Read William Morgan Bible 1588 original edition 2.Samuel 20 Bible Online

2.Samuel 20 - William Morgan Bible 1588 original edition bible

2.Samuel 20

¹Seba yn gwrthryfela yn erbyn Dafydd. 10 Ioab trwy frâd yn lladd Amasa. 22 Dihenydd Seba. Ac yno y digwyddodd bod gŵr i’r fall ai enw Seba mab Bichri, gŵr o Iemini: ac efe a vdcanodd mewn vdcorn, ac a ddywedodd, nid oes i ni rann mewn Dafydd, nac etifeddiaeth i ni ym mab Isai, [eled] pawb iw babell, ô Israel.

²Felly holl wŷr Israel a aethant i wared oddi ar ôl Dafydd ar ôl Seba mab Bichri: ond gwŷr Iuda a lynâsant wrth ei brenin o’r Iorddonen hyd Ierusalem.

³Pan ddaeth Dafydd iw dŷ ei hun i Ierusalem, yna y brenin a gymmerth y dêc gordderch-wraig y rhai a adawse efe i gadw yr tŷ, ac ai rhoddes hwynt [mewn] carchar-dŷ, ac ai porthodd hwynt, ond nid aeth efe i mewn attynt hwy, eithr buant yn rhwym hyd ddydd eu marwolaeth yn byw mewn gweddwdod.

⁴Yna y dywedodd y brenin wrth Amasa, dyfyn i mi wyr Iuda [erbyn] y trydydd dydd: a saf dithe ymma.

⁵Felly Amasa a aeth i ddyfyn Iuda: ond efe a drigodd yn hwy na’r amser terfynedic yr hwn a osodase efe iddo.

⁶Yna y dywedodd Dafydd wrth Abisai, Seba mab Bichri a’n dryga ni yn waeth nac Absalom: cymmer di weision dy arglwydd ac erlid ar ei ôl ef, rhac iddo gael y dinasoedd caeroc, a diangc [o’n] golwg ni.

⁷A gwŷr Ioab, a’r Cerethiaid, y Pelethiaid hefyd, a’r holl gedyrn a aethant ar ei ôl ef: ac aethant allan o Ierusalem, i erlid ar ôl Seba mab Bichri.

⁸[Pan oeddynt] hwy wrth y maen mawr yr hwn [sydd] yn Gibeon, yna Amasa a ddaeth oi blaen hwynt: ac Ioab oedd wedi gwregysu ei gochol ar ei ddillad, ac arni [yr oedd] gwregys [a] chleddyf wedi ei gwplysu wrth ei lwynau ef mewn gwain, pan ele efe [y cleddyf] a syrthie.

⁹A dywedodd Ioab wrth Amasa, a wyt ti yn llawen fy mrawd? a llaw ddehau Ioab a ymaflodd ym marf Amasa iw gussanu ef.

¹⁰Ond ni ymochelodd Amasa rhac y cleddyf yr hwn [oedd] yn llaw Ioab, canys ag ef y tarawodd efe ef dan y bummed [ais,] ac a ollyngodd ei berfedd ef i’r llawr, ac nid ail darawodd ef, felly efe a fu farw: yna Ioab, ac Abisai ei frawd a ganllynodd ar ôl Seba mab Bichri.

¹¹Ac vn o weision Ioab oedd yn sefyll yn ei ymyl ef: ac a ddywedodd, pwy bynnac a’r a ewyllysio [yn dda] i Ioab, a phwy bynnac ar a [ewyllysio yn dda] i Ddafydd [eled] ar ôl Ioab.

¹²Ac Amasa a ymdrabaeddase mewn gwaed yng-hanol y briffordd: pan welodd y y gŵr sefyll o’r holl bobl, yna efe a symmudodd Amasa oddi ar y briffordd i’r maes, ac a daflodd gadach arno ef, pan welodd efe bawb ar a oedd yn dyfod atto ef yn sefyll.

¹³Pan symmudwyd ef oddi ar y briffordd: yr holl wyr a aethant ar ôl Ioab i erlid ar ôl Seba mâb Bichri.

¹⁴Ac efe a drammwyodd drwy holl lwythau Israel i Abel, ac i Beth-maacha, ac i holl [leoedd] Berim: ac hwy a ymgasclasant ac a ddaethant arei ôl ef.

¹⁵Felly y daethant hwy, ac a warchauasant arno ef yn Abel Beth-maacha, ac a fwriasant glawdd yn erbyn y ddinas [yr hon] a safodd [ei phobl] ar y rhagfur: a’r holl bobl y rhai [oeddynt] gyd ag Ioab oeddynt yn dinistrio, gan gwympo y mûr.

¹⁶Yna gwraig ddoeth o’r ddinas, a lefodd: clywch, clywch, dywedwch attolwg wrth Ioab, nessâ hyd ymma fel yr ymddiddan wyf a thi.

¹⁷Pan nessaodd efe atti hi, yna y wraig a ddywedodd ai ti [yw] Ioab? diwedodd yntef [îe] myfi: a hi a ddywedodd wrtho ef, gwrando eiriau dy lawforwyn, dywedodd yntef yr ydwyf yn gwrando.

¹⁸Yna hi a ddywedodd, fel hyn gynt y llefarent gan ddywedyd, ac y gofynnent [am heddwch] yn Abel, ac felly y cwplaent.

¹⁹Myfi [ydwyf vn] o heddychol ffyddloniaid Israel: ti ydwyt yn ceisio difetha dinas a mam yn Israel, pa ham y difethi di etifeddiaeth yr Arglwydd?

²⁰Ac Ioab a attebodd: ac a ddywedodd, na atto Duw, na atto Duw i mi, na difetha na dinistrio.

²¹Nid felly [y mae] yr peth, eithr gŵr o fynydd Ephraim (Seba mab Bichri [yw] ei enw ef) a dderchafodd ei law yn erbyn y brenin Dafydd, rhoddwch ef yn vnic, ac mi a âf ymmaith oddi wrth y ddinas: a dywedodd y wraig wrth Ioab, wele ei benn ef a fwrir attat ti dros y mûr.

²²Yna yr wraig oi doethineb ei hun a aeth at yr holl bobl, a hwynt a dorrasant ben Seba mab Bichri, ac ai taflasant ac Ioab, yna efe a vdcanodd mewn vdcorn, ac bwy a wascarasant oddi wrth y ddinas, pôb vn iw pabellau: ac Ioab a ddychwelodd i Ierusalem at y brenin.

²³Yna Ioab [oedd] ar holl luoedd Israel: a Banaiah mab Iehoiada ar y Cerethiaid, ac ar y Pelethiaid.

²⁴Ac Adoram [oedd] ar y drêth: ac Iosaphat mab Ahilud yn gofiadur.

²⁵Seia hefyd yn scrifennudd: a Zadoc, ac Abiathar yn offeiriaid.

²⁶Ira hefyd yr Iairiad oedd raglaw i Ddafydd.