Read William Morgan Bible 1588 original edition 2.Samuel 11 Bible Online

2.Samuel 11 - William Morgan Bible 1588 original edition bible

2.Samuel 11

¹Dafydd yn gwneuthur godineb a gwraig Urias. 14 yn peri lladd Urias. 27 ac yn priodi y wraig. Ac yng-hyfnod y flwyddyn yn yr amser y bydde y brenhinoedd yn myned allan [i ryfel] y danfonodd Dafydd Ioab ai weision gyd ag ef, a holl Israel, a hwy a ddestruwiasant feibion Ammon, ac a warchaeasant ar Rabba, a Dafydd oedd yn aros yn Ierusalem.

²Pan ydoedd hi yn bryd nawn, yna y cyfododd Dafydd oddi ar ei wely, ac a rodiodd ar nenn tŷ y brenin, ac oddi ar y nenn efe a ganfu wraig yn ymolchi: a’r wraig oedd dêg iawn yr olwg.

³Yna Dafydd a anfonodd, ac a ymofynnodd am y wraig: ac a ddywedodd, onid hon [yw] Bathseba merch Eliam, gwraig Urias yr Hethiad?

⁴A Dafydd a anfonodd gennadau, ac ai cymmerth hi, a hi a ddaeth i mewn atto ef, ac efe, a orweddodd gyd a hi, a hi a ymlanhaodd oi haflendid, ac a ddychwelodd iw thŷ ei hun.

⁵A’r wraig a fechiogodd: ac a anfonodd, ac a fynegodd i Dafydd, ac a ddywedodd: yr ydwyfi yn feichiog.

⁶Yna Dafydd a anfonodd at Ioab [gan ddywedyd, danfon attafi Urias yr Hethiad: ac Ioab a anfonodd Urias at Ddafydd.

⁷Pan ddaeth Urias attoef, yna Dafydd a a ymofynnodd am lwyddiant Ioab, at am Iwyddiant y bobl, ac am ffynniant y rhyfel.

⁸Dywedodd Dafydd hefyd wrth Urias, dos i wared i’th dŷ, a golch dy draed: ac Urias a aeth allan o dŷ’r brenin, a saig y brenin aeth ar ei ôl ef.

⁹Ond Urias a gyscodd wrth ddrws tŷ y brenin gyd a holl weision ei arglwydd: at nid aeth efe i wared iw dy ei hun.

¹⁰Yna y mynegasant i Ddafydd gan ddywedyd, nid aeth Urias i wared iw dŷ ei hun: a Dafydd a ddywedodd wrth Urias, onid o’th daith yr ydwyt ti yn dyfod? pa ham nad aethost ti i wared i’th dŷ dy hun?

¹¹A dywedodd Urias wrth Ddafydd, yr Arch, Israel hefyd, ac Iuda ydynt’n aros mewn pebyll, ac Ioab fy meistr, a gwesion fy meistr ydynt yn gwerssyllu ar hŷd wyneb y maes, a âfi gan hynny i’m tŷ fy hun, i fwytta, ac i yfed, ac i orwedd gyd a’m gwraig? [mynn] dy enioes di, ac enioes dy enaid di ni wnaf y peth hyn.

¹²Yna Dafydd a ddywedodd wrth Urias, aros ymma etto heddyw, ac y foru i’th ollyngaf di: ac Urias a arhosodd yn Ierusalem y dwthwn hwnnm, a thrannoeth.

¹³Yna Dafydd ai galwodd ef, i fwytta, ac i yfed ger ei fron ef, ac ai meddwodd ef: ac yn hwyr efe a aeth i orwedd iw guficl gyd a gweision ei arglwydd, ac nid aeth efe: wared iw dŷ ei hun.

¹⁴A’r boreu yr scrifennodd Dafydd lythr at Ioab, ac ai hanfonod gyd ag Urias.

¹⁵Ac efe a scrifennodd yn ei lythr gan ddywedyd: cyfleuwch Urias ar gyfer wyneb y rhyfel-wŷr glewaf, a dychwelwch oi ôl ef, fel y tarewer ef, ac y byddo efe marw.

¹⁶A phan oedd Ioab yn gwarche ar y ddinas: yna efe a roddes Urias yn y lle yr hwn y gwydded efe fod y gwŷr nerthol ynddo.

¹⁷A gwŷr y ddinas a aethant allan, ac a ymlladdasant ag Ioab, a syrthiodd [rhai] o’r bobl, [sef] o weision Dafydd: ac Urias yr Hethiad a fu farw hefyd.

¹⁸Yna Ioab a anfonodd, ac a fynegodd i Ddafydd holl hanes y rhyfel.

¹⁹Ac efe a orchymynnodd i’r gennad, gan ddywedyd: pan orphennech lefaru holl hanes y rhyfel wrth y brenin,

²⁰Yna os cyfyd llidiawgrwydd y brenin fel y dywedo wrthit, pa ham y nessauasoch at y ddinas i ryfela? oni wyddech y taflent hwy oddi ar y gaer?

²¹Pwy a darawodd Abimelec fab Ierubbeseth? onid gwraig a daflodd arno ef ddarn o faen melin oddi ar y mûr fel y bu efe farw yn Thebes? pa ham y nessauasoch at y mûr? yna y dywedi, dy wâs Urias yr Hethiad a fu farw hefyd.

²²Felly y gennad a aeth, ac a ddaeth ac a fynegodd i Ddafydd yr hyn oll yr anfonase Ioab ef [iw fynegu.]

²³Yna yr gennad a ddywedodd wrth Ddafydd, yn ddiau y gwŷr oeddynt dréch na ni, ac a ddaethant attom ni i’r maes: ninneu hefyd a aethom arnynt hwy hyd ddrŵs y porth.

²⁴A’r saethyddion a saethasant at dy weision oddi ar y mûr, a [rhai] o weision y brenin a fuant feirw: a’th was Urias yr Dethiad a fu farw hefyd.

²⁵Yna Dafydd a ddywedodd wrth y gennad, fel hyn y dywedi di wrth Ioab, na fydded yn ddrwg yn dy olwg di y peth hyn, canys fel hyn, ac fel hyn y difetha y cleddyf: cadarnhâ dy ryfel yn erbyn y ddinas, fel y destruwiech hi, a chyssura dithe ef.

²⁶Pan glybu gwraig Urias farw Urias ei gŵr: yna y galarodd hi am ei phriôd.

²⁷A [phan] aeth y galar heibio, yna Dafydd a anfonodd, ac ai dûg hi iw dy ef, i fod iddo ef yn wraig, a hi a ymddug iddo ef fâb: a drwg yngolwg yr Arglwydd oedd y peth a wnaethe Dafydd.