y nefoedd hefyd, bôb yn saith, yn wryw ac yn fenyw, i gadw hâd yn fyw, ar wyneb yr holl ddaiar.

⁴O blegit wedi saith niwrnod etto, mi a lawiaf ar y ddaiar ddeugain nhiwrnod, a deugain nhôs: a mi a ddeleaf oddi ar wyneb y ddaiar bôb peth byw a’r a wneuthum i.

⁵A Noah a wnaeth yn ol yr hyn oll a orchymynnase yr Arglwydd iddo.

⁶Noah hefyd [ydoedd] fâb chwe chan mlwydd, pan fu y diluw dyfroedd ar y ddaiar.

⁷Yna y daeth Noah, ai feibion, ai wraig, a gwragedd ei feibion gyd ag ef i’r Arch, rhac y dwfr diluw.

⁸O’r anifeiliaid glân, ac o’r anifeiliaid y rhai nid [oeddynt] lân, o’r ehediaid hefyd, ac o’r hyn oll a ymlusce ar y ddaiar,

⁹Y daethant at Noah i’r Arch bôb yn ddau, yn wryw, ac yn fanyw, fel y gorchymynnase Duw i Noah.

¹⁰Ac wedi saith niwrnod y dwfr diluw a ddaeth ar y ddaiar.

¹¹Yn y chwe chanfed flwyddyn o fywyd Noah, yn yr ail mîs, ar yr ail dydd ar bymthec o’r mîs, ar y dydd hwnnw y rwygwyd holl ffynhonnau y dyfnder mawr, a ffenestri y nefoedd a agorwyd.

¹²Ar glaw fu ar y ddaiar ddeugain nhiwrnod, a deugain nhos.

¹³O fewn corph y dydd hwnnw y daeth Noah, a Sem, a Cham, a Iapheth, meibion Noah, a gwraig Noah, a thair gwragedd ei feibion ef gyd a hwynt i’r Arch.

¹⁴Hwynt, a phôb bwyst-fil wrth ei rywogaeth, a phôb anifail wrth ei rywogaeth, a phôb ymlusciad a ymlusce ar y ddaiar wrth ei rywogaeth, a phôb ehediad wrth ei rywogaeth, [sef] pôb rhyw aderyn.

¹⁵A daethant at Noah i’r Arch bôb yn ddau, o bôb cnawd yr hwn [yr oedd] ynddo anadl enioes.

¹⁶A’r rhai a ddaethant, yn wryw, a banyw y daethant o bôb cnawd, fel y gorchymynnase Duw iddo, yna’r Arglwydd a gaeodd arno ef.

¹⁷A’r diluw fu ddeugain nhiwrnod ar y ddaiar, a’r dyfroedd a amlhausant, fel y dygasant yr Arch, ac y codwyd hi oddi ar y ddaiar.

¹⁸A’r dyfroedd a ymgryfhasant, ac a amlhausant yn ddirfawr ar y ddaiar, a’r Arch a rodiodd ar hyd wyneb y dyfroedd.

¹⁹A’r dyfroedd a ymgryfhasant yn ddirfawr iawn ar y ddaiar, a gorchguddiwyd yr holl fynyddoedd uchel yr rhai oeddynt tann yr holl nefoedd.

²⁰Pymthec cufydd yr ymgryfhaodd y dyfroedd, tuac i fynu wedi gorchguddi y mynyddoedd.

²¹Yna y bu farw pôb cnawd yr hwn a ymlusce ar y ddaiar, yn ehediaid, ac yn anifeiliaid ac yn fwyst-filod, ac yn bôb [rhyw] ymlusciad a ymlusce ar y ddaiar, a phôb dŷn [hefyd.]

²²Yr hyn oll [yr oedd] ffûn anadl enioes yn ei ffroenau: o’r hyn oll [ydoedd] ar y sych-dir a fuant feirw.

²³Ac efe a ddeleodd bôb sylwedd byw a’r a [oedd] ar wyneb y ddaiar, yn ddŷn, ac yn anifail, yn ymlusciaid, ac yn ehediaid o’r nefoedd; ie, delewyd hwynt o’r ddaiar: a Noah a’r rhai [oedynt] gyd ag ef yn yr Arch yn unic a adawyd yn fyw.

²⁴A’r dyfroedd a ymgryfhasant ar y ddaiar, ddeng nhiwrnod a deugain, a chant.