Read William Morgan Bible 1588 original edition 2.Samuel 21 Bible Online

2.Samuel 21 - William Morgan Bible 1588 original edition bible

2.Samuel 21

¹Newyn mawr yn Israel am bechod Saul hyd oni chrogwyd pump oi hiliogaeth ef. 15 Pedair câd rhwng Dafydd a’r Philistiaid. A bu newyn yn nyddiau Dafydd dair blynedd ôl ynol, yna Dafydd a ofynnodd gyngor ger bron yr Arglwydd: a’r Arglwydd a ddywedodd, o herwydd Saul, ac o herwydd [ei] dŷ gwaedlyd [y mae hyn,] o blegit lladd o honaw ef y Gibeoniaid.

²Yna yr brenin a alwodd am y Gibeoniaid, ac a ymddiddanodd a hwynt: (a’r Gibeoniaid hynny nid [oeddent] o feibion Israel, onid o weddill yr Amoriaid, a meibion Israel a dyngasent iddynt hwy, etto Saul a geisiodd eu lladd hwynt oi serch i feibion Israel, ac Iuda. )

³A Dafydd a ddywedodd wrth y Gibeoniaid beth a wnaf i chwi? ac a pha beth y gwnaf iawn, fel y bendithioch chwi etifeddiaeth yr Arglwydd?

⁴A’r Gibeoniaid a ddywedasant wrtho ef, ni fynnwn ni arian, nac aur gan Saul, na chan ei dŷ ef, ac ni fynnwn ni ladd neb yn Israel: ac efe a ddywedodd, yr hyn a ddywedoch chwi a wnaf i chwi.

⁵Yna y dywedasant hwy wrth y brenin, y gŵr yr hwn a’n difethodd ni, ac a fwriadodd i’n herbyn ni: [drwy’r hwn] ei’n dinistriwyd ni rhac sefyll yn vn o derfynau Israel,

⁶Rhodder i ni saith o wŷr oi feibion ef, fel y crogom ni hwynt i’r Arglwydd yn Gibea Saul (ô ddewisedic yr Arglwydd: ) a dywedodd y brenin, myfi ai rhoddaf.

⁷Ond y brenin a dosturiodd wrth Mephiboseth fab Ionachan, fab Saul: o herwydd llŵ yr Arglwydd yr hwn [oedd] rhyngddynt hwy [sef] rhwng Dafydd, ac Ionathan mab Saul.

⁸A’r brenin a gymmerth ddau fab Rispha merch Aia y rhai a ymddug hi i Saul [sef] Armoni a Mephiboseth: a phum mab [ chwaer] Michol merch Saul y rhai a blantodd hi i Adriel fab Barzelai y Maholathiad.

⁹Ac efe ai rhoddes hwynt yn llaw y Gibeoniaid, ac hwynt ai crogasant hwy yn y mynydd ger bron yr Arglwydd, a’r saith hyn a gyd gwympasant: a hwynt a roddwyd i farwolaeth yn y dyddiau cyntaf [o’r] cynhaiaf, yn nechreuad cynhaiaf yr haidd.

¹⁰Yna Rispha merch Aia a gymmerch sach-liain, ac hi ai hestynnodd ef iddi ai y graig o ddechreu y cynhaiaf nes defêru dwfr arnynt hwy o’r nefoedd: ac ni adawodd hi i ehediaid y y nefoedd orphywys arnynt hwy y dydd, na bwyst-fil y maes liw nôs.

¹¹A mynegwyd i Ddafydd yr hyn a wnaethe Rispha merch Aia gordderch wraig Saul.

¹²Yna yr aeth Dafydd, ac a ddûg escyrn Saul, ac escyrn Ionathan ei fab ef oddi wrth berchennogion Iabes Gilead: y rhai ai lledratasent hwy o heol Bethsan yr hon y crogafe y Philistiaid hwynt ynddi, y diwrnod y lladdodd y Philistiaid Saul yn Gilboa.

¹³Felly y dûg efe i fynu oddi yno escyrn Saul, ac escyrn Ionathan ei fab ef: a hwynt a gasclasant escym y rhai a grogasid.

¹⁴A hwynt a gladdasant escyrn Saul, ac Ionathan ei fab yng-wlad Beniamin yn Zela ym meddrod Cis ei dad, a hwy a wnaethant yr hyn oll a orchymynnase yr brenin: a bu Duw yn fodlon i’r wlâd ar ôl hyn.

¹⁵A bu eil-waith ryfel rhwng y Philistiaid, ag Israel: a Dafydd a aeth i wared at weision gyd ag ef, ac hwy a ymladdasant a’r Philistiaid, a deffygiodd Dafydd.

¹⁶Yna Iesbibenob yr hwn [oedd] o feibion rhyw gawr, (a phwys ei waiwffon ef yn drychant sicl o brês) ac efe oedd wedi ei wregysu [a chleddyf] newydd, a feddyliodd ladd Dafydd.

¹⁷Ond Abisai mab Serfia ai helpiodd ef, ac a darawodd y Philistiad, ac ai lladdodd ef: yna gwyr Dafydd a dyngasant wrtho ef gan ddywedyd, nid ei di allan mwyach gyd a ni i ryfel, rhac it ddiffoddi goleuni Israel.

¹⁸Ac ar ôl hyn fe fu eil-waith ryfel yn Gob yn erbyn y Philistiaid: yna Sibbechai yr Husiad a laddodd Saph yr Hwn [oedd] o feibion y cawr.

¹⁹A bu etto ryfel yn Gob yn erbyn y Philistiaid: ac Elhanan mab Iaere Dregim y Bethlehemiad a darawodd [frawd] Goliath y Gethiad, a phren ei waiw-ffon ef [oedd] fel carfan gwehydd.

²⁰A bu etto ryfel yn Gath: ac yr oedd gŵr corphol, a chwech o fysedd ar bob llaw iddo, a chwech o fysedd ar bob troed iddo, sef pedwar ar hugain o rifedi, efe hefyd [oedd] fab i’r cawr.

²¹Ac efe a amharchodd Israel: ac Ionathan mab Simea brawd Dafydd ai lladdodd ef.

²²Y pedwar hyn a aned i’r cawr o Gath: a chwympasant drwy law Dafydd, a thrwy law ei weision ef.