Read William Morgan Bible 1588 original edition 2.Samuel 22 Bible Online

2.Samuel 22 - William Morgan Bible 1588 original edition bible

2.Samuel 22

¹Dafydd yn canu mawl a diolch i’r Arglwydd. A Dafydd a lefarodd wrth yr Arglwydd eiriau y gân hon: yn y dydd y gwaredodd yr Arglwydd ef o law ei holl elynnion, ac o law Saul.

²Ac efe a ddywedodd: yr Arglwydd [yw] fyng-hraig, a’m hamddeffynfa, a’m gwaredudd i.

³Duw [yw] fyng-hadernid, ynddo ef yr ymddyriedaf: fy nharian, a chorn fy iechydwriaeth, fy nerchafiad a’m noddfa, fy achubwr, rhac trais i’m hachubaist fi.

⁴Galwaf ar yr Arglwydd canmoladwy: felly i’m cedwir rhac fyng-elynnion.

⁵Canys gofidion angau a’m cylchynasant: afonydd y fall a’m dychrynnasant i.

⁶Doluriau vffern a’m gogylchynasant i: maglau angau a’m rhacflaenasant i.

⁷Yn fyng-hyfyngdra y gelwais ar yr Arglwydd, ac y gwaeddais at fy Nuw: ac efe a glybu fy llef oi deml, a’m gwaedd [a aeth] iw glustiau ef.

⁸Yna y cynnyrfodd, ac y crynnodd y ddaiar, seiliau y nefoedd a gyffroasant, ac a ymsiglasant am iddo ef ddigio.

⁹Derchafodd mwg oi ffroenau ef, a thân oi enau ef a yssodd: glô a enynnasant ganddo ef.

¹⁰Efe a ostyngodd y nefoedd, ac a ddescynnodd: a thywyllwch [oedd] tann ei draed ef.

¹¹Marchogodd efe hefyd ar y Cerub, ac a ehedodd: ie efe a hedodd ar adenydd y gwynt.

¹²Efe a osododd y tywyllwch yn bebyll oi amgylch: [sef] cascliad y dyfroedd, [a] chwmylau yr awyr.

¹³Gan y discleirdeb [yr hwn sydd] ger ei fron ef yr enynnodd y marwor tan-llydd.

¹⁴Yr Arglwydd a darânodd o’r nefoedd: a’r Goruchaf a roddes ei lef.

¹⁵Ac efe a anfonodd [ei] saethau, ac ai gwascarodd hwynt: [anfonodd efe] fellt, a drylliodd hwynt.

¹⁶Gwaelodion y môr a ymddangosasant, [a] seiliau y byd a ddinoethwyd: gan gerydd yr Arglwydd, [a] chan chwythad anadl ei ffroenau ef.

¹⁷Efe a anfonodd oddi vchod, cymmerodd fi [a] thynnodd fi o ddyfroedd lawer.

¹⁸Gwaredodd fi rhac fyng-elyn cadarn: a rhac fyng-haseion, am eu bôd yn drêch na mi,

¹⁹Achubasant fy mlaen yn nydd fyng-ofid: a’r Arglwydd oedd yn gynhaliad i mi.

²⁰Efe a’m dûg i ehangder: efe a’m gwaredodd i, canys ymhoffodd ynof.

²¹Yr Arglwydd a’m gobrwya yn ôl fynghyfiawnder: yn ôl glendid fy nwylo y tâl efe i mi.

²²Canys mi a gedwais ffyrdd yr Arglwydd: ac ni wneuthum yn ddrygionus yn erbyn fy Nuw.

²³O herwydd ei holl farnedigaethau ef [ydynt] ger fy mron i: ac oddi wrth ei ddeddfau ni chiliais i.

²⁴Bum hefyd berffaith tu ag atto ef: ac ymgedwais rhac fy anwiredd.

²⁵A’r Arglwydd a’m gobrwyodd inne yn ôl fyng-hyfiawnder: [ac] yn ôl fyng-lendid o flaen ei lygaid ef.

²⁶A’r trugarog y gwnei drugaredd: a’r gŵr perffaith y gwnei berffeithrwydd.

²⁷A’r glân y gwnei lendid: ac a’r cyndyn yr ymgyndynni.

²⁸Canys ti a waredi y bobl gystuddiedic: ac a ostyngi dy lygaid yn erbyn y rhai vchel.

²⁹Canys ti [a oleui] fyng-hannwyll i ô Arglwydd: a’r Arglwydd a lewyrcha fy nhywyllwch.

³⁰O blegit ynot ti y rhedaf drwy fyddin: yn fy Nuw y llammaf dros fûr.

³¹Duw [sydd] berffaith ei ffordd: ymadrodd yr Arglwydd sydd buredic, tarian [yw] efe i bawb a ymddyriedant ynddo ef.

³²Canys pwy [sydd] Dduw heb law yr Arglwydd? a phwy [sydd] graig eithr ein Duw ni?

³³Duw a’m cadarnhaodd i a nerth: ac a ryddhaodd fy ffordd i yn berffaith.

³⁴Efe sydd yn gosod fy nhraed fel [traed] ewîgod: ac efe am sefydlodd i ar fy vchelfaoedd.

³⁵Efe sydd yn dy scu fy nwylo i ryfel: fel y dryllid bŵa dur [yn] fy mreichiau.

³⁶Rhoddaist hefyd i mi darian dy iechydwriaeth; ac a’th fwynder y lluosogaist fi.

³⁷Ehanghaist fyng-herddediad tanaf: fel na lithrodd fy sodlau.

³⁸Erlidiais fyng-elynnion, a difethais hwynt: ac ni ddychwelais nes eu difa hwynt.

³⁹Difeais hwynt hefyd, a thrywenais hwynt fel na chyfodant: ac hwy a syrthiasant dann fy nhraed i.

⁴⁰Canys ti a’m gwregysaist i a nerth i ryfel: cwympaist tanaf y rhai a ymgyfodent i’m herbyn.

⁴¹Rhoddaist hefyd i mi warrau fyng-elynnion: fel y difethwn fyng-haseion.

⁴²Disgwiliasant, ac nid [oedd] achubudd: [sef] am yr Arglwydd, ac nis attebodd hwynt.

⁴³Yna y maluriais hwynt fel llwch y ddaiar: melais hwynt fel tomm yr heolydd, [a] chenais hwynt.

⁴⁴Gwaredaist fi rhac cynhennau fy mhobl: 136 cedwaist fi yn benn [ar] genhedloedd, pobl nis adnabam a’m gwasanaethant.

⁴⁵Meibion dieithr a gymmerant arnynt ymddarostwng i mi: pan glywant, gwrandawant arnafi.

⁴⁶Meibion dieithr a ballant: ac a ddychrynnant oi carchar-dai.

⁴⁷Byw fyddo yr Arglwydd, a bendigedic [fyddo] fyng-hraig, a derchafer Duw, craig fy iechydwriaeth.

⁴⁸Duw sydd yn rhoddi i mi allu i ymddial: ac sydd yn darostwng pobloedd tanaf i.

⁴⁹Ac sydd yn fy nhywys i o blith fyng-glynnion: ti hefyd a’m derchefaist oddi wrth y rhai a gyfodent i’m herbyn, rhac y gŵr traws i’m hachubaist i.

⁵⁰Am hynny y moliannaf di ô Arglwydd ym mhlith y cenhedloedd: ac y canaf i’th enw.

⁵¹[Efe sydd] dŵr iechydwriaeth i’r brenin, tŵr iechydwriaeth [ydiw efe] iw frenin: ac yn gwneuthur trugaredd iw eneiniog, i Ddafydd, ac iw hâd ef hyd yn dragywydd.