Read William Morgan Bible 1588 original edition 2.Samuel 2 Bible Online

2.Samuel 2 - William Morgan Bible 1588 original edition bible

2.Samuel 2

¹Eneiniad Dafydd yn Hebron ac Iuda. 8 Isboseth yn llywodraethu Israel trwy help Abner. 17 Gwyr Dafydd yn gorchfygu gwyr Abner. Ac yn ôl hyn yr ymgynghorodd Dafydd a’r Arglwydd gan ddywedyd, a âfi i fynu i vn o ddinasoedd Iuda? a’r Arglwydd a ddywedodd wrtho ef, dôs i fynu: yna y dywedodd Dafydd, i ba le yr âf i fynu? dywedodd yntef, i Hebron.

²Yna Dafydd a aeth i fynu yno, ai ddwy wragedd hefyd Ahinoam yr Iezralithes, ac Abigail gwraig Nabal y Carmeliad.

³A Dafydd a ddug i fynu ei wŷr y rhai [oeddynt] gyd ag ef, pob vn ai deulu: a hwy a arhosasant yn ninasoedd Hebron.

⁴Yna gwŷr Iuda a ddaethant, ac a eneiniasant Ddafydd yno yn frenin ar dŷ Iuda: a mynegasant i Ddafydd gan ddywedyd, mai gwŷr Iabes Gilead a gladdasent Saul.

⁵A Dafydd a anfonodd gennadau at wyr Iabes Gilead, ac a dywedodd wrthynt hwy: bendigedic [ydych] chwi i’r Arglwydd, y rhai a wnaethoch y drugaredd hon a’ch arglwydd Saul, ac ai claddasoch ef.

⁶Ac yn awr yr Arglwydd a waelo a chwi drugaredd, a gwirionedd: minne hefyd a dalaf i chwi am y daioni hwn, o blegit i chwi wneuthur y peth hyn.

⁷Yn awr gan hynny, ymnerthed eich dwylo, a byddwch feibion grymmus: canys marw a fu eich arglwydd Saul, a thy Iuda a’m heneiniasant innef yn frenin arnynt hwy.

⁸Ond Abner mab Ner tywysog y filwriaeth yr hon [oedd] gan Saul a gymmerth Isboseth fab Saul, ac ai dug ef i Mahanaim.

⁹Ac ai gosododd ef yn frenin ar Gilead, ac ar yr Assuriaid, ac ar Iezrahel: ac ar Ephraim ac ar Beniamin, ac ar holl Israel.

¹⁰Mab deu-gain-mlwydd [oedd] Isboseth mab Saul, pan deyrnasodd efe ar Israel, a dwy flynedd y teyrnasodd efe: tŷ Iuda yn vnic oeddynt gyd a Dafydd.

¹¹(A rhifedi y dyddiau y rhai y bu Dafydd yn frenin yn Hebron ar dŷ Iuda oedd saith mlynedd, a chwe mis.

¹²Ac Abner mab Ner, a gweision Isboseth fab Saul a aethant allan o Mahanaim i Gibeon.

¹³Ioab hefyd mab Serfia, a gweision Dafydd a aethant allan, ac a gyfarfuant a hwynt wrth lynn Gibeon: a’r rhai hyn a eisteddasant wrth y llynn or nailldu, a’r lleill wrth y llynn o’r tu arall.

¹⁴Yna Abner a ddywedodd wrth Ioab, cyfoded yn awr y llangciau, a chwarânt ger ein bronnau ni: a dywedodd Ioab cyfodant.

¹⁵Yna y cyfodasant, ac yr aethant trosodd dan rif: deuddec o Beniamin, sef oddi wrth Isboseth fab Saul, a deuddec o weision Dafydd.

¹⁶A phob vn a ymaflodd ym mhen ei gilydd ac [a yrrodd] ei gleddyf yn ystlys ei gyfell, felly y cyd syrthiasant hwy: am hynny y galwyd y lle hwnnw erw’r cryfion yr hon [sydd] yn Gibeon.

¹⁷A bu ryfel caled iawn y dwthwn hwnnw: a tharawyd Abner, a gwŷr Israel o flaen gweision Dafydd.

¹⁸A thri mab Serfia oeddynt yno, [sef] Ioab, ac Abisai, ac Asahel: ac Asahel [oedd] mor fuan ar ei draed ag vn o’r iwrchod y rhai [ydynt] yn y maes.

¹⁹Ac Asahel a ddilynodd ar ôl Abner: ac wrth fyned ni throdd ar y tu dehau, nac ar y tu asswy oddi ar ôl Abner.

²⁰Yna Abner a edrychodd oi ôl ac a ddywedodd, ai tydi [fydd] ymma Asahel? a dywedodd yntef [îe] myfi.

²¹Yna y dywedodd Abner wrtho ef, trô ar dy law ddehau, neu ar dy law asswy, a dal it vn o’r llangciau, a chymmer it ei arfau ef: ond ni fynne Asahel droi oddi ar ei ôl ef.

²²Ac Abner a ddywedodd eilwaith wrth Asahel, cilia di oddi ar fy ôl i: i ba beth y tarawaf di i lawr, canys pa fodd y codwn fyng-olwg ar Ioab dy frawd ti [wedi hynny?]

²³Pan wrthododd efe ymado, yna Abner ai tarawodd ef a bôn y waiw-ffon tann y bummed [ais,] a’r waiw-ffon a’ aeth allan o’r tu cefn iddo ef, fel y syrthiodd efe yno, ac y bu farw yn ei lê: a phawb a’r oedd yn dyfod i’r lle yr hwn y syrthiase Asahel ynddo, ac y buase efe farw, a safasant.

²⁴Ioab hefyd, ac Abisai a erlidiasant ar ôl Abner: pan fachludodd yr haul yna hwy a ddaethant hyd frynn Ammah yr hwn [sydd] gyferbyn a Giah tu ag anialwch Gibeon.

²⁵A meibion Beniamin a ymgasclasant ar ôl Abner, ac yr oeddynt yn un fintai: ac a safasant ar benn vn brynn.

²⁶Yna Abner a alwodd ar Ioab, ac a ddywedodd, ai byth y dinistria’r cleddyf? oni wyddost ti mai chwerwder fydd yn y diwedd? hyd ba bryd gan hynny y byddi heb ddywedyd wrth y bobl am ddychwelyd oddi ar ôl eu brodyr hwynt?

²⁷A dywedodd Ioab, fel mai byw yw Duw oni buase [yr hyn] a ddywedaist, diau yna y borau’r aethe y bobl i fynu, bob vn oddi ar ôl ei frawd.

²⁸Felly Ioab a vdcanodd mewn vdcorn, a’r holl bobl a safasant, ac nid erlidiasant mwyach ar ôl Israel, ac ni chwanegasant ymladd mwyach.

²⁹Yna Abner ai wŷr a aethant drwy’r rhos ar hyd y nôs honno: ac aethant tros yr Iorddonen, a thrammwyasant holl Bithron, a daethant i Mahanaim.

³⁰Ac Ioab a ddychwelodd oddi ar ôl Abner, ac a gasclodd yr holl bobl: ac yr oedd yn eisieu o weision Dafydd bedwar gŵr ar bymthec ac Asahel.

³¹A gweision Dafydd a darawsent o Beniamin, ac o wŷr Abner dry-chant, a thri vgain gŵr [fel] y buant feirw.

³²A hwy a ddugasant Asahel, ac ai claddasant ef ym meddrod ei dâd yr hwy [oedd] yn Bethlehem: ac Ioab ai wŷr a rodiasant ar hyd y nôs, ac yn Hebron y goleuodd arnynt hwy.